نزلت من البيس تمشي جيهة حومتها الحومة الشعبية لي زادت و كبرت فيها وصلت جنب دارهم تغزر للدار من برا تخمم شنوا تقول لامها باش تقلها لي انا لقيت خدمة البارح و تطردت اليوم كيفاه باش تفهمها كيفاه باش تفسرلها هي مصدقت شافت الفرحة في عينينها وقت لي خبرتها بلي لقات خدمة و تاخد شهرية باهية عالاقل تكفيهم باش الدوا الدوا و متبقاش تعاني و تتلوح فالسبيطارات قلبها واجعها عاللخر على امها المسكينة خايفة تخبرها تزيد على ما بيها على هدا قررت باش متحكيلها حتى شي حتى تلقا خدمة جديدة
جات داخلة للدار تسمع في واحد ينادي كأنو يحكي معاها الصوت مش غريب عليها كأنها سمعتو من قبل
اصلان : (ماشي و يقرب منها)يا طفلة يهديك ربي اسمعني ، لهتني و انا نجري وراك من بلاصة لبلاصة ، أمانك اسمعني ...يعيشك 😩😩
.... :( تلفتتلو مدهوشة تشوف فيه جاي ناحيتها تلفتت تغزر بطرافها تحب تتأكد لي مفما حتى حد يراقب فيها هادي حالة الحومات الشعبية الكل ناسهم يموتو على التقرعيج و التنسنيس و ميصدقو يلقاو حاجة يحكو عليها ناس فارغة شغل معندها ما تعمل)
ياخي شبيك هبلت اش مجيبك هوني علاه تبع فيا
اصلان: تي افهمني الزححح نحب نصلح الغلطة متاعي ولا منيش باش نرقد اليوم هاني قتلك
.... : اش يهمني فيك انا ترقد ولا مترقدش ابعدنيييي ز سيبني ملا حالة
اصلان :(بنفاد صبر) الحق عليا انا لي لاحق وراك و حبيت نعاونك
.... : منظنش اني طلبت صدقة من حتى حد منيش محتاجة شفقة لا منك ولا من غيرك نجم ندبر روحي انتي اخطاني بركا , دارت ماشيا و تمتمت بين شفايفها: ملا مسطك متاع وذني
اصلان : (سمعها و محبش يبين)منيش نشفق عليك يا للا مولات لسان طويل انا جيست نحب نرتح ضميري بالرغم لي انا نشوف بلي مغلطتش معاك اما موش مشكلة
.... : بربي اخطاني و امشي من هوني مش ناقصني يشوفني حد معاك و ترصالي في حل و اربط
اصلان : موش قبل متخليني نعوضك علي صار
.... : كيفاه باش تعوضني قلي ترا
اصلان : راح نلقالك خدمة باهية و في بلاصة اخرى غير لي كنت تخدم فيها و شهرية باهية زادا بشرط انك تعتذرلي على لكلام لي سمعتهولي يا...
.... : بهار اسمي بهار
اصلان : مممم باهي يا بهار شنوا رايك ؟
سرحت شوية تخمم جات في بالها امها لي معندهاش غيرها ولي كل شي يهون على خاطرها
فيقها من سرحتها صوتو كيف قالها : باش نستنى برشااا ؟
بهار : باهي اما ميسالش تقلي شنوا لكلام الغالط لي قلتو و تحبني نعتذرلك عليه يا سي اصلان
اصلان:( تبسم بخبث) كيما لمسطك متاع وذني مثلا
(يعكي عليهاهههه)
شهقت حلت عينيها على و خدودها حمارو على خاطر كان في بالها لي هو مسمعهاش، و هو كان شايخ عليها شاد ضحكتو بالسيف على الحالة لي هي فيها ، رجعت غزرتلو بتحدي
بهار : اما انتي تستاهلو لكلام هدايا ( مش عارفة شنوة تحكي اما ما تحبش تستسلم قدامو )
اصلان : بالحق ؟
بهار : اي بالحق
اصلان : باهي يا اللا ( دخل يدو فالجيب متاع الجاكات متاعو خرج كارت صغيرة منو شدلها يدها و حطهالها فيه ) اهيكا لا كارت فيزيت متاعي فيها نومرويا كان بدلت رايك كلمني و غمزها و مشا
بقات باهتة ف الغمزة متاعو لي تسحر اول مرة ثبت فيه هو بالحق بقلاوة
ظربت راسها بيدها ضربة خفيفة تكي مع روحها :يا بهيمة فاش تحكي نسيت شنوة عمل فيك
طردت الافكار من راسها ومشات تروح....
#Kawtar
أنت تقرأ
البرسيم الضائع
Romanceالسلام عليكم حبوبات❤❤ انا راني اول مرة نكتب حكاية نتمنى انكم تشجعوني😍😍 متعودة نقرا لحكايات لكن ولا مرة كتبت يعني هذي اول تجربة ليا في عالم لكرونيك😘😘😘 راح نزل اول حلقة هي مزالت قيد الكتابة اذا لقيت تفاعل كل ما نكتب نزل لكن اذا ماتفاعلتوش و معطي...
