يرن تلفونها وتشوف اسم المتصل ويبدأ قلبها لا شعوريا" يدق وجسمها يرجف ويغلبها تفتح الخط، وتنقطع المكالمة وتاني التلفون يرن من جديد والبت دقات قلبها زايدة 😰 الوووووو قالتها بعد طول معاناة، عشان يجيها الرد الغير متوقع من الطرف الآخر (يا سيد جرسة مع ضحكتو الخنفشارية ديك) 😰 حاتم كيفك وكيف أمسيت، الحمدلله تمام اها انتي خبرك شنو والجديد؟؟؟
👱🏻♀ : كويسة الحمد لله
👱🏻 : ومالك خجلانة خجلانة كده، بالمناسبة نحن ما في الشغل، أخدي راحتك
👱🏻♀: لالا ما خجلانه عادي يعني
👱🏻: كويس تمام اها اتفقنا على موعدنا بكرة
👱🏻♀: ياتو دا؟؟؟ ؟
👱🏻: اهااااااااااا جابت ليها نسيان من بدايتها، مش اتفقنا حتجي تاني الصباح بدري
👱🏻♀: انت فعلا" قلت لي كده، بس ما وريتني السبب
👱🏻: ضروري يعني تعرفي؟
👱🏻♀: اي
👱🏻: ههههههههههههههه عشان اصطبح بيك ويومي يكون كلو خير يا وش الخير انتي، يعني اتخيلي بقيت بتفائل بيك مع انك يادوب عملتي شهر بس ذكائك ولباقتك واسلوبك لفت انتباهي لحاجات كثيرة
👱🏻♀: ما عارفه والله يا حاتم اقوليك شنو، بس دا من كرم أخلاقك والله
👱🏻: بتنومي بدري انتي؟
👱🏻♀: والله يعني على حسب مرة كده ومرات كده
👱🏻: انا هسي سايق ماشي لي مشوار وتقريبا شبه وصلت، لو طلعت بدري برجع ليك مظبط؟
👱🏻♀: أن شاء الله، حلوة مظبط دي بالمناسبة
👱🏻: ههههههههه حلوة عيونك يلا سلام وقفل الخط
وهنا آمنة بقت مجمدة في مكانها يا ربي انا مالي ومن متين بتكلم بهدوء كده، اوعى اكون 😱😱😱😱 لالا ياخ أعوذ بالله انا حالفة تاني ما بكرر غلطي الزمان كفاية علي سمير لي هسي قلبي بوجعني لمن اشوفو 😭😭😭😭😭😭 ولأ لمن اتذكر ان خلاني عشان واحدة ما تستاهل ياخ الرجال ديل مرض بس الحمد لله، أما بقى حاتم أفندي دا انا بقدر عليهو بطريقتي 😐
والصباح فجر قومي يا آمنة واتظبطي واتحصني وجري على المكتب عشان ما تتأخر على السيد المدير القالت انها بتقدر عليهو، ومن شافت العربية واقفة قدام المكتب الابتسامات والخجل اشتغل، دخلت وما لقت زولها في الاستقبال والمكاتب كلها مضلمة ودخلت مكتب حاتم بس النور مطفي ومن شلاقتها مشت على النور وولعتو 😱😱😱 وهنا تلقى ليك حاتم نايم في كنبة الجلوس وما جايب ليها خبر، قررت تطفي النور سريع وتنسحب بس في حاجة خلتها تقيف وتفضل تعاين في حاتم وهو نايم ولا على بالو، ويجي داخل المراسل فجأة ويلقاها واقفة في رأس الراجل النايم وبخلعة تقول ليهو، شاي البسكويت جيب لي معاك ويضحك المراسل ويضحك حاتم وما تعرف آمنة تقبل وين 😂😂😂😂😂😂😂 وتجري على مكتبها ونفسها الدنيا تنشق وتبلعها ويجيها حاتم، شنو الليلة مافي صباح الخير، وزي ما بقولو خير وسيلة للدفاع الهجوم، طوالي آمنة شبكتو ليك انت صاحي اقصد نايم في مكتبي مالك في بيتكم مافي سراير 😳😳😳 وينفجر حاتم بضحكتو ال............. خلاص حفظتوها طبعا" ويمرق يخلي ليها المكتب وهنا هي طبعا بقت في موقف لا تحسد عليه (جات تكحلا عمتها) وتاني ما مرقت من مكتبها خالص ومع زحمة الشغل حاتم ما جا عليها تاني وهي ما عارفة عنو اي شي، ومع نهاية الدوام جاها مرسال أن حاتم طالبها، دخلت عليهو نعم يا حاتم، انتي جادعة تلفونك وين؟ اتصلت عليك كتير على العموم في ايميل بعتو ليك في حسابك اطبعيهو لي وجيبيهو وتعالي سريع جابت آمنة المطلوب منها وجات، بدأ يشرح ليها في حاجات المفترض تنجزها وتردها في الميل بكرة الصباح ضرورية شديد، وكعادتها جاوبت بالطاعة وقبل ما تصل الباب نادى عليها اتلفتت بسرعة نعم، قال ليها بالله لمن تخلصي شغل ما تطلعي انا عاوزك في كم حاجة ثانية كده، ما ردت بس طلعت لمكتبها وتاني رجعت للتفكير في تصرفات وطلبات المدير الحيجننها قريب دا، انفتح باب مكتبها وجاها ليك صوت محمد اللي ما بغباها انتي يا زولة فهمك شنو انا مش قلت شغل يعني شغل؟؟؟ ؟؟ وقفت أمنه على حيلها وبتعاين لمحمد مخلوعة، انا عملت شنو؟؟؟ ؟ 😭 كيف يعني عملتي شنو وين الريبورت المفترض ترسليهو لي يومي أمس ما جاني ليه؟؟؟ الشبكة كانت كعبه، شوفي يا بت الناس لو ما رسلتي لي الريبورت ما تطلعي تمشي بيتكم ولا عذر لمن أنذر وخلى الباب فاتح وكان ورا الباب السيد المدير الإداري حاتم 😐 انفجرت أمنه بكا، دخل حاتم وقفل وراهو الباب نحن قلنا شنو؟؟؟ ؟؟؟؟ انا مش قلت ليك تاني ما اشوف دموعك، بس يا حاتم، بس خلاص ولا كلمة امسحي دموعك واهدي كده وانا بجيك تاني بعد شوية ☺ هدت أمنه نفسها شوية وجاها حاتم راجع انا بقعد معاك لمن تخلصي الشغل وبعدين نمشي البيت سوا
😳😳😳😳😳😳
نمشي البيت سوا كيف يعني
الشبكة ما ساعدت أمنه وكل عمال الشركة من موظفين لعمال لغيرو طلعو، وفضلت المسكينة قاعدة براها شغالة وحاتم قاعد بعيد وقدر ما ترفع رأسها تلقاهو بعاين ليها وما خلت اية ولا سورة وما قرتها، وزولنا يتبسم في صمت تام وبعد معاناة ومعاناة اترسل الايميل وبكده تكون آمنة قادرة تمشي بيتهم انا خلاص انتهيت، حمد الله على السلامة يا أستاذة خلاص نمشي ☺☺☺
نمشي وين يا حاتم
حيكون وين يعني بيتنا طبعا ولأ انتي دايرة تبيتي قبلك
😱😱😱😱😱😱😱
يتبع.....
