دخلت أمنه على حاتم وسألتو من البت القالو عليها حبيبتو وعيونها بتقول في كلام كتير، طلب منها تقعد واعترف ليها بعلاقتو بالبت دي، العلاقة المستمرة 3 سنة وحتتوج بالعقد يوم الجمعة. إنهارت أمنه وقالت ليهو عقدك بعد بكرة يا حاتم وانا اخر من يعلم، طيب انا وين من دا كلو، وانا بالنسبة ليك شنو؟؟؟؟ ومنهارة إنهيار تام، حاول يتفاهم معاها ويشرح ليها انها غالية عليهو جدا" وحتى لو عقد أو اتزوج دا ما بغير حاجة من مشاعرو تجاه، بكت أمنه وخلت ليهو المكتب وطلعت، لحقها حاتم في مكتبها بس رفضت تتناقش معاهو بسبب الصدمة الإتصدمتها فيهو وقررت بينها وبين نفسها تنسى حاجة اسمها حاتم وتعيش حياتها زي ما كانت عايشاها من قبل ما تعرفو، ومرت الأيام وجا يوم الجمعة ومر على أمنه زي النار وبالليل رسلت ليهو رسالة محتواها (مبروك يا عريس وربنا يتم ليك على خير) وطوالي حاتم رجع ليها بتلفون بس ما ردت عليهو وبقى حاتم يتصل ويتصل بس بدون فائدة.
ومشت الصباح دوامها عادي وحييت زميلاتها ومشت على مكتبها والعريس طبعا ما كان وصل لسى، بعد مرور ساعتين سمعت أمنه أصوات التبريكات والتحايا وشوية شوية الصوت الما #بغباها ماشي أقرب وأقرب لمن لقتو واقف قدامها، وقفت باركت ليهو متجنبة تعاين في عيونو عشان ما يشوف دموعها الغالبه تمسكها ونبرة الحزن كانت ظاهرة في صوتها وهي بتبارك ليهو 😭 مسك يدها وقال ليها عقبالك يا أمنه ☺ خلاص يا حاتم بقيت حق مرة غيري، خلاص كل الأحلام الرسمتها معاك ضاعت في السراب وبقت تبكي انت ما عارف اني بريدك، انا بجد بحبك يا حاتم والله وخلاص انت خسرتني 😭 وانهارت باكية، مسك حاتم أمنه من يدها والله البت دي انا ما كانت في حساباتي زولة لقدام بس التزمت بكلمة قبل اليوم لأخوانها ولازم كان أوفي بكلمتي، وبالمناسبة انا خطبتها بس يعني لسى ما بقت مرتي و والله خطوبتي دي ما ريدة بس مجرد إلتزام بكلمة انا قطعتها لرجال، سامحيني يا أمنه 😔😔😔😔 وأمنه تبكي ورافضة تتفاهم معاهو بس كلامهم انقطع بضيوف جو داخلين المكتب، أمنه طول اليوم حابسة نفسها في المكتب لا طلعت لا فطور لا صلاة ودموعها كلو شوية تجري غصبا" عنها وكل ما حاتم يجي داخل عليها يشوف دموعها، وجاها داخل المراسل يا أمنه حاتم بناديك في المكتب، طلعت أمنه ومشت لحاتم، اقعدي يا أمنه دايرك في موضوع ضروري، قعدت أمنه وملامح اليأس مسيطرة عليها وبدأ حاتم يشرح ليها ويتكلم معاها وجا قعد جمبها حضنها عليهو وهي بتبكي وتقول ليهو ليه عملت فيني كده انا بحبك وأخيرا نطقها حاتم والله انا البحبك يا أمنه 😭😭 أمنه هنا ما صدقت وفرحت شديد ودموعها عشرة عشرة، وحضنها حاتم وباسها في رأسها وطلعو بعد ما حصل برنامجهم داك وصلها بيتها، رغم تفاصيل حاتم المملة إلأ أن حب أمنه ليهو خلاها ما واعية ولا حاسة بنفسها.
استمرت أمنه في علاقتها مع حاتم وكلو يوم ماشة متعلقة بيهو أكثر، فتحت جامعة أمنه وجا الوقت اللي لازم أمنه تخلي فيهو الشغل وتنزل جامعتها، ونسبة لوضعها كلمت حاتم انها بتفتش في شغل في الفترة المسائية بس هو شافها صعبة عليها ورفض بس بعد ما اتكلمت معاهو وشرحت ليهو وضعها وافق، لكن صاحب الشركة قرر يخليها ثابته في شغلها ويخصص ليها ايام مسموح ليها فيها تمشي جامعتها وشكرتو أمنه للثقة بتاعتو ووعدتو انها ما حتقصر في شغلها، فرحت أمنه شديد واتصلت على أمها وورتها بالخبر السعيد وفرحت أمها شديد وقفلت من أمها بعد ما قالت ليها انها حتتأخر في الشغل عندها اجتماع واحتمال يأخذ زمن، واجتماعها دا طبعا (مع حاتم أفندي) بس المسكينة ما كانت عارفه اللي حيحصل ليها الليلة شنو 😭😭😭😭
يتبع....
