كانت الصدمة لأسرة أمنه كبيرة جدا وغير متوقعة بعد ما أخبرهم الدكتور بإن أمنه بتعاني من قرحة مزمنة بالمعدة وطلب منها تحافظ على نفسها شديد وتتجنب الموالح والمحدقات كما لازم تبعد بعد تام عن التوتر والزعل لأن بتشكل خطر كبير على حياتها، طلعت أمنه من العيادة مستائة جدا وفاقدة الأمل بالحياة وكيف تحافظ على نفسها وما تزعل وحبيبها زفافو بعد كم يوم.
وصلت أمنه البيت وبتحاول تبين أنها راضية بواقعها وأنها ما متضايقة عشان تصبر امها وأخواتها وبتأخد في المسكنات من الوجع، اتصل عليها حبيبها وبحذر فيها من زعلو الشديد إذا ما حضرت العرس فكلمتو أمنه بمرضها وباركت ليهو مقدما ومشت الشركة تاني يوم الصباح وقدمت استقالتها الإترفضت بس هي شرحت للمدير وضعها الصحي وأنها ما بتتحمل اي ضغوطات، فرفض الاستقالة واعتبرها ليها اجازة مفتوحة ورجعت أمنه بيتهم وكلها ندم وحسرة على السنين الإنقضت من عمرها في السراب.......
وجا يوم العرس اتصل عليها حاتم وبلغها أن في الصالون بجهز وودعها متمني ليها حياة موفقة وهي متمنية ليهو حياة سعيدة، وكلمها أن الصباح حيسافر مع مرتو ماليزيا عشان يقضي شهر العسل وهنا اتذكرت أمنه الحلم الحلمتو قبل سنتين بماليزيا فبكت وودعتو وقفلت الخط وقررت تبدأ صفحة جديدة من حياتها بعيدا" عن الوهم العايشة فيهو اللي اسمو حاتم....
وعدى إسبوعين على أمنه ولأول مرة تعدي مدة طويلة كده من غير ما تشوفو أو تسمع صوتو مما زاد من تدهور حالتها الصحية، وفي يوم بالمساء رن تلفونها وسمعت النغمة المميزة وزادت دقات قلبها وبلهفة ردت
👱🏻♀: الو حاتم
👱🏻: اشتقت ليك يا أمنه وبجد فقدتك
👱🏻♀: طمني عليك
👱🏻: انا جيت السودان ما قدرت أواصل بجد تعبت ومحتاج ليك شديد انا لازم اقابلك
👱🏻♀: أمنه بقت تبكي اخخخخخ منك يا #وجع_قلبي كان لزومو شنو الجهجهة دي من الأول
👱🏻: انا تعبان يا أمنه والله تعبان شديد عليك الله قابليني
رفضت أمنه وبقت تبكي بس حست بالعبرة قافلة حلقو والكلام غلبو
👱🏻♀: طيب حأقابلك يا حاتم بس وين وكيف انا خليت الشغل وحاليا بالبيت
حدد ليها المكان والزمان اللي حيتقابلو فيهو وقفل منها، وأمنه بتبكي ومحتارة ما عارفه تعمل شنو ما بتقدر ترفض ليهو طلب وكمان وضعها ما بتحمل اي إشتباكات، وجا اليوم المحدد ومشت أمنه بالوصف لمن لقت نفسها في شقة حبيبها وقعدت اتناقشت معاهو وعرفت كمية العيوب الإكتشفها في الإختار يكمل معاها حياتو وخلاها، إتأثرت أمنه جدا وسألتو من مرتو، عرفت بعد داك انها في بيت أهلها وهو أجر الشقة دي عشان يقعد فيها وبعد طول نقاش كلمتو أمنه انها حتقيف معاهو وطلبت من بعد داك يوصلها بيتها، وفعلا احترم رغبتها ووصلها بيتها دون ما يحصل أي شيء بياناتهم على غير العادة .
