وصل للسبيتار جا داخل اما شافها فالجنينة بقا واقف يرا فيها قاعدة على الكرسي حالتها حليلة و الحزن و التعب بابنين عليها قرب لعندها
اصلان: بهار
هزت راسها شافت معاه و عاودت حبطتو قعد جنبها
بهار : علاش جيت ؟
اصلان : منعرش
بهار : .... (ساكتة)
اصلان: مش قلت تحب تخدم باهي اتهنى اعتبر روحك بديت تخدم من تواا
بهار : يعيشك (و رجعت سكتت مرة اخرى)
فهم لي هي تحب تخبي ضعفها متحبش تحكي بش متبكيش مش عارف شنوا يعمل
اصلان : شبيك ساكتة
بهار : شنوا تحبني نقلك... آااا نسيت هه .... سامحني علكلام لي قلتو باهي هاني عتذرت رتحت توا تنجم تمشي و تخليني نحب نقعد وحدي
اصلان : اما انا منحبش نخليك وحدك
شافت معاه جات عينها في عينو قلبها دق بلقوي مش عارفة علاش للحظة سرحت معا غزرتو ... ياسر محلاها تحسها حنينية بااارشا فاقت مع روحها فيسع هربت عينيها منو
اصلان: بهار متعملش في روحك هاكا تو كلشي بش يتحل بقدرة ربي
حست روحها بش تبكي معادش قادرة تتحمل اكثر مش حابة تضعف قدامو
بهار :( تهرب في عينيها منو ) ا.. انا داخلة و انتي امشي روح مش لازم تقعد لهنا
و قامت ماشيا شدها قام شدها من يدها و رجعها ليه جات في حضنو راسها ضرب في صدرو دور يديه عليه يد محوطها عليها و يد يعدي فيها على راسها
اصلان : علاش لعناد و قسوحية الراس هادي بهار
تحس في روحها معادش فيها ترشقت بالبكا
بهار :(تحكي و تبكي بالشهقة ) امي راهي اهى اهى مبقالي غيرها فالدنيا هدي شنوا بش نعمل كان تخليني اهى اهى منجمش نعيش من غيرها هي حياتي لكل نموت كان تصيرلها حاجة اهى اهى
كبس عليها اكثر كأنو يحب يدخلها في قلبو ميحبهاش تبعد عليه بلكل طبع بوسة على راسها بوسة حنينة
اصلان : ابكي بهار ابكي فرغ قلبك
بهار :(بعدت شوية هزت راسها شافت معاه بعينيها لمدمعين) مش بش يصيرلها شي مش هاكا مش بش تخليني ؟؟
اصلان: اي
عاودت حملتو و خبات راسها في صدروو قداشها محتاجة حد يحن عليها تحس روحها مرتاحة وهي في حضنو قعدو هكاكا حتى هدات شوية بعدت عليه حست بالبرد قداش حضنو دافي
اصلان : لباس تواا ؟؟
بهار : اي لباس... ميرسي برشا و سمحني كان قلقتك اصلان : لا مقلقتنيش المهم تكون لباس
رجعو قعدو على الكرسي ضمت روحها بيديها حسها بردت قام نحى جاكات متاعو و حطها عليها
اصلان : الجو بارد بش تمرض
بهار : يعيشك اصلان
قعدو ساكتين شوية و من بعد بهار تكلمت
بهار : يعيشك لي حبيت تعاوني
اصلان : من غير مزية هادا اقل شي ممكن نعملو بش تسامحني علي صار الصباح ههه
بهار :مش مشكلة انا نسيت لي صار
اصلان : يعني سامحتني ولا لا
بهار : اي سامحتك و انتي زادا سامحني على كلامي الخايب معاك
اصلان : لا مش لازم نعرف روحي مسطك
بهار : ههههه يااا بالحق... ايا باهي يا سي لمسطك
اصلان : لا مش هاكا عاااد انا وحدي عندي لحق نقول هاكا انتي ممنوووع عليك 😂😂
بهار : ههههه ايا سامحني مالا يا لمسط.... اوووبس قصدي اصلان هههه😂😂😂
قعدت تضحك عليه و هو سارح معاها قداش عجبتو ضحكتها
اصلان : محلاها ضحكتك بهار
هبطت راسها حشمت و خدودها حمارو تحس في وجها بش يترشق بالسخانة اول حد يمدحها مش متعودة عالشي هادا
حط يدو على دقنونتها و عاود عبالها راسها مرر يدو على خدها قرب وجهوو من وجها قلبها يدق بلقوي تحسو بش يخرج من صدرها مش فاهمة شنوا تعمل يغزر لشفايفها الغوز لي يرعشوو قداش تشهاهم حس روحو يحب يذقو قرب منها اكثر انفاسهم تخلطت جا بش يبوسها اما قص عليهم صوت تاليفونو كيف نوقز فاقو على وضعهم بعدو على بعضهم فيسع حطت يديها على خدودها تبرد فيهم و هو عدى يدو على شعرو و جبد تاليفونو شاف شكون يطلب
لقاها امو...
اصلان: سامحني بش نرد عالتاليفون
بهار : اي تفضل
قام بعد عليها شوية
اصلان : الو
زينب : وينك انتي ياخي موش قتلك لتزم تجي الليلة وينك لتوا الضيوف بش يروحو و حضرتك لا شرفتنا وييينك
اصلان : انا فالسبيتار امي
زينب : (بفجعة )وووه عليا سبيتار شبيك شصارلك انتي لباس تفجعنيش عليك يا وليدي ؟؟!!!
اصلان : انا لباس امي مصارلي شي اتهنى اما صاحبي عمل اكسيدون و انا هاني معاه توااا منجمش نخليه
زينب : و شنوا حوالو صاحبك
اصلان : لباس امي ضربة خفيفة اكهو
زينب : باهي ولدي رد بالك على روحك
اصلان : باهي يا غالية بسلامة
علق عليها و رجع عند بهار
لقاها مهبطة راسها
اصلان : سمحني بهار منعرفش شنوا صارلي لحظة ضعف اكهو
بهار : لا موش مشكلة
هوما اكاكا و تجي لفرملية بهار كي راتها وقفت
الفرملية : انتي بهار ؟؟
بهار : اي انا هي
الفرملية : امك فاقت و تحب تراك
بهار : باهي ......
#kawtar
أنت تقرأ
البرسيم الضائع
Romanceالسلام عليكم حبوبات❤❤ انا راني اول مرة نكتب حكاية نتمنى انكم تشجعوني😍😍 متعودة نقرا لحكايات لكن ولا مرة كتبت يعني هذي اول تجربة ليا في عالم لكرونيك😘😘😘 راح نزل اول حلقة هي مزالت قيد الكتابة اذا لقيت تفاعل كل ما نكتب نزل لكن اذا ماتفاعلتوش و معطي...
