ميتحرك....
وخررت من فوكاه ....
اباوع عليه... اريده يحس ماكو ....
نوب احركه اندس بيه ماكو...
تخبلت ماعرف شسوي...
لبست الجبه عالسريع وطلعت من الشقه اريد احد يساعدني..
شفت شباب ثنين حجيت وياهم اجبني طلعو عرب ...
فهمتهم رجلي ماعرف شبيه بس ساعدوني..
خطيه اجوي شالوه واخذوه للمستشفى...
ساعات مرت عليه مثل الجحيم نفس مبقه بيه...
اريد افهم شبيه ... نوب دموعي ماكو كله خوف عله مازن...
اجه واحد من الشباب كلي ...
نتي من وين...
ني من العراق...
اهاا اوك ....
طلع الدكتور ورحت ركض عليه...
اللي فتهمته نو منخفض عنده السكر كلش ومغمي عليه لوما متلاحكيه جان مات...
ني من سمعت هيج وكعت بالكاع احس رجلي متشيلني...
ماعرف شصار بيه مادري خايفه لان مازن جان حيموت .. مادري فرحه لان الله كتبله حياة ...
طلبت اطب واشوفه... طبيت وشكله تعبان كعدت يمه واهمس...
مازن... مازن يلا كوم ماكدر بدونك كوم...
كمت ابجي وماتحملت اشوفه مشكل بالاجهزه .....
اجوي الدكاتره طلعوني ومنعوني اطب بعد لازم يرتاح...
ظليت كاعده بره وني وحده ماعندي احد هنا...
اجوي الشباب كالو اي شي تحتاجين هذا رقمنه...
تشكرت منهم وراحو ....
وره ساعه اجه الطبيب وكال المريض كعد ونكدر ناخذه...
طبيت للغرفه وجان كاعد ودكم القميص مفتوحه وشعره مكفش...
ركضت لحضنه وابجي...
يسكت بيه وماكو شهكاتي رج المستشفى رج...
كومني وكال...
يلا ولج مو زلمه بعينج جان ستحيتي...
مسحت دموعي وكمت ...
شافني لابسه لبس مال مخابيل كام يضحك عليه...
لج شنو هاي شلابسه ههههه...
ليش رجلي راد يموت تريدني اكشخ واتمكيج واجي ...
ممم رجلج والله لوما بالمستشفى جان علمتج...
اجه الدكتور وطلعنه ....
جنت سانده مازن لان شويه تعبان...
نومته عالجربايه عاط بيه...
شبيج ولج تره مو جاهل ومابيه شي...
لا بيك نام لتتحرك..
ولج خبله شنو ماتحرك وخري منا...
نام وليدي نام ....
رفعلي تك حاجب وكلي...
بالله شلون عرفتي بيه مريض...
كعدت يمه عالجربايه... وحجيتله...
كام وصار وجهه بوجهي..
شو اشوف...
ششوف ...
انزعي الجبه...
فتهمت قصده نو انزع الجبه حته يشوف السيت..
ضربته عله كصته...
اكولك نته مو مريض ومابيك حيل...
جج جج مبيه شي...
كمت طفيت ضوه الغرفه .. نزعت الشال والجبه
وهوه صافن عليه ويبلع ريك... جان كاعد و ممدد رجله عالجربايه ..
جيت وكعدت بصفه...
ظلت عيني بعينه الي ان حاوط وجهي بأيده وباسني...
سحبني للفراش شويه شويه الي ان صار فوكايه...
بديت افتح دكم قميصه وهوه يتلمس بجسمي بحيث ماخله مكان يعتب عليه...
رفع راسه من جسمي وخله عينه بعيني ...
رفع وجهي بأيده وباسني وراها همس بأذني....
ذا تأذيتي ادفعيني....
مر الوقت واخذني مازن لعالم ثاني بيه بس ني وهوه...
خلص وسحبني بحضنه...
كلي...
هسه صرتي مرتي...
حضنته ونمت لان كلش تعبت ...
كعدت لكيت مازن يبوس بخدي وبركبتي دنكت راسي وباوعت الغطا ماكو وثنينا ملابسين شي...
جفلت ورحت ركض للحمام... اسمع مازن يضحك...
داغسل وماحس اله مازن جرني وحضني ....
همس بأذني..
خجلانه مني...