ومرت شهور وشهور و أمنه مستمرة في الوضع دا طوالي بتمشي ليهو في شقتو وتنظف وتطبخ وتغسل ليهو ملابسو وتكويها لدرجة أصبحت عندها نسخة من مفتاح الشقة، وقتها البتكون فاضية بتمشي ليهو ترتب ليهو اوضاعو وترجع، وشوية شوية بدت علاقتهم ترجع زي زمان، ومعاملة حاتم معاها اختلفت جدا وبقى حقيقي المرة دي متعلق بيها، وتعاملهم مع بعض نفسها علاقة المتزوجين بس الفرق هنا أن مافي قسيمة وفي يوم وأمنه راقدة جمبو، فأجئها بسؤال وقفت دقات قلبها بسببو، تعرسيني يا امنه؟؟؟؟؟
وزولتنا لمت فيها عشراقة قربت تقتلها لو ما لحقها حاتم بكاسة موية، وتاني عاد ليها السؤال أمنه تعرسيني يا بت؟؟؟؟ انا والله شاريك وعمري ما فكرت فيك مجرد انك نزوة أو كده انا بجد بريدك وقلبي شاريك ❤❤
سكتت أمنه وعيونها اتملت دموع ايييييييك يا حاتم من سنتين وانا بحلم باليوم دا وتجي تسألني هسي لو كنت موافقة أو لا ودي دايرة سؤال بالذمة 😍 ضحك حاتم ههههههههه والله انتي ما نصيحة يلا يا مرتي الحلوة كلمي اهلك انا مستعجل شديد والله ودايرك معاي الليلة قبل بكرة كفانا حرام ياخ نفسي تبقي حلالي، وبالمناسبة نفسي في بنوتة تكون شبهك في طيبتك وحنيتك المعذباني دي 😍 اتخجلت أمنه وعيونها ملانة دموع فرح، ولو جبت ولد وسيم زيك كده برجعو طوالي من محل ما طلع عشان ما يعذب البنات لمن يكبر ويطلع لي زي ابوهو 😂😂😂😂 بحبك يا مجنونة 😘 وانا كمان بحبك يا عيون المجنونة انت 😘😘😘
طلع حاتم ووصل أمنه بيتهم وفي الطريق رتبو كل حاجة أما بالنسبة لمرتو فإتضح أن مطلقها من وقتهم ألفي ماليزيا و جا راجع كلم ابوها بس عشان كلام الناس فضل داسي الخبر وما في زول عارف بالقصة دي غير ام مرتو وأبوها، وهو كلو فترة والثانية بمشي ليهم زيارة عشان يثبت أن ما حاصل شي بينهم وبعد 3 شهور سلمها ورقتها وما كان حابي يديها خبر عشان عارفة ما حتوافق أن يطلقها لأنها حتفتكر انها السبب، وحلف ليها بإن علاقتو بيها ما دخلها بشي ، فرحت أمنه بإن طلاق حاتم من البت هي ما ليها دخل بيهو وعشان لمن تتزوجو ما تكون في وحدة مشاركاها فيهو ونزلت أمنه في بيتهم وودعت حاتم.....
وفي مكالمتهم الليلية سألها إذا ما كانت كلمت أهلها بس هي أجابت ليهو نافية، وهو اتضايق منها لإستهتارها بالموضوع خصوصي إن قال مستعجل وخت ليها شرط بإن تاني ما حيتصل عليها وهي ما تتصل عليهو إلأ لمن تجي تحدد ليهو موعد اليوم اليجي يقابل فيها أهلها وتمو كلامهم وقفلو على كده......
ومرة إسبوع وأمنه ما اتصلت على حاتم، واتضايق حاتم من أمنه وافتكر انها رافضة الزواج منو ولأنو زول اتجاهو واحد رفض يتصل يكلمها أو يسألها ومنتظر انها هي التتصل، وأمنه ما ظاهرة ومشى الإسبوع الثاني وأمنه كمان مافي ليها أثر، دخل عليها واتس بس اخر ظهور ليها كان مطابق مع تاريخ آخر يوم اتكلمو فيهو مع بعض، اخيرا قرر يتنازل ويتصل عليها بس بدون جدوى تلفونها مقفول وخلاص الدنيا ضاقت بيهو، أخيرا اتذكر صفحتها على الفيس بوك، سريع فتح الفيس ودخل على صفحتها وكانت الصدمة........
يتبع.....
