الحلقة13:
فلفيلا :
قاعدين على طاولة لعشا طاولة فيها كل الخيرات و كل ما تتشهاه النفس زينب طلبت من الخدامين يعملو ماكلة تقليدية خاطر تعرف لي مش متعودين عليها
جلال : عندي برشا مدقتش ماكلة لبلاد.... يعتيكم الصحة والله .... ها ماريا شنوا عجبتك الماكلة
كانت مركزة مع الصحن متاعها تاكل بشراهة
ماريا : (تحكي و الماكلة في فمها)تي شنوا عجبتني....اول مرة في حياتي نذوق ماكلة بنينة كيف هاكا يعتيكم الصحة تا ( شعار ماريا في حياتها هو كرشي قبل كل شي الماكلة عندها اهم حاجة)
مراد : صحة و بالشفا
زينب : ماريا علاش متقعدش معانا هوني بنيتي تو نخليك الذوق لاصناف الكل
ماريا : ياااا بالحق
زينب : اي بالحق بنيتي
ماريا : با شنوا رايك نقعدو لهنا حتى تكمل العطلة مزال 15 جور كاملين امانك با امااانك
جلال : لا يا بنيتي منجمش عندي برشا خدمة تستنى فيا
مراد : برا روح انتي و هي خليها تقعد
جلال :لا منجمش نخليها وحدها هوني
مراد : علاه بش تقعد وحدها ياخي احنا وين بش نخلوها وحدها خليها تجي هوني بحدانا للفيلا
جلال : لا منحبش نقلقكم
زينب : لا خويا جلال مفما حتى قلق اتهنى بش نحطوها في عينينا و زيد هي تتحب والله
ماريا : اي با وافق امااان
جلال : كان انتوما مصرين باهي موافق
ماريا : يعيشكككك باااا(قامت عنقتو) يا احلى بو فالدنيا .... و نتوما زادا تا زينب و عمو مراد ميرسي برشا لي بش تخلوني نقعد بحداكم
مراد : من غير مزية انتى راك كيف بنتي
جلال : صحيح مراد وينو ولدك ياخي من لي جيت مريتوش؟!!!
حس الماكلة حصلتلو هز الكاس متاع الما و شرب ميعرش شنوا يعمل للموقف لي حطو فيه ولدو اما زينب تداركت الوضع فيسع
زينب : هو كان بش يحضر معانا اما هو قالي صاحبو عمل اكسيدون و هو بحداه فالسبيتار توا
جلال : نشالله لباس ؟؟
زينب : لا لباس لاباس اتهنى سي جلال
مراد حب يبدل الموضوع
مراد : وكتاه راجع جلال ؟
جلال: بعد غدوة كان حب ربي
مراد : باهي مالا اتعدالي غدوة للشريكة بش نكملو لااجراءات الكل غادي
جلال : باهي
____________________________________
دخلت للسبيتار ماشية جيهة الغرفة لي فيها امها و هو كان يتبع فيها وقفت و تلفتتلو نحات الجاكات و عطاتهالو
بهار : يعيشك اصلان مش بش ننسى وقفتك معايا بلكل
اصلان : من غير مزية بهار انا معملت شي
بهار : لا عملت و عملت برشا زادا منتصورش كان جا حد آخر في بلاصتك بش يعمل لي عملتو معايا ... رغم انتي متعرفنيش اما قبلت تعاوني بالحق منعرش كيفاه بش نردلك ..
اصلان : (قص عليها) بهار تقبل نكونو اصحاب انا وياك ؟؟
بهار : ش.. شنوا
اصلان: يعني مجرد اصحاب مش شي آخر
بهار : (تبسمت )اي علاش لا
اصلان : باهي مدامنا ولينا اصحاب فلازم كل واحد منا يلتزم بقوانين الصحبة
بهار : (تغزرلو مستغربة) مفهمتكش ؟؟!!!
اصلان : يعني مفماش كلمة سامحني ولا كلمة ميرسي (يعكي عليها) ههه باهي
بهار : هههه باهي
اصلان : قلي توا قداش عمرك انتي ؟
بهار: 19 سنة
اصلان : مممم مش كأنك صغرونة شوية ههههه
بهار :( زعما تغششت) لا مش صغرونة
اصلان : باهي باهي متغشش ماكش صغرونة هههه
بهار :( تبسمتلو )اصلان انا لازمني نروح نشوف امي تواا.... انتي تنجم تروح مش لازم تقعد هوني
اصلان : باهي
وراحت و خلاتو قلبو مطاوعوش يخليها و يروح راح دفع الفاتورة متاع السبيتار و راح يجيب حاجة تتاكل
.....
#kawtar
أنت تقرأ
البرسيم الضائع
Romanceالسلام عليكم حبوبات❤❤ انا راني اول مرة نكتب حكاية نتمنى انكم تشجعوني😍😍 متعودة نقرا لحكايات لكن ولا مرة كتبت يعني هذي اول تجربة ليا في عالم لكرونيك😘😘😘 راح نزل اول حلقة هي مزالت قيد الكتابة اذا لقيت تفاعل كل ما نكتب نزل لكن اذا ماتفاعلتوش و معطي...