خليت راسي عله صدره ونسيت حته الخجل...
سبحنه سوه وطلنه وكل شويه يغمزلي لو يرفعلي تك حاجب ....
خلصت السفره وني مرتاحه كولش ويه مازن...
رجعنه ومحد جان يدري شوكت نرجع...
طبيت للشقه حسيت براحه نفسيه ....
رحت ركض للفراش ونبطحت فوكاه ....
اجه مازن صار فوكايه حضني من وره...
ظل يهمس بأذني ويدغدغ بيه وني ادفع بيه...
لاوفني عله جهته وخله وجه بوجهي ...
حضري نفسج بعد يومين الحفله ...
عقجت حواجبي بمعنى شنو...
قرب شفته من اذني وهمس...
شنو نسيتي تره تزوجنه جر نفس طوييل بعدهه كال اووف ييي تزوجنه....
ني فتهمت يقصد السبعه...
حبيبي...
عيونه...
تره راح موعد السبعه...
همسلي...
نتي عروستي واسويلج احله حفله لو بعد سنه...
همستله ...
عروستك...
كام من فوكايه ونام عدل وجرني لحضنه...
نمنه بملابسنه من التعب...
كعدت جانت الساعه تقريبا ب 3..
كم الحك عله صلاة الظهر ...
مازن ماكو ...
وره شويه الباب نهجم...
عبالك طبو داعش...
صحت منو ...
اجاني الرد...
ام الولد ام السحوره حيوانه صايره مره براسي افتحي الباب...
ركض فتحت الباب وطب رؤى...
ساعه تكفخني وساعه تحضني ...
شلت بنته اويلي فده للجمال...
ظليت لازمه بنته وافتر بيه ...
طبعا اخويه وصل رؤى سلم عليه وراح لان مازن مموجود ....
ندكت الباب رحت فتحته مازن شافني لازمه بنت رؤى ...
اخذه مني وباسه ويلاعبه...
جريته منه .. كافي عوفهه...
ضحك وغمزلي.. لازم تغارين زعطوطتي...
رفعتله حاجب وصديت وجهي...
حضني من وره وهمس..
تره شتاقيت...
عوفني تره هسه تطلعنه رؤى...
كال خوش مدامه هنا هاي صاحبتي...
صاح .. رؤى .. رؤى تعاي شوفي حماتج...
اجتي ركض عباله اكو شي ...
هيه جانت تبحوش بالغراض الجبته الهه واصلا مدايرتلي بال عبالك كاعده ابيته...
اجتي شافتنه بهالوضعيه...
عافني مازن ...
سلمت عليه وظلو يضحكون عليه ...
مازن يلاعب بنته وهيه تضحك رغم صغيره بس محبوبه وملعبه...
وره شويه صاحني مازن...
زونه تره عزمت بيت خالي ( يقصد اهلي)..
مم ليش مكتلي تره ماعرف اطبخ...
باسني من خشمي... ومنو كال الحلو يطبخ...
ممم لعد شنو..
رح ادز من المطعم...
اجوي اهلي سلمت عليهم ...
ابويه سألني شلونه وياج...
كتله الحمدلله...
هوه خل يحجي وياج اطيح حضه ....
ضحكت ودنكت...
كرصني مازني وشاورني ني اعلمج مسيطره اهلج هنا هم اكدر اجيب اهلي...
حبيبي امك توكفلي..
عض شفته..
ابويه صاح بينه شبيكم تتبسبسون ...
ضحك مازن ... لا خالو ماكو شي بس ازل تكولي شوكت يروحون...
فكيت عيوني وضربته عله كتفه...
يابه والله مو صدك...
هاا يعني ني اجذب..
ابويه كله اسكت اسكت نته اكبر جذاب...
ظلينه نضحك ونسولف راح مازن يجيب العشه امي وابويه واخوتي بالهول كاعدين يسولفون....
بنت رؤى يم اختي بالغرفه ...
كعدنه ني ورؤى نحضر شغلات للعشه بالمطبخ...
سألتني رؤى شلون جانت اول ليله...
باوعتله صفح... مالج دخل..
تحجين لا اكوملج...
لج كولشي مسوينه بيوم العرس...
فتحت عيونه... شنووو...
يي غير جتني ال...
وليش محسبتيله هلكد غبيه وحيوانه...
