خلصت ام الصالون .. دكيت عله مازن واجه صعدت بالسياره..
مازن شغل التبريد حتريت...
لا حبيبتي الجو زين تروحين تتمرضين...
والله مختنكه ....
اخذي نفس شبيج...
لزمت ايده بس هوه حته مشافني لان منزله الكبوس ....
باس ايدي وكلي محضرلج مفاجأه...
شنيه..
هيه غير مفاجأه نتظري...
وووف ..
وصلنه البيت والهلاهل والركص..
وني مالي خلك مادري شبيه حته رؤى تكولي وجهج اصفر شبيج...
رؤى عوفيني مالي خلك تعبانه...
يمه بس لا حسدوج....
لا ولج مو هيج بس اريد اروح للغرفه مختنكه ...
رحت للغرفه ونزعت البدله اريد البس فسان مريح...
خابرني مازن..
حبيبتي رح اجي اطلعي بالحديقه اريد اسولف وياج...
نسيت الفستان ولبست اوفر حصر ومفتوح الصدر والضهر طالع منه...
طلعت وتلكاني مازن بحضن ...
شكو شبيك...
لج نتي شنو..
مازن لتخبلني...
لج احبج احبج...
مازن سولف شكو...
لج معدلج 97...
شنوووو...
والله ...
حضني مازن وني هم من الفرحه...
يعني رح اصير دكتوره...
يي...
ضليت اضحك وياه وبين السوالف والفرحه كلي. .
لج هاي شلابسه...
شنو...
لج النسوان هيج تشوفج...
يي حبيببي عادي...
لا بدليه كولش مدلع...
مازن حباب لتكول هيج ... تعال ...
وين..
نطب جوه ...
لا رح اروح عندي شغل هوايه...
شنو الشغل...
مالج دخل طبي جوه...
مم ووك...
شبيج...
لاه بس ...
بس شنو..
اريد بوسه...
اااااا شت شتكولين...
تقربت وبسته من خده...
شبيك خدرت ...
لا عبالي..
شعبالك اباولعه بمكر...
طبي طبي لا ابتلي بيج...
طبيت وني الفرحه مسايعتني...
كمت اصيح... نصو الديجي...
كله مصدومه عبالهم بيه شي...
عطت بكل حسي صرت دكتوره...
جتي رؤى تركض حظنتني كتله ولج ديربالج...
والناس تباركلي...
خلصت الحفله ومادري عن مازن شي...
بالليل سمعنه عياط...
جنت نايمه بغرفتي وحدي..
طلعت اريد اعرف شكو.. تقريبا جانت الساعه بالوحده...
رؤى تعيط لحكوني..
رحت دكيت الباب عله امي طلعو دياخذوهه للمستشفى...
كتلهم اجي وياكم...
لج وين تجين حنه بيا حال...
ما ني حالفه اروح وياها من تجيب...
صدك رحت لبست وكحشت روحي وياهم..
الطريق كله ني اضحك عليه ...
هيه تكوللهم نزلوهه تتشمت بيه...
طببوهه للمشتفى وجابت طبيعي..
بنوته تخبل...
رجعنه للبيت...
الصبح قبل ماروح للصالون شاورت رؤى...
مو كتلج ماخذج ويايه بالزفه مصدكين...
مشي لج اروح بالزفه لو زحف...
ههه ومنو يخليج ....
طلعت ومازن ينتظرني فتحلي باب السياره..
صعد ولزمت ايده..
مازن..
ممم..
شبيك...
لاه مبيه شي بس ممصدك..
حبيبي وني هم ..
لج اروح فدوه لحبيبي التطلع منج...
ههه.. اكولك..
مم كولي..
البارحه دحت وراك...
ووين..
للمستشفى..
شعندج...
ويه رؤى .. ما افوت هيج لحضات تاريخيه...
هاا بكل عزه لطامه....
هههه لا حبيبي بس ني حالفه ...
لا حبيبتي ادري بيج بكل عزه لطامه...
كافي مو صوجك..
يي هوه صوجج .. وبلله شسويتي من رحتي ...
شهدت عليه..
الله واكبر عليج..
شبيك..
عبالي جيبتيه...
لتحشش عليه... تره هسه انزل ...
ههه وين تنزلين اليوم يومي...
وصلنه للصالون وكملت ..
رجعت ووره ساعتين جتي الزفه...
خطيه رؤى جتي زحف وباركتلي وكلتلي والله لوما بنتي الكحبه اله اجي بس غير هاي الساقطه مالكت غير يوم...
لج سكتي هيه شنو ذنبهه..
اجه مازن ورفع الركع وباس راسي...
كتلهم طفو الدي جي...
وكفت وكتلهظ سمعوني ني ماروح بالزفه..
خطيه مازن صار وجهه اصفر...
امي تكولي شبيج تخبلتي...
يابه شبيكم روحو كملو الزفه وتعالو خذوني وراها تدرون تلعب نفسي من الزفات...
مازن كعدني وكلي..
لج ردت اموت عبالي حتبطلين ...
حبيبي والله تلعب نفسي واحس بدوخه ..
ميخالف هسه نروح كبل للشقه...
صدك صعدت ويه مازن بالصدر وكبل للشقه...
طبيت والشقه تخبل ...
صحيح ني هم شاركت بأختيار الغراض بس مازن مرتبه ورايه هوايه ومسوي اجواء كولش حلوه...
شفت جنطه مال سفر عله صفحه بالهول عفته ..
جنت واكفه بالهول ومازن ماعرف شيسولف بره الشقه...
طب مازن وسد الباب..
شبيج واكفه هيج اكو شي...
لا بس صافنه...
ههه اول مره اشوف دكتوره تصفن..
هههه تره جوعانه...
يي هسه رح يجيبون بيتزا وكص ادري بيج تحبيهم...
كولش احبهم...
تقدم وحضني بدون مقدمات وبادلته الحضن..
ابتعد شويه وخله راسه عله راسي...
سحبني اكثر لحضنه بأيد والثانيه رفع بيه وجهي ..
تقريبا صرنه جسد واحد..
باسني بلهفه وبرقه... رفعت ايدي وحاوطت ركبته وبادلته الاحساس...
انكطع كولشي بدكه الباب...
جنه خدرانين وحته مكدرنه نفتح عيونه...
راح مازن يجيب الاكل وسمعت صوت اخويه ماجد يضحك وياه...
يابه شبيكم مستعجلين بعد وراكم الليل كوله...
امشي لك ولي منا ...
ني كمت اكمز من الخجل...
رحت ركض للغرفه اريد ابدل البدله خنكتني...
صاح مازن..
زونه وينج..
ااا بالغرفه..
وكف يم الباب منتجي عليه ومكتف ايديه...
تعاي نتعشه...
يي بس اريد ابدل ...
جنت واكفه كدام المرايه..
اجه وكف ورايه وبعد خصلات شعري اللي مغطيه ظهري...
بده يفتح السحاب وني ماعرف خدرانه لو خجل...
فتحه للنهايه ولزم البدله حته متوكع...
باسني من ركبتي وهمس..
بدلي وتعالي نتعشه انتظرج ...
طلع وعافني صافنه...
بسرعه لبست شورت وكيمونه ...
طلعت للهول لكيت مازن كاعد عالقنفه وخال ايده عله وجه.. بعده لابس القاط بس نازع الستره...
من طبيت كعد عدل واشرلي اجي يمه...
كعدت بصفه ..
حاوط وجهي بأيده وكومني حته نتعشه..
