الحلقة 27:
فاطمة خلاتهم و راحت تشوف شكون دق الباب لقاتها ماريا و معاها زينب اما معرفتهاش شكون
ماريا : عسلامة تا عرفتني انا كنت هوني الصباح ...
فاطمة : عسلامة بنتي اي عرفتك عرفتك فوت
فاتت ماريا تبعتها زينب و فاطمة سكرت الباب و لحقتهم
دخلو للبيت لي فيها بهار لقاو اصلان يوكل فيها تلفتلهم لزوز اصلان تصدم وقت شاف امو قام من بلاصتو و حط الصينية على الطابل دو نوي
اصلان: ماريا ؟؟!!! ،امي ؟؟؟!!! شتعملو هوني
زينب : (غزرت لبهار) عسلامة .... انا زينب ام الهامل هذا و دارت بيدها على اصلان... قربت بحداها و شدتلها يدها... عظم الله اجرك يا بنتي ربي يرحمها و يصبرك ...
بهار : عيشك مدام 😔
اصلان : امي انتي كيفاه عرفت... آاااا علاش نسأل بربي (يغزر لماريا) حتى انا شكون امنت على سري
ماريا : سمحني اما والله هي قعدت تزن فوق راسي و انا منجمتش تخبي عليها اكثر
اصلان: اممم اي اي و يڨحرلها
زينب : (قصت عليه)اسكت انتي يا لي متحشمش
اصلان: امي علاش انا شعملت
زينب : هاكا تخبي عليا في كنتي يعني كون ماريا محكاتليش مكنتش بش تقلي
اصلان : لا يامي لحكاية انو...
زينب : (رجعت قصت عليه )اسكت منحبش نسمع صوتك
(تلفتت تغزر مع بهار و تتبسم) محلاها كنتي المزيانة ....قلي شسمك بنيتي
بهار : ب.. بهار
زينب : اسمك ياسر محلاه .... اسمعني بنتي بهار الدنيا متاكل كان لي تكتبلك و متاخد كان لي تكتبلك زادا و كل حد عندو نصيبو فيها الناس لكل عندها نصيب من الفرحة و الحزن ... و ربي كان خدا منا حاجة الا ميعوضنا بحاجة اخرى... سبحانو رحمتو واسعة ...
احنا لي علينا انو نصبرو و برا
بهار : عينيها دمعو اما حست كلام زينب طمنها شوية... و نعم بالله ... عيشك مدام
زينب : وووه عليا توا هذا كلام انا من قبيلة نقلك بنتي و انتي شادتلي في مدام.... من اليوم نحبك تناديلي امي
بهار : منجمتش تشد دموعها أكثر ترشقت بالبكا ... بالحق تحكي... ي.. يعني ن..نجم نقلك امي
زينب : تبسمت و تمسحلها في دموعها....اي بالحق من اليوم مقامك من مقام اصلان و ماريا
عنقتها بلقوي و تبكي و الكل رجعو يبكيو معاها حتى اصلان منجمش يشد دموعو
ماريا : قربتلها و قعدت عالطرف لآخر متاع الفرش و دموعها في عينيها... طول عمري نتمنى تكون عندي اخت نحبها و تحبني نمشيلها وقت نكون بحاجتها و تجيني وقت تكون بحاجتي نشكيلها همي و تشكيلي هي زادا و ناقفو مع بعضنا فالفرحة قبل الحزن.... بهار تقبل تكون أختي لي نتمناها ؟!!
بهار : قربتلها و حملتها هي زادا ... اي نقبل...
قداش كانت محتاجة حد يحن عليها ... حد تترمى في حضنو ...
اصلان: احممم بشش نغير راني و انا شكون بش يعنقني توااا
زينب : انتي اسكت راااو مزال حسابك منبعد
ماريا : احممم توا بهار اختي و بش تعنقني انا بركا مش هاكا بهورة ... تحكي و تغزل عليع
اصلان: شوااا... قرب منهم قيمهم و قعد بجنبها...ابعد عليها و الله منقتلك قال تعنقك قال... غزرلهم لزوز مهيش بش تعنقك حد غيري ... غزر لبهار باااهييي
حشمت و دخلت بعضها هو هاكا كل مرة يتغزل بيها يدخلها في حيط ....
#kawtar
أنت تقرأ
البرسيم الضائع
Romanceالسلام عليكم حبوبات❤❤ انا راني اول مرة نكتب حكاية نتمنى انكم تشجعوني😍😍 متعودة نقرا لحكايات لكن ولا مرة كتبت يعني هذي اول تجربة ليا في عالم لكرونيك😘😘😘 راح نزل اول حلقة هي مزالت قيد الكتابة اذا لقيت تفاعل كل ما نكتب نزل لكن اذا ماتفاعلتوش و معطي...
