وصلت آمنة البيت وفتحت ليها الباب امال (الأخت الوسطانية في البيت بتدرس بالمستوى الأول بالجامعة زولة مرحة ومافي شي بالدنيا بفرق معاها، أهم حاجة سعادتها وراحتها) حمد الله على السلامة ومرسومة على وشها ملامح الحزن، تسلمي يا أمولة مالك؟؟؟ ؟؟ تتفأجأ بأمها بتبكي جرت عليها في شنو يا أمي مالك؟ المات منو؟ في شنو انتي تعبانة؟ ردت امها مافي زول مات بس انا وقفت من الشغل بقيت ما قادرة اتحمل الناس ديل، ومحتارة حأعمل شنو ليكم وحأصرف عليكم كيف وأجيب من وين؟؟؟ ؟؟
ام آمنة هي الشايلة مسؤولية البيت بعد ما ابو آمنة نزل معاش وفضل قاعد بالبيت، خلاص يا أمي ما تشيلي هم انا من بكرة بطلع أفتش لي شغل لمن تلقي ليك شغل احسن وفي مكان كويس، بس انتي ما تتضايقي يا ست الكل بتتسهل أن شاء الله، ومسحت آمنة دموع امها ومرسومة على وشها ابتسامة كاذبة وهي من جواها بتتقطع والحسرة قاطعة قلبها.
دخلت غرفتها وبدأت تتصل على معارفها وبتسألهم لو في حد عارف شغل ايا كان نوعو يبلغها أهم شي يكون شغل حلال ومحترم، بس للأسف ما اخدت رد من فايدة كلها وعود مبنية على الوهم، ومشى اليوم بسرعة والحزن مخيم على أفراد البيت، ومر أسبوع وآمنة منتظرة خبر لوظيفة ما خلت مكان ما فتشت فيهو بس بدون فائدة وفي يوم وهم قاعدين مع بعض المسا، آمنة تلفونها يرن الو اهلين محمد كيفك، الحمدلله، لا والله لسى ما لقيت 😔 بالجد يا محمد 😍 والله لو ربنا وفقني واموري اتسهلت عمري ما حأنسى ليك وقفتك معاي دي تعيش أن شاء الله يا رب، الساعة كم لكن، طيب تمام تسلم يا محمد والله ما قصرت مع السلامة 😍😍😍😍 باركي لي يا أمي لقو لي شغل محترم وفي مكان محترم، ردت امها : وين الشغل دا اول شي ، في شركة هنا جمبنا كمان ولا بعيدة ، قال لي امشي الصباح وصف لي مكان الشركة طيب ربنا يوفقك ☺
وفي الصباح الباكر قامت آمنة اتجهزت وجات طالعة وقفت قدام امها يلا يا أمي اديني عفوك انا مشيت، ما شاء الله يا آمنة العين الحارة ما تعاين ليك زي القمر الله أكبر 😍😘 تسلمي لي يا ست الكل عيونك الأحلى، طيب لو كان شربتي ليك شاي ما أحسن، لالا خايفة أتأخر دعواتك، الله يسهلها عليك اتحصني وتابعي معاي اول بأول، أن شاء الله......
طلعت آمنة اتصلت على محمد ومتابعة معاهو لمن وصلت الشركة ودخلت سألت العامل : صباح الخير لو سمحت بسأل من حاتم، ساقها دخلها لي حاتم وبدأت قصتنا من هنا
🙊🙊🙊🙊🙊🙊
صباح الخير انا آمنة جاياك من طرف محمد، ايوووووة اهلا اتفضلي، شرح ليها وظيفتها والحاجة المطلوبة منها بطريقة مستعجلة بحيث انها حتتعلم مع مرور الزمن ودلاها على مكتبها الخاص بيها، وكل دا وآمنة مخلوعة وبترجف وما مستوعبة الحاصل وخلاها حاتم ومرق على مكتبو، آمنة بالإضافة لتوترها الهيئة العامة لحاتم ما ريحتها وهو جادي كده وباين عليهو الحزم والصرم وانتابها خوف عجيب تجاهو، وجاها راجع بعد 5 دقائق وقال ليها : قلتي لي اسمك منو انتي؟؟؟ ؟؟؟؟؟؟ اسمي أمنة، طيب كويس يا آمنة نسيت ما عرفتك على زميلاتك تعالى معاي، طلعت آمنة معاهو دخلها مكتب زميلاتها وعرفهم على بعض وكان مبين عليهم الرقي والظرافة، عرفها عليهم وساقها رجعها مكتبها وراها مواعيدها وقال ليها تبدي شغل من بكرة الصباح الساعة 8 هسي ممكن ترجعي بيتك، شكرتو أمنة وطلعت ودعت زميلاتها ورجعت بيتهم. وفي صباح أول يوم دوام وكعادتها كانت في كامل اناقتها وأول ما دخلت المكتب كانت المفأجأة الحقيقية بالنسبة ليها
😱😱😱😱😱😱😱
يتبع.....
