انا خلاص انتهيت يا حاتم، حمد الله على السلامة يا أستاذة خلاص نمشي، نمشي وين؟
حيكون وين يعني بيتنا طبعا ولأ انتي دايرة تبيتي قبلك، وبكلامو دا فكت آخر صامولة كانت برأس آمنة وفضلت مبحلقة فيهو ، قفل حاتم الشركة وطلعو يلا يا أمنه اركبي، لالا شكرا بمشي بالمواصلات 😐 مواصلات شنو ياخ ارح اركبي بالله ما تتجرجري معاي، وركبت أمنه عربية مديرها وحاسة بدقات قلبها تحت في رجولها، وحاتم يتكلم ويهظر معاها وهي من الخوف غالبها ترد 😐 انتي مالك يا أمنه حاسي بيك ما طبيعية وبتتراجفي مالك؟ لالا ما في شي ☺ لا في شي اتكلمي مش قلنا نحن بقينا أصحاب ولأ شنو؟؟؟؟ بصراحة يا حاتم انا خايفة منك دي اول مرة اركب عربية مع زول غريب عشان كده قلبي مقبوض 😭 في اللحظة دي فجر صاحبنا ضحكتو الخنفشارية ديك خلي بالك انتي بتخليني اكتشف فيك كلو يوم حاجة أحلى من الحاجة القبليها ☺ انا ما بأكل البنات السمحات 😂😂😂 شوية كلامو معاها خلاها تستكين، يلا انا زاتي وصلت ممكن تنزلني هنا، بيتكم وينو؟ البيت الناصية دا بيتنا ☺ ياخ معقول، حمد الله على السلامة يا أستاذة، يلا سلام...... شكرا ليك مع السلامة.
أمنه جرت على بيتها وهي تبتسم وتتكشم زي العروس الشيلتها في الباب وأول ما دخلت سمعت تلفونها برن ولقتو دا سيد الإسم 😍
👱🏻♀: اهليييين
👱🏻: مشتاقين ولأ شنو
👱🏻♀:ياخ معقول
👱🏻:ههههههههه ما معقول كيف، ظبطي امورك وصلي العصر وانا برجع اتصل عليك تاني
👱🏻♀: حاضر يلا مع السلامه
قفلت أمنه الخط ودخلت غرفتها ظبطت أمورها وبقت ماسكة التلفون ومنتظرة مكالمة من الأفندي اللي بقت طبيعي منتظراهو، ورن تلفونها ومتلهفة لصوتو بس ما كان المتصل حاتم 😳 المتصل كان محمد 😳😳 متذكرنو صاح، الجاب ليها الشغل واللي غير من حياة أمنه 360 درجة، اهلين يا محمد كيفك وكيف اولادك ان شاء الله طيبين؟ الحمدلله انا كويسة ما عندي عوجة، ههههههههه لا لا مرتاحة مافي مشاكل والله جميلك دا ما عارفة حأقدر أرد ليك كيف، انت تطلب طوالي يا محمد انا نفسي اجازيك والله، متين الكلام ده؟ طيب ان شاء الله بنتظر تلفونك، يلا معاك سلامة.......... قفلت أمنه الخط ولساها منتظرة المكالمة اليومية البقت ثابتة، وبعد طول انتظار استقبلت أمنه المكالمة المرتقبة واتونست وضحكت وودعوا بعض على أمل يتقابلو في صباح اليوم الثاني....
وصلت أمنه على غير العادة متأخرة من مواعيد دوامها ولقت المكتب عمران بالضيوف الجايين من الشركة الأم ومن ضمن الناس كان محمد موجود بادلتهم التحايا ودخلت مكتبها، جا وراها محمد سلم عليها وقال ليها : أنيقة كعادتك يا منونة 😍 تسلم يا ابو علي كلك ذوق (علي دا اسم ولدو) اها جاهزة عشان تكأفئيني؟ ههههههههه ابشر ما عندك اي مشكلة واتحولت الابتسامة المرسومة على وشها لي حزن وغضب شديد والدنيا ظلمت في وشها وحست بحاجة جواها اتكسرت بعد ما سمعت الطلب الطلبو منها محمد، وطلع محمد وخلاها في حيرة من أمرها والدنيا لافة بيها، فكري في الموضوع واتصلي علي بس لمصلحتك ما تتأخري في الرد ☺
قعدت أمنه في كرسيها والعبرة قافلة حلقها وما عرفت تقبل على وين، جا داخل عليها في اللحظة ديك حاتم وييييين انتي يا زولة متأخرة مالك؟ يا بت انا بتكلم معاك ارفعي راسك دا، وهنا انفجرت أمنه بكا وما قدرت تمسك نفسها من البكا وحاتم يحاول يهدي فيها وهي في عالم تاني وبكا شديد، حاتم حاول معاها بشتى الطرق عشان ما يفهم السبب المبكيها بس هي في عالم تاني واتذكرت سمير وموقفو معاها وموقف محمد الحقير، وختت في رأسها اكيد حاتم دا كمان داير مقابل للبعمل فيهو دا
😭😭😭😭😭😭
بعد ما عجز حاتم من تصبيرها طلع من المكتب وخلاها على بال ما تهدأ ويجيها راجع تاني، وبطلتنا فقدت المنطق وبعد استغفار واستغفار حاولت تتمالك نفسها وتسكت وطلعت من مكتبها وتسمع محمد بتكلم مع حاتم، خلاص انا حأسوق معاي أمنه نمشي نجيب الفطور ونجي، وقبل ما حاتم يرد ليهو اتلفت على الباب ولقى أمنه واقفة مع دموعها وبتتوسلو بنظراتها ما يخليها تمشي، فجاها ردو الغير متوقع تمام يا زول طوالي امشو جيبوهو وتعالو، وهنا خلاص أمنه فهمت انهم كلهم مشتركين في اللعبة القدرة دي ودايرة تواصل في خط سيرها، سمعتو بس انا أمنه محتاج ليها في شغل حاليا ممكن تسوق معاك فاطمة، وطوالي نادى عليها تعالي يا أمنه وجيبي معاك ورقة وقلم، فرحت أمنه من تصرف حاتم اللي لسى ما فهم حاجة ودخلت المكتب وحاولت تتجاهل محمد وكلامو ونظراتو ليها المليانة قذارة وما صدقت أن طلع وطوالي شكرت حاتم أن ما سمح ليها تمشي معاهو، بس انتي يا أمنه ما وريتيني محمد زعلك في شنو 😡😡 رفضت أمنه تجاوب واستنكرت كلام حاتم بس هو كان مصر على أن محمد ضايقها، وهي في رفضها مستمرة وخلت ليهو المكتب وطلعت وما طلعت تاني من مكتبها لحين موعد انتهاء الدوام ، بعد ما خلصت أمنه من شغلها ورسلت ريبورتاتها مشت لي حاتم اللي طلع مخلص شغلو بس منتظرة عشان يوصلها البيت، وفي الطريق رجع حاتم وسألها من محمد وحذرها من كلمة مافي شي او انها تكذب 😡 شوفي يا أمنه انا الشي العاجبني فيك انك ما بتكذبي وزولة صادقة ما تخليني اغير رأي فيك وقولي الحقيقة، محمد كان داير منك شنو، بكت أمنه في الاول وبعد تعب ومعاناة قدرت توري حاتم طلب محمد الحقير وان خيرها بين تخسر شغلها أو تديهو الحاجة الطالبها منها واللي هي (شرفها) وانفجرت أمنه باكية
😭😭😭😭😭😭
يتبع....
