طبينه للمحل وني اتراجف..
ونوب العامل ولد صدقه لالله.. ياكاع انبلعي وشكيني..
كلساع مازن يجيب سيت شكل ويكولي هااه عجبج.. لج يطلع عليج يموت..
وني بس اصب عرك اريد بس اطلع شجابني شوداني لو باقيه بالبيت احسلي..
طلعنه من المحل حسيت حمل ونزاح عني..
طبعا من كثر الغراض الشتريناها كلساع نودي الغراض النشتريه للسياره لان منكدر نشيل..
اخير شي مازن كال خل نروح نشوف الاثاث..
مازن كافي تعبت والله رجلي تكسرت والسياره حتنفجر من الغراض..
زونه تره ني مو كل يوم اعرس هيه مره وحده واريد كلشي حلو ومرتب وماناقصج شي..
حبيبي والله مينقصني غيرك نته تكفي وتوفي..
يلا مدامج تعبتي نروح نتعشه بالمطعم ونرجع للبيت باجر نكمل..
لا مازن عندي فكره احسن..
شنو..
حبيبي ليش ما ناخذ الاكل سفري ونروح للشقه مالتنه نودي الغراض الزايده ونتعشه هناك..
غمزلي.. والله فاتتني..
كرصته.. مازن تره تفكيرك مريض..
ههه ادري ..
صدك رحنه اخذنه سفري كص وبيتزا ورجعنه للشقه جانت فارغه تماما..
طبينه وبيدنه بس الاكل ..
باعي هذا الاكل رتبيه بين ماجيب الغراض..
ووك حياتي..
راح يطبب الغراض وني حضرت الاكل والعصائر ..
رحت غسلت وتوضيت وصليت ..
مازن صليت..
لا حياتي هسه..
مم وك..
راح صله واجه..
كعد كدامي.. تزحفت وكعدت يمنه حته يمكن بحظنه..
ضحك .. شبيج ناويه عله شي.. جبتينه لهنا وهسه بحضني شنو بالج..
ههه لا حبيبي بس مشتاقتلك.. يعني صارلي هوايه مكاعده وياك بسبب الدراسه..
حياتي ان شاء الله ميضيع تعبج..
ضليت اوكله ويوكلني ونسولف شلون نرتب الشقه..
صارت الساعه ب العشره كلي يلا زونه اوصلج للبيت..
مم اوك ..
وصلني ونزلنه الغراض ..
امي تكول شبيكم شجاكم هلكد مشترين بمره وحده عاد قسموهن عله روحات..
كتله بس يكول هذا اصلا قسم من اللي رح اشتريه الج باجر هم يريد ياخذني نشتري..
ماجد كمز وكال..
لا عيني هالمره يدفع ضربيه الروحه الاولى بلاش الثانيه بفلوس..
لا والله مو بكيفك اطلع وياه..
مشي لج تره حته ماخليج تشوفيه..
صدقه ونته شكو لو غيران عادي كول نخطبلك..
منو ني اغار لا ومن الزعاطيط...
ها يعني مازن زعطوط..
يي وليش ادافعين عنه لازم الحب كاتلج...
تبسمرت وطفرت للغرفه اكدر الملابس يمه جبل حته ملحكت اكملهم..
امي كالت ميحتاج يشتري ملابس نوب ذوله هوايه كولش..
سكتي يوم بس اكوله يعصب ويكولي هوه ني كم مره اعرس..
رؤى تكول.. عوفيه يمعوده فرحان هنه الفلوس منه واله لتعاندين ..
نمت ونفس الروتين كل يوم ياخذني مازن نشتري غراض للشقه نجهز...
اتفقه وره سبوع نزوج ..
مازن كالي بدلة العرس عليه..
بيوم الحنه كعدوني حته اروح للصالون...
ماريد اروح عوفوني...
لج دكومي فضينه حنتأخر..
ماريد نعسانه..
خابرت امي عله مازن واجه طب للغرفه..
زونه حياتي ليش متكومين..
ماريد..
كومي حبيبتي اروحلج فدوه..
جان مدد يمي وساد الباب وني ناطيته ظهري..
مازن ماريد اروح ام الصالون بس تلوص بوجهي ني اخلي مكياج..
ميخالف حبيبتي بس لو تسويلج التسريحه لخاطري..
التفتت عليه وغمرت راسي بحضنه..
كام يوخر الشعر من عله وجهي ويهمس..
زونه انتظرج بالسياره يلا لتتأخرين...
كمت وبدلت كتلهم ني راح بس اسوي تسريحه واجي ...
طلعت وصعدت يم مازن..
صباح الخير..
لج يا صباح هذا الساعه ب12 ..
عادي حبيبي اصلا هسه الدنيا الفجر بالنسبه اليه...
ههه يلا خلينه نلحك..
طول الطريق لازم ايدي ومشغل اغاني رومانسيه...
طبيت للصالون وسوولي التسريحه ولبست البدله مازن كال ..
زونه مبقه بس المكياج خل تمكيجج...
ووك حبيبي..
اروحلج فدوه يلا رح انتظر بالسياره...
معترضت عالمكياج لان ماريد اخرب اي شي بهذا اليوم...
