الحلقة 14 :
فالفيلا:
واقفين قدام الباب تاع الفيلا
جلال : ميرسي برشا علعشا يا جماعة
زينب : من غير مزية مرحبا بيكم في كل وقت
ماريا : اتو كيف عرفتكم منيش بش نخطاكم بلكل ياسر حبيتكم و الله
مراد : مرحبا بنتي الدار دارك وقت لي تحي ايجا
جلال : ايا نخليوكم توا غدوة نشا الله تصبحو بخير
مراد و زينب : و نتوما من اهلو
ودعوهم و دخلو للدار
مراد : اسمعني كيف يجي ولدك ابعتهولي للبيرو
زينب : يعيشك متغشش عليه هو قالي صاحبو....
مراد :و انتي صدقتو ياخي متعرفوش هو تلقاه يتهومل كيف عادتو اما حسابو معايا
مشا وخلاها واقفة
___________________________________
فالسبيتار :
فاتت بحدا امها لقاتها فايقة قىبت عندها
بهار :(شدتلها يدها) امي... امي الغالية كيفاه تحس في روحك تواا ؟
خديجة : احسن شوية
بهار: هاكا يا ميمتي تفجعني عليك
خديجة : الله لا يفجعك بنيتي هاني لباس حمدالله
بهار : (عينيها دمعو) خفت عليك برشا خفت تمشي و تخليني....
خديجة : ايجا عندي يا روحي ايجا (عنقتها بالشوية تهدي فيها) متبكيش بنيتي نحبك قوية منحبش نراك تبكي يزي عيش بنتي متغششنيش هايا يزي من لبكا
بهار : لا امي متغشش مش باهيلك... هاني بش نخليك ترتاح توا امي لغالية
___________________________________
خلات امها ترقد و خرجت لقاتو قاعد على الكرسي بحدا الباب
بهار : اصلان شتعمل هوني علاش مروحتش ؟!!!
اصلان : منحبش نروح و انتي علاش طرد فيا مش عيب عليك 😉😋 ..... شد كول جبتلك صوندويتش
بهار : لا هاكا ياسر عليا هههه قلبي صغير لا يتحمل
اصلان : شو الحلوفة تي هاك طلعت تعرف تضحك و تفدلك زادا
بهار : علاش ياخي ؟؟
اصلان : لا شي اما احلا من وقت تكون متنرفزة و لسانك داير برقبتك هههههه
بهار : يزي عاااد ياخي لتوا لا نسيييت
اصلان : و منيش بش ننساه هالنهار
بهار : هههه تحب لحق و انا زادة مش بش ننساه
اصلان : ايا قلي شنيا حوالها امك
بهار : لباس حمدالله
اصلان : ممكن نسألك بهار ؟؟
بهار : اي تفضل
اصلان : وينو بوك علاش موش معاكم تواا؟!!
بهار : (هبطت راسها بحزن) انا بابا منعرفوش توفى قبلما نولد
اصلان: آااا سمحني بهار
بهار : لا عادي اصلا تعودت
اصلان : علاش متكملش قرايتك ؟
بهار : منجمش امي تاعبة و انا لازم نخدم و نجيبلها دوا
كملو يحكيو مع بعضهم حتى تعبت و رقدت على كتفو....
#kawtar
أنت تقرأ
البرسيم الضائع
Romanceالسلام عليكم حبوبات❤❤ انا راني اول مرة نكتب حكاية نتمنى انكم تشجعوني😍😍 متعودة نقرا لحكايات لكن ولا مرة كتبت يعني هذي اول تجربة ليا في عالم لكرونيك😘😘😘 راح نزل اول حلقة هي مزالت قيد الكتابة اذا لقيت تفاعل كل ما نكتب نزل لكن اذا ماتفاعلتوش و معطي...
