الحلقة 28:
بش نسرع شوية فالاحداث
تعداو يامات على موت ام بهار زينب و ماريا و اصلان طلبو منها تجي تعيش معاهم بش ميخلوهاش و حدها اما هي رفضت و هوما محبوش يضغطو عليها اكثر و خلاوها على راحتها اما تقريبا كل يوم يطلو عليها و توا هي رجعت تخدم سيي معادش تنجم تقعد أكثر عالاقل الخدمة تنسيها شوية اما خدات قرار بش ترجع تكمل قرايتها و تخدم في نفس الوقت بش تعاون روحها حكات مع اصلان لي معترضش على قرارها و حكى مع عرفها لي شافلها وقت للخدمة ميكونش في نفس وقت لقرايا بش تنجم توفق بيناتهم
ماريا عطلتها قربت تكمل وبعد نهارين بش ترجع لالمانيا هالايامات ديما مع بهار تحب تشبع منها علاقتهم قوات برشا ....رجعو كثر من اخوات اغلب الوقت يعدوه وحدهم مع بعضهم ....كل يوم تتعدالها للدار سعات يبقاو فالدار يحكيو و يتمهبلو و يفدلكو ويطيبو مع بعضهم ... و سعات ماريا تحب تخرجها و دور بيها و يعملو شوبينغ و تشري دبش و صبابط و اكسيسوارات...على اساس ليها هي و كيف يروحو تعطيه لبهار... تعرف كان طلبت منها تشريلها مش بش تقبل على هذاكا ستعملت معاها لحيلة بش متخليهاش تحس روحها ناقصة
اصلان وقت يونو بهار و ماريا مع بعضهم ميخلوهش يجي عندهم الشي لي زاد هبلو و خلاه ياخد قرار يخليهم يندمو عليه لزوز هههه...
في رايكمو واش هو القرااار لي خداه اصلان ؟؟؟
#kawtar
أنت تقرأ
البرسيم الضائع
Romanceالسلام عليكم حبوبات❤❤ انا راني اول مرة نكتب حكاية نتمنى انكم تشجعوني😍😍 متعودة نقرا لحكايات لكن ولا مرة كتبت يعني هذي اول تجربة ليا في عالم لكرونيك😘😘😘 راح نزل اول حلقة هي مزالت قيد الكتابة اذا لقيت تفاعل كل ما نكتب نزل لكن اذا ماتفاعلتوش و معطي...
