لأني أحبك

"2"

#Salah
وصلت لندن وسلمت على مروة مراتي ومكة بنتي .. بعد كدة دخلت اخدت دش ودخلت انام .. وحلمت بيها
حلمت بالبنت اللي انا ماشفتهاش الا مرة واحدة بس .. واللي انا ما اعرفش عنها حتى اسمها .. انا ليه بفكر فيها كدة ؟ .. بس هو انا هشوفها تاني ؟ .. انا حاسس اني هشوفها تاني وقريب كمان ..
**************
صحيت ع الساعة ٢ كدة .. قمت اتوضيت وصليت .. ودعيت ربنا وانا بصلي اني اشوف البنت دي تاني .. يمكن انا عاوز اشوفها تاني عشان اعرف ايه اللي شاددني ليها كدة ! .. انا حاسس بحاجة غريبة اوي ناحيتها !

اكلت وبعدين رحت ع النادي .. 

************

#Maram
روحت البيت واخدت دش ونمت عشان ورايا شغل بكرا .. بس قبل ما انام فكرت في نظرة محمد صلاح ليا واحنا ف الطيارة .. كانت بصته حلوة اوي ♡ .. يا بخت مراته اوي بقا ♡♡

ما فكرتش ف الموضوع كتير ونمت عشان الشغل بتاع بكرا ..

************
صحيت الساعة ٦ الصبح .. غسلت وشي ولبست ورحت ع الشغل .. انا كنت نازلة مصر اجازة ١٠ ايام بس اشوف اهلي وارجع تاني .. انا عايشة هنا لوحدي ف لندن .. اهلي كلهم ف مصر .. بس انا حياتي كلها بقت هنا ف لندن .. انا شغالة هنا ف لندن من وانا عندي ٢٠ سنة .. ودلوقتي انا عندي ٢٥ سنة ..

نزلت مكان الشغل بتاعي .. النهاردة هيجيلي طفل جديد ♡

************

#Salah
صحيت تاني يوم على صوت مروة مراتي بتصحيني

مروة : قوم يلا ي محمد .. انت نسيت ولا ايه ؟

صلاح : باين اني فعلاً نسيت ! هو فيه ايه النهاردة ؟

مروة : النهاردة اول يوم ل مكة في مدرسة  التأهيل للمدرسة .. انت مش رحت اتفقت معاهم ؟

صلاح : آه صح ! حاضر انا قايم اهو .. مكة جهزت ؟

مروة : ايوة دي جاهزة من بدري ..

قمت غسلت وشي وغيرت هدومي وطلعت الصالة لقيت مكة قاعدة بتلعب ♡

صلاح : صباح الخير ي كوكي ♡

مكة : صباح النور ي بابي ♡ يلا بسرعة عشان اتأخرنا ع المدرسة ..

رحت بوستها ♡ واخدتها ع السفرة عشان نفطر قبل ما اوديها المدرسة ..

فطرنا ونزلنا وركبنا العربية .. ورحنا على مدرسة كوكي ♡

*************

#Maram
فطرت ونزلت وركبت العربية ورحت الشغل .. بس واضح كدة ان انا رحت بدري عشان الطفل كان لسا ماجاش !

استنيت حوالي ربع ساعة كدة .. وبعدها لقيت محمد صلاح داخل ع المدرسة ومعاه طفلة صغيرة .. دي بنته ♡

*************

#Salah
وصلت ل مدرسة مكة ودخلت على مكتب المدير ..