ونامت أمنه وتاني ما صحت إلا بصوت تلفونها المزعج وردت أمنه على حاتم بعجل ناسية انها كانت عاملة زعلانة، وجاها ليك صوتو الحنين صباح الخير يا عسل 😍 صباح النور يا حاتم كيفك؟
👱🏻: انا منتظرك جمب بيتكم تعالى سريع
👱🏻♀: الليلة 😳😳 الشغل الساعة كم هسي؟؟؟؟
👱🏻: ياخ تعالي لي بره وبعدين نتفاهم في موضوع الشغل دا
لبست أمنه ثوب أمها سريع سريع وجرت الشارع لقت ليك زولها يتبسم في العربية، اول ما شافها جا نازل ليها سلم عليها وقاليها بالمناسبة حلاتك بالتوب 😉 خجلت أمنه بس هاجمتو سريع سريع داير شنو انت يا حاتم، وبعدين شايفاك عامل رايح من تصرفك الزبالة بتاع أمس 😡 هههههههههههه في وحدة بتقول لراجلها تصرفك الزبالة 😂😂😂😂، راجل منو يا زول انت جنيت؟ انا حأجن لو انتي بقيتي ما حقتي 😍 انا بريدك يا أمنه ونفسي اكمل باقي حياتي معاك انتي بس، وبالمناسبة ناس بيتنا بعدين جايين يشربو معاكم شاي المغرب كلمي أهلك 😉، أمنه مخلوعة ومنططة عيونها والكلام راح ليها😳😳😳 فضلت مبحلقة في حاتم وهو يضحك انا اتأخرت على الشغل وانتي خشي كلمي اهلك واعتبري انك اليوم في إجازة، ودور عربيتو وهي لسى منططة عيونها وواقفة في الشارع، دخلت البيت اتصل عليها وأكد ليها الموضوع وهي لساها ما مصدقه، وبعد ما عذبت حاتم عذاب ورتو انها بتخجل وما حتقدر تكلم امها بس ادتو رقم تلفونها وقفلت منو، وشوية وجاتها امها تبتسم مبروك يا بنتي تستاهلي والله وربنا يتم ليك على خير، انتي حاتم دا مديرك صح؟ وأمنه في خجل ايوة 🙈 ههههههههه طيب انا حأتصل هسي على خيلانك وخالاتك واعمامك عشان نكلمهم الناس ديل قالو جايين بعد المغرب 😍😍😍😍 ومرقت ام أمنه من بنتها وهنا أمنه خلاص بقت سابحة في عالم تاني، واليوم مشى وهي لأنها مقضية اليوم كلو ونسة مع حاتم ما جهزت نفسها وشوية وكان أهلها جو داخلين وشاكلوها لأنها ما جاهزة بس هي لثقتها بنفسها قررت تكون قاعدة بطبيعتها وتقابل أهل زوجها المستقبلي بنفس هيئتها الكانت عليها، كل العملتو لبست فستان ظريف وكوزت طرحتها وختت بسيط من عطرها وفضلت منتظرة الضيوف على أحر من الجمر.....
شرفو أهل العريس المرتقب وأهل أمنه رغم بساطة وضعهم إلأ انهم قدرو يكرمو أهل حاتم وما قصرو معاهم وام حاتم واخواتو الإثنين مبسوطين من أمنه وأهلها شديد وفرحانين بيها وبذوق ولدهم، وجا داخل عليهم ابو أمنه (قومي يا أمنه يا بنتي جيبي لي الرقم الوطني بتاعك، نحن حنعقد أن شاء الله) صبت مطرة في أمنه والنساوين بدو يزغرتو بس أبو أمنه قال ليهم تمو زغاريدكم دي بعد العقد، وفعلا تم العقد في ظرف ربع ساعة وسمعنا ضرب الرصاص، والبيت ضج بأصوات الزغاريد الملعثمة بدموع الفرح، أمنه حضنت امها وأخواتها شديد وبقو يبكو وبقية النساوين بكا وزغاريد في آن واحد 😍😍😍😍😍😍😍 ومشو الضيوف بعد ما حددو موعد قريب للزفاف بحجة ما يضيعو فرصة اجازة أمنه الكان باقي فيها 45 يوم، وكمان أهل أمنه مشو وخلوهم مع فرحتهم الجات بدون سابق إنذار، ويرن تلفون أمنه : مبروك يا أم ولدي ربنا يقدرني وأسعدك 😍😍😍😍 حاتم انا والله لسى ما مصدقة، ومتين بقيت مرتك بالسرعة دي 😂😂😂 حاسة نفسي بحلم والله
👱🏻: هههههههههههه شنو يا مرة ما فيها مبروك؟
👱🏻♀: ههههههههه مبروك يا راجلي 🙈🙈🙈
👱🏻: ياخ مبروك لي انا دا والله ما تتخيلي حجم السعادة الحاليا انا فيها
والمكالمات مستمرة للصباح مافي واحد فيهم نام، بس الأيام جرت سريعة والزفاف كيف كيف كيف تم على عجل وكان عرس أمنه ما تحلم بيهو، ومشو ماليزيا يقضو شهر العسل، والجد كانت ايام حلوة شديد واستمتعو مع بعض جدا"😍😍😍 وجات أمنه راجعة بلدها مع راجلها وهم في قمة السعادة، وتسمع ليك أمنه صوت أمها من بعيد بتنادي عليها وكلو مرة الصوت ماشي أقرب، وترفع أمنه رأسها وتلقى ليك امها بجلباب الهزاز واقفة في رأسها، انتي يا بت الليلة ما عندك شغل نايمة لي هسي 😡😡😡 انتي عارفه الساعة كم، لتكتشف أمنه انها كانت حلمانة، وكل التفاصيل الحلوة العاشتها دي مجرد حلم 😂😂، بعد عرفت أمنه انها كانت حلمانة رفعت رأسها لأمها : يا أمي كان تخليني أحمل ساي طيب بعد ولادة مافي وانتي مستعجلة كده 😂 ولادة شنو يا بت جابت ليها هضربة كمان من الصباح، قومي يلا على حيلك 😡😡😡
يتبع....
