قاعد في بيروه المتواضع فالمعمل الصغير متاعو غاطس في كوم الدوسيات لي قدامو يراجع فيهم هز راسو تكى ظهرو للتالي على الكرسي غمض عينيه حاس بالتعب ملبارح وهو غاطس فالخدمة ما روحش للدار و معرفش طعم الراحة فتح عينيه لي جاو على التصويرة لي محطوطة فوق المكتب تبسم من غير ما يشعر اي كيفاه ميتبسمش و هي فيها اهم ثنين موجودين في حياتو شنو في حياتو تي هوما خياتو الكل مينجمش يعدي نهار ولا ساعة ولا دقيقة من غير ميفكر فيهم توحشهم برشا يغزر للتصويرة كأنو ياخد فالطاقة منها باش يكمل خدمتو اصلا هو ميهمو لا في تعب ولا شي حتى شي مينجم يكون اهم منهم لزوز كل شي يهون على خاطرهم تعبهم راحة بالنسبة ليه المهم يكونو مرتاحين و مش ناقصين حتى حاجة
للحظة سرح بأفكارو للحظة رجعت بيه ذاكرتو 6سنين للتالي flasch back :
يفكر في حياتو كيفاش كانت و كيفاش رجعت توا هو لي كان من عايلة تتورى بالصبع عايلة "كيرمان" بوه سي " مراد كيرمان" عمرو 63 سنة اما من وهرتو و شخصيتو لقوية تحسو مزال فالاربعينات واحد من اكبر و اهم رجال الاعمال فالبلاد يملك سلسلة شركات للاستيراد و التصدير انسان عملي بالدرجة الاولى و كلشي محسوب عندو ورقة و قلم كيما يقولو من غزرتو تحسو انسان بارد لاقصى درجة معندوش احساس ولا مشاعر صعيب ياسر انك تفهمو صعيب تنجم تعرف فاش يخمم ولا شنوا يخطط .
امو مدام "زينب" عمرها 50 سنة سيدة مجتمع انسانة طيبة برشا عكس راجلها تحب الخير و تحب تعاون الناس المحتاجة عندها جمعية مخصصتها للناس لي عندهم امراض مزمنة باش ينجمو يشرو الدوا لي لازمهم ، ولدهم لي هو البطل متاع قصتنا "اصلان كيرمان" عمرو 28 سنةاقل ما يقال عليه بقلاوة معسلة بالعسل الحر فتقة متاع زين بسموريتو لي تاخد لعقل و بدنو لي مخدوم عالشعرة طويل و ميسكلي شعرو اكحل و عينيه مارون نظرتهم حادة الشي لي يخلي اي طفلة تتسحر و ذوب فيهم مع انفو الحاد و شفايفو لي مرسومين على وجهو بطريقة تخلي اي طفلة تتمنى الذوقهم و اللحية لخفيفة لي على وجهو زادتو زين على زين يعني هو معذب قلوب الجميلات بكل معنى الكلمة هو انسان طايش و عديم المسؤلية مايهمو في حتى شي عايش حياتو يالطول و العرض سهريات و خرجات مع اصحابو و مع لبنات كل يوم مع طفلة شكل و لون يعدي معاها ليلة من بعد ينساها كأنو عمرو معرفها اما عمرو موعد وحدة بحتى حاجة مش سامع بحتى حد اهم انسان في حياتو هي أمو الشخص الوحيد لي ينجم ياثق فيه و يسمع منو غير هادا حتى حد معندو اهمية في حياتو لين جاه النهار لي غيرلو حياتو نهار لي تقلبت فيه الموازين الكل.....
#Kawtar
أنت تقرأ
البرسيم الضائع
Romanceالسلام عليكم حبوبات❤❤ انا راني اول مرة نكتب حكاية نتمنى انكم تشجعوني😍😍 متعودة نقرا لحكايات لكن ولا مرة كتبت يعني هذي اول تجربة ليا في عالم لكرونيك😘😘😘 راح نزل اول حلقة هي مزالت قيد الكتابة اذا لقيت تفاعل كل ما نكتب نزل لكن اذا ماتفاعلتوش و معطي...
