بدت آمنة ترجع وحست بكمية خوف مبالغ فيها وهي بتشوف دم بالحوض،،،، دم 😳😳😳 انا برجع دم الليلة يا أمي يا حليلك وأخدت بكيتها ديك في الحمام ورجعت على مكتبها وتفكيرها مشتت ما بين الدم وما بين حاتم والبت القاعدة معاهو دي، سمعت صوت كلامهم وهم طالعين من المكتب وبدت تتصبر وتستغفر وتذكر ربها، جاها حاتم داخل شاف لونها المخطوف وطبعا ما كان محتاج يسألها عن السبب لأنو اصلا عارفو، وقف مسافة دون ما يتكلم بعدين مرق وخلاها، لساها أمنه حاسة بألم المعدة يمشي ويجي خلصت دوامها وطلعت دون ما تمر بمكتب حاتم واللي من الطبيعي بكون حارسه، ومشت بيتهم صلت العصر بلعت مسكن ورقدت نامت.
جاتها صحية بالليل لقت كمية من المكالمات من حاتم بس تلفونها المرة دي كان صامت، رجعت ليهو وبدأ يصرخ ويجوط فيها كيف ما ترد عليها وتخليهو يقلق عليها بالصورة دي ؟ كلمتو أن تلفونها صامت ويادوبها صحت من النوم، ولأن بثق فيها وعارف انها ما بتكذب عليهو صدقها على طول وسألها ما إذا كانت اكلت أو نامت بدون اكل؟؟؟؟؟؟ إتجاهلت سؤالو وسألتو هي؟
انا عملت ليك شنو ضايقك يا حاتم عشان تقوم تجيبها لي لحدي عندي 😭 وزولنا يشيل ويحلف بإنها جات صدفة وما كلمتو إلأ لمن قربت تصل الشركة ، اتضايقت أمنه من حاتم شديد بس وجع المعدة جاها راجع فقررت ما تكتر كلام وتستأذنو وترقد تنوم .
والأيام مرت بس أمنه تعامله مع حاتم بقى حاد جدآ وفي حدود وطوالي بقت تتحجج وتتهرب منو بحجة التعب والإرهاق وهي من جواها مشتاقة ليهو جدا" بس موقفو معاها وكونو يجيب خطيبتو معاهو المكتب دا كان حار عليها جدا وما قدرت تتحملو فهي كده مفتكرة انها بتعاقب فيهو بطريقة غير مباشرة . وفي يوم خميس اتصل عليها بالليل وصوتو كان تعبان
👱🏻:انا خلاص يا أمنه قررت افسخ خطوبتي مع الزولة دي
👱🏻♀: دا كلام شنو يا حاتم ليه حصل شنو 😍😍
👱🏻: والله انا جادي وبكرة بعد صلاة الجمعة حأمشي اقعد مع ابوها واخوانها وافسخ الخطوبة 😡😡
هنا حست أمنه براحة نفسية عجيبة واتوقعت أن من ريدو ليها ما قادر يواصل في التمثيلية دي وحيجي يخطبها هي وسألتو بكل ثقة
👱🏻♀: السبب شنو يعني؟؟
👱🏻: دي ما زولة مسؤولة ياخ، دي بتاعت فوضى وانا خلاص بقيت ما قادر اتحمله 😡😡😡
إتفأجأت أمنه من الرد الغير متوقع من حاتم، بالله يعني دا السبب وانا كنت مفتكرة اني انا السبب، سكتت أمنه وما ادتو اي أقوال
👱🏻: وريني اتصرف كيف يا أمنه انا دايش والبتقوليهو بعملو واكيد رأيك من رأي انتي 😌
بس أمنه بعد سمعت كلامو، كان عندها رأى آخر
👱🏻♀ : طالما أنك بديت في الدرب دا يا حاتم تواصل فيهو بس وتوعيها وتتكلم معاها وتنبه للصح والغلط، واكيد هي حتتعلم من الأيام
قالت الكلمات دي ومعدتها بتتقطع من الوجع
👱🏻: انتي بالجد يا أمنه بخت الراجل الحيعرسك انا غايتو حاسدو عليك عديل والله، بالجد ما لاقتني بت في حنيتك واسلوبك دا، 'حقيقي فأجئتيني، كدي يا أمنه برجع ليك تاني الحيوانة دي خاشة ويتينق وقفل الخط....
هسي دا يقولو عليهو شنو بس؟؟؟؟ حست أمنه بطمام ومعدتها قلبت ورجعت تاني تطلع دم ، دي المرة الثانية ارجع دم يا ربي من شنو، معناها خلاص انا انتهيت ومستقبلي اتدمر، أصلا هو اتدمر من بداية علاقتي بحاتم وبقيت كلو يوم راجعة لورا أكثر، بس ما ورت اي زول بموضوع الدم دا وفضلت ساكته عليهو.....
وفي صباح اسبوع جديد وصلت أمنه المكتب بدري شديد ولقت العربية واقفة مما يدل على وجودو، سلمت عليهو عادي وسألتو من خطيبتو وقاليها أن مشى بكلامها وسامح خطيبتو واحتمال العرس يكون بعد 3 شهور، فضغطت أمنه بيدها على معدتها شدييييييد وعيونها دمعت، وحاتم بتكلم معاها وبشرح في التفاصيل اللي اتفق عليها مع خطيبتو، أمنه قلبها تصبر اكتر ورجعت في السلة وشاف حاتم الدم واتخلع وبدأ يسأل فيها مخلوع
دا شنو يا أمنه؟؟؟؟؟
الدم دا شنو يا بت؟؟؟؟؟
أمنه مالك في شنو؟؟؟؟
وامنه دي كانت آخر كلمات سمعتها وجات واقعة من طولها على الأرض مغمى عليها........
يتبع.....
