الحلقة 20 :
دخلت للدار سكرت الباب و حطت ظهرها وحطت يدها على شفايفها غمضت عينيها و تتفكر في بوستو و تتبسم وحدها فيقها من عالم الاحلام الوردية صوت امها
خديجة : هادي انت بهار؟
بهار : (بعدما فاقت من سرحتها ) اي امي هاني هوني
خديجة : شبيك لتوا.... مش عوايدك تتوخر؟!
بهار : ا..ا.. لا مفما شي امي الغالية توخرت فالخدمة ماك تعرف المدير مخلاناش نروحو خاتر كان فما برشا كليونات اكهو ...
خديجة : تقلقت عليك بنيتي
بهار : متتقلقش يا ميمتي هاني معاك... قلي ياخي خالتي فاطمة جات بحداك ؟
خديجة : اي جات و مخلاتنيش حتى دقية تلهات بيا بالباهي يكثر خيرها
بهار : اي بالحق والله منغيرها مكنتش نعرف اش بش نعمل... يظل بالي مشغول عليك اما كيف تبدى خالتي فاطمة بحداك وقتها نتهنى
خديجة : لا يشغلك بال يا روحي اتهنى
بهار: باهي امي... هاني ماشية نطيب لعشا توا و انتي ارتاح متعبش روحك باهي
خديجة : باهي .. (قامت ماشية شدتها من يدها)... سامحني يا بنيتي سامحني
بهار : امي شبيك تحكي هاكا... على شنوا نسامحك
خديجة : كان جات الدنيا دنيا راك توا تكمل في قرايتك كيف اندادك ...
بهار : (عينيها دمعو)امان امي متحكيش هاكا يزي عيشك انتي شنوا ذنبك فلي قاعد يصير...هذايا شي متاع ربي اش بش نعملو لازمنا نصبرو وبرا...امي متخممش هاكا متخمم في حتا شي المهم عندي انتي تكون لباس باهي يا روحي ؟؟
خديجة : لا يقطعك يا نور عينيا... ايجا خليني نضمك و نشبع منك ايجا يا نوارتي
من غير ما تستنى ترمات في حضن امهاحملتها بلقوي و كبست عليها تبوس فيها و تعنق و تشم في ريحتها لي متنجمش تشبع منها ...
_______________________________
وصلو للفيلا هي نزلت تجري داخلة و هو راكا الكرهبة فلڨراج و لحقها
ماريا : تا زينوووبة هانا جينااا
زينب : (كيف سمعتها جات تجري من فوق نازلة فالدروج و تحكي) عسلامة بنيتي ها قلي شنوا تفرهدتو بالباهي ؟؟ (وصلت لعندها حطت يدها على كتافها و كملت تحكي)ولا اصلان عمل معاك حاجة خايبة قلي بنيتي ولدي ونعرفو اكا الصايع متخبيش عليا راني كيف امك والله الا مانفرجك فيه
اصلان: (دخل و سمعها )شنوا امي توا داخلة عالطفلة اسئلة من قدام الباب تي خليها علقليلة تقعد و تاخد نفس (شدها من خدودهاو كمل يحكي) خلي عندك شوية لباقة زينوووبتييي
زينب: ممم شوفو شكون يحكي عاللباقة هذاكا تلقاك عملت عملة و متحبهاش تحكيلي قتلك ماني نعرفك
(شدتو من وذنو) قلي فيسع شعملت اااه
ماريا : هههه يزي تا والله معملي شي بلعكس تفرهدنا برشا عدينا نهار ياسر حلو انا و اصلان و بهاا ...
اصلان :(قص عليها) احممممم اي اي ماني قتلك امي معملت شي تهنى
زينب : مممم باهي باهي
اصلان : هايا امي خلي ماريا تطلع ترتاح (قرب لماريا و ينخز فيها من التالي متاع امشي قدامي 😂😂)
ماريا : باهي باهي هاني ماشية... ايا تا تو نرتاح شوية و نجيك و رماتلها بوسة فالهوااا 😘
و طلعت و اصلان طالع وراها
اصلان : شبي انتي قريب فضحتني قدام امي ياخي متنجمش تشد لسانك شوية 😠
ماريا : سمحني تحمست زيادة و الله... زيد علاش متحبش تحكي لتا على بهار
اصلان : تي اسكت يا بنتي لا يسمعك حد يروح يحكي لامي منيش ناقص تڨنڨينها انا .. لا مش توا مزالها لحكاية جديدة
ماريا : آاااااه تقليش لي انتي ناوي تلعب بيها الطفلة... اسمعني والله لما نقتلك تفهم ولا لا
اصلان : شنواااا شتحكي انتي اذيكا راهي بهار مش اي وحدة بش تقلي نلعب بيها تي انا من وقت عرفتها محكيت مع حتى طفلة غيرها نحبها رانييي نعشقها... اما منجمش نحكي لامي توا تي احنا ليوم وين عترفنا بحبنا لبعضنا خليها لحكاية بيناتنا لين منريڨل اموري و منبعد نحكيلها
ماريا : باهي باهي فهمنا ايكت بركا
اصلان : اوعدني متقولش لامي خاتر نعرفك قريبة منها برشا
ماريا : نوعدك...
اصلان :(شدها من خشمها) يعيشك يا احلى صديقة
ماريا : هههه منغير مزية مالا علاش عملو الصداقة ....
و مشات لبيتها و هو زادا راح لبيتو نحا جاكاتو و رما روحو فوق الفرش و يتفكر في حبيبتو الصغرونة و يتبسم شد تاليفونو فتحو لقا لي زابال منعند صاحبو سليم عاود طلبو
سليم: عسلامة يا سي شباب تي وينك مغيبها هاليامات يا ولدي رانا قريب ننساو وجهك هههه
اصلان : هههه لا شي كنت لاهي شويا اكهو
سليم : باهي اما اليوم بش نسهرو و متحكي حتى كلمة كان تقول لا الا منجي نقتلك سمعتنييي
اصلان : باهي باهي
سليم : رد بالك متجيش
اصلان : تي فك على ز*** تواا شبيك كبشت قتلك باهي بش نجي للسهرية يعني بش نجي
سليم : باهي هاني سكت انتي ارواح بركا عندي ليك مفاجأة بش تعجبك برشااا ههه
اصلان : شنوا هي
سليم : كان بش نقلك ميبقاش اسمها مفاجأة انتي ايجا تو تعرف
اصلان : باهي و علق عليه ....
#kawtar
أنت تقرأ
البرسيم الضائع
Romanceالسلام عليكم حبوبات❤❤ انا راني اول مرة نكتب حكاية نتمنى انكم تشجعوني😍😍 متعودة نقرا لحكايات لكن ولا مرة كتبت يعني هذي اول تجربة ليا في عالم لكرونيك😘😘😘 راح نزل اول حلقة هي مزالت قيد الكتابة اذا لقيت تفاعل كل ما نكتب نزل لكن اذا ماتفاعلتوش و معطي...
