راحت تجري خدات ساكها وخرجت من الكافيتيريا و دموعها واد على خدها تبكي على زهرها هدا كان اول نهار ليها فالخدمة ، الخدمة لي قعدت برشا وهي تلوج عليها مالقاتها كان بطلوع الروح و تو يظهر لي هي خسرتها مظنش لي عرفها باش يرجعها تخدم بعد لفضيحة لي صراتلها بش ترصالها تلوج على خدمة في بلاصة اخري كانت ماشية و سارحة قعدت على كرسي فالطروطوار ( الرصيف) تخمم كيفاه باش تدبر لفلوس لامها لمريضة امها عندها السكر غير وين فاقت بيه و الطبيب قالها بلي لازم الدوا ميخطاهاش بلكل هي اضطرت تخدم باش تجيب حق الدوا هوما عايلة على قد حالهم بوها توفى بالمرض الخايب و خلاها في كرش امها بعدما جات هي للدنيا ملقات كان امها "خديجة" تخدم عليها كانت تخدم فام دو ميناج فالمدرسة لكن بعدما مرضت الطبيب طلب منها تبطل الخدمة على هداكا مالقاتش حل غير انها تحبس لقراية و تروح تخدم باش تصرف على امها دموعها محبستش و هي تتفكر في كلامو لي خلا ناس الكل يخزرولها باحتقار متنجمش تنسى لي صار.
يسوق فالكرهبة و يرحي فالطريق رحيان فجأة ضرب لفران برجلو وقت لي شافها قاعدة على الكرسي راكا الكرهبة على جنب و نزل واقف يتفرج عليها يرا فيها كيفاه قاعدة و تبكي قلبو وجعو عليها للحظة حس لي دموعها عزاز عليه و ميحبش يراهم اما مزال مش فهام علاه يخمم هاكا ماشي و يقرب جيهتها مش عارف شنوا لازم يحكي معاها يعرف لي هي توا موجوعة برشاااا اما لازمو يكلمها و يطلب منها السماح
اصلان : عسلامة مدموزال
....: شنوا مزلت تحب مني ياخي ولا جيت باش تكمل لي بداه صاحبك شفتوني طفلة ضعيفة يخي تحبو تستغلوني ولا شنية
اصلان: سامحني انا كنت نحب نعتذر منك علي عملو صاحبي اكهو
....: ( تحكي و تصيح) آااا بربي على شنوة باش تعتذرلي على الخوف و الذل و الحشمة لي حطيتوني فيهم الكل و لا على خدمتي لي ضاعت مني ولا شنيا ااه تكلم حل فمك شكون باش يرجعلي كرامتي لي مسحتو بيها الارض انتي و صاحبك
اصلان: (يسمع فيها و باهت) انا و صاحبي ؟!!! علاه انا شنوة عملت ياخي هدا كفويا بعدما وقفت معاك في وجهو و منعتك منوو
....:وقفت معايا تي انتي زدت الطين بلة ياخي شكونك انتي حتى تقلهم لي انا تابعتك من وكتاه تعرفني انتي حتى تحكي هاكا بربي شنوة باش يحكيو عليا توا
اصلان : و علاه شنوة فيها انا قلت هاكا بش حتى حد ميحكي معاك وانتي توا جاية سيادتك تسمع فيا فالكلام و كانك على الخدمة ا تو نحكي مع عرفك باش ميطردكش منها باهي
....: ياخي تسخايب لي انا نجم نرجع لغادي بعد لفضيحة لي صارت
اصلان : باهي يا للا شنوة نعملك باش تسامحني
....: متعملي شي ابعدني و اخطاني بركا
و قامت باش تمشي شدلها يدها و وقفها
اصلان : لا متمشيش عالاقل قلي كفاه نجم نصلح غلطتي
....: ( بصياح)سيبني رد بالك تمسني مرة اخرى
سيبلها يدها و مشات و هو لحقها يحاول يوقفها و يحكي معاها
اصلان: لا متمشيش ،استنى شوية ، اسمعني يعيشك ، ...
اما هي موش معبرتو جملة ماشية جيهة لاري د بيس
وقفت تشوف مع البيس لي جاي تستنى فيه يوصل باش تركب و هداكا لي صار طلعت فالبيس و مستناتش تسمع منو حتى شي
رجع لكرهبتو يحب يخلط عليها لازم يفهمها لي هو يحب يعاونها لازم تسامحو حاير في روحو اول مرة يعملها يعفس على كرامتو و يلحق طفلة ....
#kawtar
أنت تقرأ
البرسيم الضائع
Romanceالسلام عليكم حبوبات❤❤ انا راني اول مرة نكتب حكاية نتمنى انكم تشجعوني😍😍 متعودة نقرا لحكايات لكن ولا مرة كتبت يعني هذي اول تجربة ليا في عالم لكرونيك😘😘😘 راح نزل اول حلقة هي مزالت قيد الكتابة اذا لقيت تفاعل كل ما نكتب نزل لكن اذا ماتفاعلتوش و معطي...
