الحلقة 15:
تعداو 5 ايام فيسع
خديجة خرجت من السبيتار و بهار بدات الخدمة في اوتيل طبعا بعدما توسطلها اصلان بش المدير قبل يوضفها تخدم من الصباح تروح في آخر النهار و اصلان كل يوم يتعدالها الصباح يهزها تخدم و لعشية يروح بيها و رجعو كل يوم مع بعضهم ميتفارقوش بلكل ،اصلان كل يوم يتأكد لي هو يحبها اي يحبها و يموت عليها يرا فيها صغرونتو ميحبهاش تتخص في حتى حاجة اما هي مزال مش متأكدة من حقيقية مشاعرها تجاهو هي في بالها لي هو يعمل في هدا لكل شفقة موش اكثر كل يوم تقلو لي هاكا برشا عليه اما هو كان مش مهتم بلي تقول فيه المهم تكون مرتاحة.
سي جالال رجع لالمانيا ،و ماريا جات لدار سي مراد تعرفت عليهم اكثر و تعرفت على اصلان اما مكانوش يتلاقاو مع بعضهم برشا بحكم مدام زينب كانت كل مرة تخرجها معاها تعرفها على بلادها لي اول مرة تزورها كانت فرحانة علخر و هي معاها ، حتى انها علمتها تطيب شوية اطباق تقليدية و هي كانت تحفظ فيسع تعودت عليهم برشا محستش روحها غريبة حست روحها بين اهلها وناسها
__________________________________
فاقت الصباح و كلها امل بش تعدي نهار حافل مع مدام زينب كي لعادة عملت توالاتها و لبست شوميز بيضا و جيب نوار و صباط طالون فالباج و بوشات نفس لون الصباط و هبطت لوطا تفطر لقاتهم لكل يفطرو
ماريا : صباح الخير يا جماعة
زينب : صباح لخير بنيتي كيف صبحت اليوم
ماريا : لباس تا حمد الله .... ايا قلي وين بش تهزني اليوم انا متحمسة برشا
زينب : سمحني بنيتي ليوم منيش بش نخرج معاك عيطولي من الجمعية عندي اجتماع اليوم لازمني نحضر
ماريا : ياااا بالحق خسارة معناها بش نعدي النهار لكل فالدار ليوم
مراد : علاش بش تعديه هوني اتو اصلان يهزك معاه
اصلان: لا منيش قاعد عندي منعمل
مراد : هه اوووو سي الشباب عندو ميعمل ... قلي بربي ياخي شنوا الحاجة المهمة لي عندك قلي خليني نعرف لي ولدي الغالي رجع عندو حاجة مهمة اكثر من الهملات و التفوريخ في حياتو
اصلان :(بفذة) ميهمكش فيا شنعمل
مراد : سكر فمك ولا اعرف شتخرج منو بوك راني مش صاحبك لي تحكي معاه كيف متحب ... احكي معايا باحترام خيرلك
ماريا : يزيو اماان متعملوش هاكا خلاص انا بطلت منحبش نخرج .. اما متتعاركوش باهيي
اصلان حط فنجان القهوة من يدو و جا بش يقوم وقفتو امو
زينب : اصلان امانك عيش ولدي هزها معاك الطفلة ضيفة عيب لي تعمل فيه ووه
ماريا : لا تا مش لازم منحبش نعطلو على شغلو... اصلان مش مشكلة برا روح انتي
اصلان : هاني نستنا فيك متبطاش
مستناهاش تجاوبو و راح
__________________________________
فالوقت هاذا بهار قامت الصباح بكري كيف عادتها عملت لفطور ووفيقت امها حطتلها لفطور و عطاتها الدوا لبست حوايجها و لي كانو عبارة على مريول احمر و سروال دجين و كونفارس بيضا و هزت ساكها و قبل ما تمشي تعدات لعند خالتي فاطمة وصاتها بش تتعدا لعند امها كيما كل يوم بش تعطيهاوالدوا بحكم هي متنجمش تروح قبل لعشية و راحت لاول الحومة تستنى في اصلان كيف لعادة و متنجمش تستناه قدام الدار بش متخليش الجيران يحكو عليها و يجيبو سيرتها ماهي تعرفهم و تعرف طبايعهم
_____________________________________
خرجت لقاتو متكي عالكرهبة و يستنى فيها
ماريا : هاني جيت
اصلان : اي مشينا ؟؟
ماريا : اي
طلع فالكرهبة و طلعت هي معاه من قدام و قعدو ماشيين و ساكتين اما ماريا حبت تكسر حاجز الصمت و تكلمت
ماريا : سمحني علي قبيلة مكانش قصدي يصير هاكا
اصلان : علاش شصار قبيلة
ماريا : يعني مكنتش نقصد نعملك مشكلة مع عمو مراد
اصلان : هه لا مش مشكلة احنا متعودين هاكا ديما
ماريا : مممم.... اما والديك ناي باهيين برشا منهار جيت لهنا مخلاونيش نحتاج حتى شي
اصلان : اي و انا ولدهم الخايب مش هاكا ههه
ماريا : لا مقصدتش هاكا ان...
