اول مطبيت بده العياط ..
اختي تصيح..
والله ليش ازل ترجع ويه خطيبهه..
عفتهه ومهتميت يعني لو هيه طالعه ويه خطيبهه اكدر احجي..
نوب خليت راسي عالمخده ..
جتي رؤى تركض .. سدت الباب وبده التحقيق..
شسولفتو..
رؤى حبابه اريد انام تعبانه..
لج يانوم يانوم اليوم متنامين ذا متكوليلي شسولفتو ..
يسلم عليج ..
هههه صدك..
يي يكول لوما هيهه جان مدبرت اموري..
نجبي اكيد مكال هيج..
لا كال .. بعدين تعالي شتفقتو عليه..
ووي عوفي شتفقنه سولفيلي شصار..
بس ضلينه واحد يسب الثاني وهاهيه..
ههه والله مخابيل..
لعد شعبالج.. يلا نكلعي اريد انام..
نخمدي ..
راحت رؤى وبديت اذكر لحضاتي ويه مازن..
مازن هادئ .. يعبر عن حبه بشكل حلو يعني مو همجي وتأكدت من هذا الشي لمن حضني..
كان بس يشم بيه كأنما ني الاوكسجين مالته..
وحته ذا راد يعبر بكلام فكلشي يكوله يذوبني...
نمت وكعدت العصر ..
تغديت وكعدت ويه رؤى نحش بالعالم ..
جتني امي تكولي سبوع الجاي نسوي حفلة المهر..
ااه يامهر..
شبيج مو حنه مسوينه حفله من عقدتو..
يي..
ومازن كال نسويه سبوع اليجي لان عنده عطله وحنه هم ماعدنه شي..
يي بس خاف ني عندي متحان.. خل اتأكد..
دزيت رساله لمازن ..
ليش سوي هيج..
ردلي وره ثواني..
شسويت..
لسوي نفسك متعرف.. المهر ليش السبوع اليجي..
بالليل اجي وافهمج..
ووك ..
صدك وره ساعتين اجه مازن ..
كعد ويه ابويه مدري شيتفقون..
وراها صاحني ابويه..
ازل .. ازل..
وني اكل بروحي شنو اطب لو ادك الباب لو شسوي..
رؤى تكولي طبي وفضينه..
رؤى ونتي شلج دخل..
كلي خرا شنو شلي دخل اني الاساس ..
والله نتي بطرانه..
وراها صاحني ابويه مره ثانيه ..
طبعا جنت لابسه بنطرون بيجي وبدي مرسم ردن ورافعه شعري لان طويل بس رؤى كالتلي نزلي منه ..
طبيت ..
ها يابه خير..
شنو ها يابه مو هذا رجلج هنا..
هاااه يي ..
لصيرين غبيه كعدي هنا ونجبي نتي وياه..
مازن كله ..
خالو ميصير هيج تره رح اتزوج كبرت يعني..
والله عاد كام ابويه شبع مازن كتل ..
ابويه متعود يكتل الجبير والصغير محد يسلم منه..
طول ما ابويه يكتل مازن ني اضحك عليه وهوه يكولي بس تعاي فكيني منهه..
وني قابل شراح اسوي ذا همه زلم غير اتكسر ..
جتي امي تكوله..
ياخطيه عوف الولد يصير بيه شي ووين نودي بنتنه..
خربو من الضحك وني صفريت..
ابويه عافه وطلعو.. بقينه بس اني ومازن..
عاد مازن باوعلي وكال..
جاك الموت ياتارك الصلاة..
شبيك مازن شكو..
شكو .. تشوفيني انكتل ومدافعيلي..
ياا كل عقلك وني شكدر اسوي..
عاد كوليله عوفه خطيه امج فكتني ونتي لاه..
تستاهل..
هااا..
يي والله.. ليش تحدد موعد المهر بكيفك...
زونه ماكدر اله سبوع اليجي .. نتي ردتي وره سبوعين وني عندي دوام ومالحك..
يعني سبوع الجاي ماعندك دوام..
لا عندي بس ارجع الثلاثاء..
مازن دوامه من السبت للاربعاء..
وووف مازن..
سكتي لصعبيه ..
مامصعبته بس عندي متحان..
يي قري من هسه..
ووك تددلل..
هذا الحجي ني كاعده و هوه كاعد كدامي عالتخم..