هي هي هوه رجلي ما حاسبني حته نتي...
شمرت عليه الخاشوكه ... يي وشصار ...
وره كم يوم تقربلي...
هاا خوش...
اجه مازن جاب العشه صبيناه وطول العشه يبسمروني...
خصوصا ماجد يكولي صايره مره...
خلصنه عشه لملمت ني ورؤى ورحت ركض عله بنته ابوس بيه جانت نايمه..
طب مازن شافني مدده يمه غمزلي..
نسوي الاحلى منه...
كمت وتوجهت لمازن ....
همست بأذنه ... متكدر...
حضني قوي... لج لوما اهلج هنا جان علمتج ...
عفته وطلعت ...
راحو اهلي ...
ركض اخذت سيت وطبيت للحمام..
طلعت لكيت مازن واكف بالباب...
باوعلي من فوك لجوه ويصوفر...
لك شنو هاي هذا كله اليه ويأشر عليه...
حاوطت ركبته بأيدي .. يي كله
اخذني للفراش ووو..
كعدت ثاني يوم تريكنه سبحت وكلي مازن اهله عازمينه...
بدلت ورحنه ستقبلتني عمتي بجوكليت بوسته وسلمت عالجناين ...
تغدينه وكعدنه نسولف مازن كللهم باجر نسوي حفله السبعه...
ترخص مازن منهم ورجعنه للبيت ...
ثاني يوم اجوي اهلي وعيالي من الصبح وبدينه نحضر عمتي تكولي كعدي نتي عروسه...
كرصتني وحده من الجناين .. وني ثاني يوم تكولي شبيج مخدره ضحكت ...
اخير شي سحلتني عمتي لغرفتي وطببت مازن وكلتله الزم مرتك لتتحرك منا بعده عروس ضحك وغمزلي تتددل نبع الحنان ...
ردت عليه كلتلي بدلي خلي مكياج ...
راحت وسدت الباب ...
اجاني مازن جنت كاعده عالجربايه...
كومني وحضني ...
جنت لابسه تراك لان ماكو بس النسوان ...
فتح السحاب .. لزمت ايده .. مو وكتك...
خزرني وكمل ... نزعني البجامه وبقيت بس بالداخليات ...
كعدني عالجربايه وراح جاب فستان جديد...
كمت كتله هذا منين...
جرني من ايدي وباسني...
جنت شبه خدرانه خليت راسي عله صدره ...
رفع راسي.. حته بعد متسألين...
لبسنياه وجان يخبل...
باوعلي من فوك لجوه وتنهد...
صديت عليه وغمزتله ... ماكو حبيبي بعد لبست...
رفع حاجبه .. مو بكيفج بس رح ارحمج واروح لان ورايه حفله...
راح وخليت مكياج وخليت شعري مفلول ...
قبل ماطلع طب مازن للغرفه ... ناسي تلفونه..
شافني عايفه شعرف مفلول تخبل..
صاح رؤى وكلله رفعيله شعرهه ماشوفه هيج ....
طلع بسرعه.. سوتلي تسريحه وطلت شافتني عمتي غمزتلي... ستحيت ودنكت...
شغلو الدي جي ومقصرت بالركص...
عمتي لبستني كلاده ذهب وامي سوار...
خلصت الحفله وراحو...
اجه مازن سحبني للغرفه ...
راد يبوسني وخرت...
حضني بحيث ماكدر اتحرك... شبيه الحلو زعلان...
دنكت راسي.. مبيه شي...
ممم اكيد...
لا بس ليش مخليتني افتح شعري...
ضحك من كل كلبه...
ودفعني عالجربايه...
فتح شعري... لج كل عقلج اخلي غيري يشوفه...
بس مو هيج...
لا هيج واكثر ...
كتله وخر خليني اطب للحمام...
شالني وطببني للحمام وووو...
جنت نايمه بحضنه... همس بأذني...
باجر عندي التحاق...
صديت عليه لان جنت منطيته ظهري...
لاه حباب ...
شنو مو بكيفي...
وووف ...
ثاني يوم وصلني لبيت اهلي وراح لان التحاقه يومين ويخاف ابقه وحدي...
مرن اليومين ومازن ماكو ... اخابر هم ماكو...
بالليل سمعت عياط بالبيت نزلت والصدمه....