اصلان : ههه لا نفدلك معاك و برا...
ماريا :هههه مممم باهي اسمعني مالا... خلينا نكونو اصحاب ليوم كان تحب... اما نحبك تهزني لبلايص مزيانين كيف ما تعمل تا خديجة و تهزني لبلايص يعملو ماكلة تقليدية بنينة و.... قاطعها قبلما تكمل
اصلان : اوووو هذا لكل و تشرط زادا
ماريا : اي شنوا رايك فالعرض ... باهي برشا مش هاكا ؟؟😊
اصلان :باهي يا اللا اما اسمعني قبل...فما انسانة عزيزة عليا نتعاداولها نهزوها معانا و نروحو لوين متحب... كان متراش مانع بيان سير ؟؟
ماريا : لا مش مشكلة.... (تتمقصص عليه)اممم اما قلي شكوني حبيبتك مش هاكا 😁
اصلان : ممم اي تنجم تقول هههه
ماريا : مفهمتش شنوا تقصد حبيبتك ولا لا
اصلان : انا نحبها اما هي منعرش
ماريا : مممم فهمت توا و هي فيبالها بيك تحبها
اصلان : لا مافيبالهاش
ماريا : وعلاش متقلهاش مالا
اصلان : لا منحبش نقلها قبلما نتأكد لي هي زادا تحبني .... باهي قلي انتي معندكش حبيبك
ماريا : ههههه انا ؟ حبيب ؟ ...
اصلان : اي علاش قلت حاجة غالطة ياخي
ماريا : تو تحكي بجدك انتي.... انا منأمنش بالحجات هاذي بلكل عندي برشا اصدقاء اولاد اما علاقتي بيهم متتعداش حدود الصداقة و برا منحبش نحب حد
اصلان : علاش ؟
ماريا : منحبش نتجرح من حتى حد
اصلان : اي فهمتك
و كملو يحكيو و يدردشو و يضحكو مع بعضهم اصلان تعرف على ماريا و عرف لي هي انسانة طيبة برشا مش كيفما كان متصورها طفلة مدللة و سطحية تحب الخرجات و اللبسات كيف لبنات لي عرفهم في حياتو و ماريا تعرفت على اصلان و نجمت تنحي الغموض لي كان في بالها عليه مش كيف ما كانت تتصورو انسان صعيب و نرفوزي طلع واحد فدلاك و صاحب جو...
#kawtar
أنت تقرأ
البرسيم الضائع
Romanceالسلام عليكم حبوبات❤❤ انا راني اول مرة نكتب حكاية نتمنى انكم تشجعوني😍😍 متعودة نقرا لحكايات لكن ولا مرة كتبت يعني هذي اول تجربة ليا في عالم لكرونيك😘😘😘 راح نزل اول حلقة هي مزالت قيد الكتابة اذا لقيت تفاعل كل ما نكتب نزل لكن اذا ماتفاعلتوش و معطي...