كام من مكانه وجه كعد يمي..
مازن كوم خاف يجي احد..
هه لا محد يجي خليت حمايه..
جرني لحضنه وفتح شعري...
ظل يشم بيه..
همس بأذني..
هذا الشعر الي وبس ..
صديت عليه..
وني شيبقالي..
نتي الج اني ...
هاهيه تصافينه..
تقرب يبوسني وباسني من خدي قريب شفافي..
توقعته حيبوسني بس لا ظني خطا..
همسلي...
لساني اذكر طعم شفافج.. مردت ابوسج ذاك اليوم بس نتي ستفزيتيني..
كام وجاب علاكه وطلع منه علبه هديه..
لتفتحيهه اله اروح ووك ..
مم ووك ..
ندكت الباب وطب ماجد..
هاا شجنتو تسوون..
رد عليه مازن.. سوالف تعبانه بعدك صغير..
هاا خوش زين كلتلي حته ابقه عله كلبكم واشوف هاي السوالف شوكت تسولفوهه..
ني تبسمرت بمكاني وذوله ماخذين راحتهم..
كمت طلعت اسوي العشه ويه امي ..
يوم تره ميتعشه يمنه..
لا شلون عيب يروح وكت العشه..
لا مو عنده شغل يكول ...
هاا ..
سمعت مازن راح صبينه العشه..
وكلهم يبسمرون بيه..
امي كالت باجر اروح نشوفلج بدلات للمهر..
رؤى كالت عمه تره مشترينه الذهب..
امي كالت يي طبعا..
لا يوم تره ماحب الذهب..
لعد شنو تبقين بدون ذهب..
يي عادي ..
نجبي لج اشتريلج اغله ذهب الناس شتكول بت ابو احمد لابسه خلك ...
والله نتو بطرانين.. بس هاا مو تجيبونه مو حلو عبالك مال عجايز والله مالبسه تره..
دسكتي سكتي..
كمت ورحت كملت قراية..
جتني اختي تكولي هذا مازن ديراسلج..
راسلته..وكلي..
زونه فتحتي الهديه..
لاه والله نسيته التهيت ويه العشه والقرايه وخبصه الذهب والمهر والبدلات..
هاا اوك من تفتحيه راسليني ..
لا اصلا دا افتحه..
اوكفي ..
هاا ..
خابرني وفتحت خط ..
باعي سدي الباب وفتحي كامره..
مم وك
فتحت الكامره وجان نايم وحاضن المخده ..
فتحته لكيت موبايل غالي كولش..
مازن ياا ليش..
شنو ليش حته اخلص من اختج...
هههه شكرا ...
بالعافيه حبيبتي..
فتحته وليكته منزل كل البرامج ومخلي سيم كارت..
ما شاء الله مدبر امورك..
لعد شلون حته اخذ راحتي..
ههه مازن..
ممم..
احبك..
جان حاضن المخذه حضنهه قوي وغمض عيونهه..
زونه كوليهه مره ثانيه..
احبك واعشقك.. نته نفسي اللي اعيش عليه نته كل حياتي ..
ووف زونه روحي تره اموت هسه..
ههه لا لتموت اريدك..
مممم اكيد..
يي طبعا نته مو رجلي..
لج كافي دلع رح اموت.. باعي البدله مال المهر ني اجيبهه..
ليش ..
نتي جيبي بدلات بس اول بدله تلبيسه اللي رح اجيبه..
مم وووك ويجوز بس البسه وحده..
ليش..
لانهه منك..
زونه مو كلنه كافي تره ماتحمل..
ليش متتحمل بكيفي..
ني الج صبريلي..
ههه لا دااشاقه حوبي شبيك..
ماكو نحسبت عليج..
ووف يله امي تصيحني...
يلا زونتي باي..
بايات حبيبي..
رحت عله امي وشوفتهم الموبايل ..
كالولي عساس يشترولي واحد بس مدام هوه جاب ماله داعي ..
بقه يحجولي شلون اصرف ويه مازن ولساني ما اطوله واحترمهه..
موتوني يلا عافوني..
طلعت من الغرفه تلكتني رؤى واخويه الصغير علي..
اخذو الموبايل مني ويفتشون بيه بلكت رساله منا منا..
لحالكم بعدني ممراسله بيه ..
هااا ..
يي ..
يلاا شوفوني عرض اكتافكم...
