الحلقة 19:
كملو لعبو و زهاو مع بعضهم بهار كانت فرحانة لاقصى درجةمزالها لتوا متعرش كيفاه جاتها الجرأة و اعترفتلو بحبها اما فرحت برشا وقت لي اعترفلها بحبو ... اصلان مكانش اقل منها صغرونتو تحبو توا معادش يحب حتى شي من الدنيا المهم حبيبتو تكون معاه ميحبهاش تبعد عليه.... تعدا الوقت عليهم فيسع عداو نهار حلو برشا و مليئ بالمفاجآت و توا راجعين في كرهبة اصلان و ماريا قاعدة من التالي المرة هاذي و كيف عوايدها متسكتش و بهار لي قعدت من القدام و وجها بش يترشق من الحشمة من الغزرات لي كان يرمقها بيهم اصلان و كلامو لي كل مرة يتغزل بيها وهي تحسها ذايبة وهو شايخ عليها و على برائتها ...هي بالنسبة ليه توا كيف الصفحة البيضا هو اول واحد بش يكتب عليها هو اول حب في حياتها و بش يخليها تتعلم الحب على يديه ..
وصلو لاول الحومة محسوش بالطريق كيفاه تعدات نزلت بهار و نزل معاها اصلان
اصلان : شدلها يديها للزوز بين يديه... غدوة بش نتعدالك كيف العادة
بهار : باهي ...و انا بش تلقاني نستى فيك في نفس لبلاصة
اصلان : (يغزلها في عينيها و هايم فيها ) بش نوحشك برشا
بهار : ذابت من الغزرة متاعو وجهها طلعم كيف الحبة متاع الطماطم .. و انا زادة (قالتها بصوت قريب ميتسمعش اما هو سمعها و حب يشيخ عليها اكثر
اصلان : شقلت مسمعتكش
بهار: قتلك و انا زادة
اصلان : انتي شنوا
بهار : يزي اصلان امااانك
اصلان: نوووو منيش مسيبك حتى نسمعها
بهار : ب.. بش ن.. نتوحشك
اصلان: ياروحي عالحشامة متاعي... و انا نحبك بهورتي
بهار : و انا نحبك
طبعلها بوسة صغيرة على شفايفها و زاد وحدة مرصوصة على جبينها و هي دخلت بعضها من بوستو سايي معدش فيها بش دوخ
اصلان : هههه شبيك يا روحي هاذي راهي بوسة صغيرة عملت فيك هاكا ... مالا شتعمل كيف نوصلو للصح ههههه
شهقت بالشوية تفاجأت من جرأتو لي زادت على مابيها
اصلان : ممممم يلزمنا نلقاو حل للحشمة هاذي اما ميسالش انا نعرف كيفاش نحيهالك اما مش تواا مزالو لايام يا صغرونتي ههه
بهار: (زعما متغششة)مش صغرونة و جات ماشية
شدها من يدها رجعها
اصلان : لا لا مش صغرونة متغشش يا روحي و باسها على خدها
ماريا :تغزرلهم من الكرهبةو تتبسم احمممم قدرو شوية مشاعر العزبة لي معاكم ميسالش ماوو هههههه
بهار : ههههه
اصلان :(بتمقصيص) اووو شو شكون هوني والله نسيناك سامحنا بربي ههههه
ماريا : اي نعرف لي نسيتوني اما ميسالش عجبني لفيلم الرومانسي لي كنت نتفرج عليه ههههه
بهار : انا لزمني نروح توا ممجمش نتوخر اكثر تو امي تقلق عليا
اصلان : باهي ياروحي
جات ماشية رجع شدها
اصلان : موش بالسرعة يا اللا هادي ويني بوستي عااد
بهار : اصلان يظي امان تعرفمي نحشم
اصلان: ماكش ماشية قبلما ناخوها
قربتلو فيسع باستو على خدو و هربت تجري و هو فاسخ ضحك على حبيبتو قداش يعشق حشمتها
نزلت من الكرهبة بش تطلع من قدام وقفت ترا فيه كيفاش يتبع فيها بعينيه
ماريا : بسسسس مشينا ولا نباتو هوني ؟؟؟
اصلان: ....
قربتلو بالشوية و ضربتو على راسو ضربة خفيفة... فاق على وضعو
ماريا : انا نرا لي بش نباتو هوني خير شنوا رايك هههه؟؟؟
اصلان : قالكشي حد قداكش بليدة
ماريا : اي اي نعرف
طلعو فالكرهبة و راجعين للفيلا ....
#Kawtar
أنت تقرأ
البرسيم الضائع
Romanceالسلام عليكم حبوبات❤❤ انا راني اول مرة نكتب حكاية نتمنى انكم تشجعوني😍😍 متعودة نقرا لحكايات لكن ولا مرة كتبت يعني هذي اول تجربة ليا في عالم لكرونيك😘😘😘 راح نزل اول حلقة هي مزالت قيد الكتابة اذا لقيت تفاعل كل ما نكتب نزل لكن اذا ماتفاعلتوش و معطي...
