فلفيلا:
قاعد فالبيرو متاعو يراجع فالدوسي متاع الشراكة الجديدة قبل ما يلحقو ضيوفو ميحبش تكون حتى غلطة هو هاكا معروف بخدمتو المتقونة الشي لي خلا الناس لكل تحب تتعاقد معاه هو هكاكا و الباب ندق عليه دخلت البون
البون : سي مراد ضيوفك وصلو والسي جلال يحب يقابلك
مراد : باهي خليه يدخل
خرجت البون و جلال دخل
مراد: عسلامة عشيري الغالي ليك وحشة و الله وقام يحمل فيه
جلال: اهلا بصاحبي شنيا حوالك و انا زادة توحشتكم ووتوحشت لبلاد و ياماتنا والله
مراد : اي بالحق ايامات متتعوضش بكنوز الدنيا .... ويني بنتك مش على اساس جايبها معاك
جلال: هاي قعدت بخدا اختي زينب خليتهم يتونسو مع بعضهم
مراد : ايا باهي مالا خلينا نبداو خدمتنا و نخلطو عليهم
جلال : باهي
___________________________________
زينب : ها بنيتي شنيا حوالك
ماريا : لباس تا انتي شنية حوالك
زينب : لباس نحمدو ربي
ماريا: با حكالي عليكم برشا قداش كنت متمنيا نشوفكم حمدالله امنيتي تحققت ههه باش نعدي عطلة كاملة معاكم على فكرة 😄
زينب : هههه مرحبا بيك بنيتي اما قلي شنيا اسمك
ماريا : ماريا
زينب :متشرفين ماريا اسمك حلو كيفك.... انا اسمي زينب
ماريا : حتى انتي اسمك حلو برشا
خلوني نحكيلكم على ماريا هي طفلة مزيانة علخر ملامحها المانية خداتها على امها خدات عليها بيوضيتها و شعرها لصفر و عينيها لزرق و شفايفها الغوز ملامحها طبيعية هي طفلة اجتماعية و فدلاكة علخر تتحب و تدخل للقلب تحب طيوبة و حساسة برشااا كلمة ممكن تبكيها و ممكن ترضيها بكلمة زادا تحب البساطة و تعشق المغامرات حافلة علخررر .
زينب : قداش عمرك ماريا ؟
ماريا : عمري 22 سنة تا
زينب : ايا احكيلي شنواا عاملة في حياتك
ماريا : انا نقرا صحافة طول عمري نحب نكون صحفية هذا عامي لخر احنا في عطلة توا متعودة نعديها فلمخيمات و كيف با قالي لي هو جاي هوني قتلو رجلي رجلك هههه
زينب : هههه هايا باهي مرحبا بيك في كل وقت
هوما اكاكا و يدخلو مراد و جمال يضحكو
مراد : مبروك علينا الشراكة صاحبي
جلال : يعيشك منيش مصدق لي بش نرجعو مع بعضنا مرة اخرى كيف ما كنا بكري
مراد : اي صحيح
تلفتو يشوفو مع زينب و ماريا يلقاوهم يفدلكو و شايخيين بالضحك
جلال : شايف لي فيسع تأقلمت هوني
ماريا : اي محلاها تا زينب ياسر صاحبة جو
زينب : اي حتى هي محلاها تتحب والله
جلال : مراد هاذي بنتي ماريا... ماريا هذا هو مراد صاحبي
مراد : عسلامة بنتي
ماريا: قامت صافحتو عسلامة عموو تشرفت بمعريفتك 😊
مراد : و انا زادا
قصت عليهم البون كيف دخلت
البون : سي مراد مدام زينب الطاولة حاضرة
مراد : باهي اتفضلو علعشا يا جماعة
مراد شد زينب على جنب : وينو لهامل متاع ولدك
زينب : منعرش هو قالي باش يجي
مراد : حسابو معايا الا منوريه ... عيطلو شوف وينو خليه يجي قبلما يروحو الضيوف
زينب : باهي
خلاها و راح و هي جبدت تاليفون و طلبت اصلان....
#kawtar
أنت تقرأ
البرسيم الضائع
Romanceالسلام عليكم حبوبات❤❤ انا راني اول مرة نكتب حكاية نتمنى انكم تشجعوني😍😍 متعودة نقرا لحكايات لكن ولا مرة كتبت يعني هذي اول تجربة ليا في عالم لكرونيك😘😘😘 راح نزل اول حلقة هي مزالت قيد الكتابة اذا لقيت تفاعل كل ما نكتب نزل لكن اذا ماتفاعلتوش و معطي...
