الحلقة 25:
رشلها شوية ما على وجهها فتحت عينيها شوية شافتهم لكل دايرين بيها رجعت تبكي مرة اخري و تصيح و اصلان شادها اما شي محبتش تهدا
طلب الطبيب جاها حتى للدار عمللها زريقة بش تهدى شوية و رقدت
اصلان : طمني دكتور شبيها
الطبيب : بدنها لباس اما نفسيتها تاعبة علخر لازمكم تتلهاو بيها متخلوهاش وحدها منجمش نظمنلكم شنية يمكن تعمل في روحها
اصلان : مفهمتش دكتور .. شتقصد بتعمل في روحها
الطبيب: برشا ناس في حالتها يخممو حتى فالانتحار عليها قتلك متسيبوهاش وحدها هادا الوا لي لازم تجيبهولها شوية فيتامينات يقووها على خاطر بش تفرط في ماكلتها توا..
اصلان : ميىسي دكتور سمحنا تعبناكمعانا
الطبيب ؛ لا هذا واجبي...و توا سمحني لازم نمشي
اصلان : باهي دكتور خليني نوصلك للباب
ورجع لعند بهار و مسيبهاش حتى طرف قاعد بحدا فرشها شادلها يدها و يستنى فيها تقوم و ماريا بجنبو حزينة على خاطر بهار
الناس الكل لي جات تعزي روحت و بقا هو و ماريا و فاطمة مع بهار و هي لتوا مزالت راقدة
فاطمة : يا ولاد نجيبلكم حاجة تاكلوها ؟
اصلان : لا يا خالة يعيشك اما معينيش
ماريا : و انا زادا معينيش
اصلان: ماريا خود مفاتح الكرهبة و روح
ماريا : و انتي
اصلان: انا بش نبقى هوني بحدا بهار منجمش نخليها وحدها
ماريا :و انا زادا نحب نبقى هوني بحداها
اصلان: لا ماريا تو امي تتقلق عليك برا روح عيش اختي
ماريا : باهي اصلان اما كان صارت حاجة كلمني امانك
اصلان: باهي
و مشات تروح و خلات قلبها مع بهار ياسر سخفتها متنجمش تحط روحها في بلاصتها متنجمش تتصور روحها نهار انها ممكن تخسر بوها ولا امها وصلت للكرهبة خدمتها و مشات راجعة للدار
بقى اصلان و فاطمة مع بهار
فاطمة: انتي منين تعرف بهار يا وليدي
....
يغزر لبهار و ساكت موش منجم يتكلم
فاطمة : بهار تعذبت برشا في حياتها عاشت صغرها لكل بلاش بو كانت امها تروح تخدم و تخليها عندي كيف كانت صغيرة ... كانت تقلي علاش انا معنديش بو يا خالتي ياخي بابا ميحبنيش علبيها راح و خلاني وحدي...
تعبت بش فهمتها لي هو توفا و هذا شي متاع ربي منجموش نعملو شي
و تواا زادت خسرت امها لي كانت تحبها اكثر من روحها لي عملت كلشي على خاطرها حتى محبتش تكمل قرايتها بش تخدم عليها ...
اسمعني يا وليدي انتي باين فيك طفل باهي و تحب بهار امانك عاونها متخليهاش وحدها هي توا بحاجتك اكثر من قبل ...
كان يسمعلها و مركز مع كل حرف تحكي فيه من بعد تكلم
اصلان : اي انا نحب بهار و عمري لاني بش نسلم فيها اتهنى يا خالتي منغير متوصي
تبسمت و خلاتو معاها و مشات للكوزينة بش تطيب حاجة لبهار تاكلها كيف تفيق....
#kawtar
أنت تقرأ
البرسيم الضائع
Romanceالسلام عليكم حبوبات❤❤ انا راني اول مرة نكتب حكاية نتمنى انكم تشجعوني😍😍 متعودة نقرا لحكايات لكن ولا مرة كتبت يعني هذي اول تجربة ليا في عالم لكرونيك😘😘😘 راح نزل اول حلقة هي مزالت قيد الكتابة اذا لقيت تفاعل كل ما نكتب نزل لكن اذا ماتفاعلتوش و معطي...
