فتح حاتم صفحة أمنه وكانت الصدمة وهو بقرأ في البوستات والكل بكفر ليها وبتمنوها ترجع السودان بالسلامة، اتجمد حاتم وفقد المنطق وبقى ما عارف يقبل وين، بس اتذكر ان أمنه مسجلة ليهو رقم صحبتها اللي كان بتصل في تلفونها وقت يطفي جوال أمنه فتش الرقم واتصل عليها
👱🏻: الو سلام عليكم
👱🏻♀: وعليكم السلام
👱🏻: انا حاتم يا رزة، عرفتيني؟ حاتم أمنه
👱🏻♀: حاتم أمنه بتموت وبقت تبكي
👱🏻: الحصل شنو وأمنه وين
👱🏻♀: أمنه في مصر يا حاتم ليها اسبوع، رقدت مستشفى هنا 3 يوم وسفروها مصر نسبة لسوء وضعها
👱🏻: ليه عندها شنو، وبهدي في رزة وبحنس فيها ما تبكي عشان يقدر يفهم منها الحاصل
👱🏻♀: أمنه كانت بتكذب علينا كلنا وما كانت بتاخد علاجاتها ودا السبب الخلا صحتها تدهور
👱🏻: دي القرحة صح؟؟؟ انا السبب في كل البحصل ليها دا، انا السبب
وصدمتو رزة لمن كلمتو بأن نتيجة الفحوصات بمصر أثبتت بأن أمنه بتعاني من (سرطان بالمعدة) واللي كان ممكن يتعالج لو اكتشف بدري شوية، وحاليا أمنه مرقدة بالعناية، وادتو رقم اختها امال ورقم امها.
دخل حاتم في حالة هستيرية وبقى زي المجنون اتصل بأم أمنه وسألها من كل التفاصيل وقطع في أول تذكرة متجهة للقاهرة وسافر .....
وصل حاتم المستشفى الراقدة فيها أمنه وسأل وسأل لمن وصل أهلها وامها بقت تبكي من شافتو وآمال جرت عليهو حضنتو وبقت تبكي وحاتم كمان بدأ يبكي بطريقة هستيرية وبعد ما صبرو بعض وقعد عرف من امها القصة كلها من ما جات وحكت ليها أن جاي يعرسها لمن وصلت العناية بمصر، وحاتم اتجرس شديد، دخل للأخصائي عرف من الوضع كلو وطلب من يعمل اي شي بقدر عليهو بس ينقذ حياتها والدكتور وعدو بأن يعملو البقدرو عليهو والباقي على الله....
وبعد مرور يومين جا الدكتور وقاليهم صحة أمنه بدت تتحسن وحيبدؤ بالعلاج الكيميائي ونبهم أن لازم يعتنو بيها ويرفعو من معنوياتها مما بساعد بشكل كبير في العلاج، شكرو الدكتور وحاتم ساق امال ونزلو السوق وما إتأخرو وصلو المستشفى قابلو ام أمنه وكلمتهم أن سمحو ليها تشوف أمنه بعد ما طلعوها من العناية المكثفة للعناية الوسطى، وطلب حاتم يدخل يشوفها وسمحت ليهو امها، شال من امال الكيس وطلع لغرفة أمنه وكانت هنا المفأجأة لأمنه كونها تشوف حاتم فبدت تبكي وحاتم جرا حضنها وقعد يبكي، ومسك يدها وبقى يقوي فيها ويكلمها أن ما حيسيبها تاني لحظة، وطمنتو أمنه انها احسن، وجات امال داخلة ووراها أمهم حضنت اختها وبكت.. .
طلع حاتم من الغرفة وبدأ يبكي بأعلى صوت وعرف وضع أمنه بعد شاف كمية الأجهزة المركبة فيها، بس حاول يتصبر عشان ما تضعف لمن تشوف ضعفو.....
بدأت أمنه تأخد في علاجها الصعب جدا والحار عليها تحملو وصعب كمان على أهلها، وبالنسبة للمصاريف فحاتم كان متكفل بجميع المصاريف، اتحسن وضع أمنه وقررو يرجعو السودان مع مراعاة انتظامها في العلاج والمتابعة كل 3 شهور لتأخذ الجرعة المحددة ليها، وبالفعل رجعو السودان وحاتم جاب اهلو وجا أتقدم لأمنه وخطبها وحددو موعد العرس، مما صلح من نفسية أمنه واستقرار وضعها الصحي، وكان حاتم بلبي ليها كل ما تطلب دون ما يفكر ووعدها أن حيخليها اسعد انسانة في الدنيا واشترت أمنه حاجاتها بالكامل وحجزت عند واحدة من أشهر خبيرات التجميل بالخرطوم وحجزت صالة محترمة جدا" وحاتم ما مقصر معاها خالص والبتطلبو كلو متوفر ليها، وطلبت يقضو شهر عسلهم بمكة بعد ما تعمر ويدعو ربهم يغفر ليهم ما مضى من ذنوبهم، وحاتم كان سعيد جدا" بطلبها ورغبتها وقال ليها : علم وسينفذ يا جنابو 😂😂😂 وقرب موعد العرس والعروس بقت في أبهى واجمل شكل، وفي قمة إنبساطة وحاتم كمان مبسوط ومتيييييين يجي اليوم الموعود ويتم حلمهم اللي بحلمو بيهو من ثلاث سنوات، بس إرادة ربنا كانت غير وماتت أمنه قبل ما تتزوج #حبيبها_حاتم وفجعت أهلها على فراقها المر وكسرت ظهر أمها، بعد ما كانت شايلة منها حمل البيت وصحباتها في حالة سيئة جدا" ........
أما حاتم فدخل في حالة هستيرية وحاسي بإن هو السبب الأساسي في كل الحصل مع أمنه دا، وحاليا" بتعالج عند دكتور نفسي مشهور بالخرطوم ....
أمنة بجمالها وذكائها كان ممكن تكون في أحسن الأوضاع وتعيش حياتها في سعادة، بس الشيطان دلاها على الحرام ومشت فيهو، ربنا يرحمها ويغفر ليها، دي كانت قصة صديقتي المرحومة أمنه.........
....... الـنـهـايـة .......
