لأني أحبك

"7"

#Marwa

عدا اسبوع من ساعة ما عرفت ان محمد متجوز عليا .. انا لحد دلوقتي مش عارفة انا قصرت معاه ف ايه وعملتله ايه خلاه يتجوز عليا 💔 .. من ساعتها اصلاً وانا مابقتش حاسة غير الألم .. ماكنتش عارفة ان الاحساس بإن فيه واحدة بتشاركني ف حاجة ملكي يبقى صعب و وحش كدة .. 💔

محمد المفروض انه مسافر النهاردة بالليل مع مراته الجديدة .. كنت قاعدة ف الاوضة بعيط زي ما بعمل كل يوم من ساعة ما عرفت انه اتجوز عليا .. لقيت الباب بيخبط ومحمد دخل ..

مسحت دموعي وبصيت عليه .. هو دخل ووقف قدامي ..

محمد : قررتي ايه ؟ هتسافري معايا مصر ولا لأ ؟

رديت عليه وانا باصة على ايدي ..

مروة : لأ مش هسافر .. هفضل هنا انا وبنتي ..

محمد مسافر ٢٠ يوم بس وهييجي ،، وانا مش عاوزة اسافر عشان اهلي لو عرفوا اللي حصل ممكن يعملوا مشاكل .. انا مش عاوزة اي حاجة تخسرني صلاح .. انا هفضل بحبه رغم اللي هو عمله .. هفضل متمسكة بيه .. مع اني عارفة ان لو جاتله الفرصة انه يسيبني هيسيبني .. خلاص مهو خدت مكاني ف قلبه واحدة تانيه 💔 

محمد قعد قدامي .. مسك ايدي وقالي بنبرة صوت بحبه يكلمني بيها اوي 💖

محمد : مروة .. لو بتحبيني ما تعمليش كدة .. انا عارف ان اي واحدة مكانك هتعمل اكتر من كدة بس انتي مش اي واحدة .. انتي مروة اللي هتفضل طول عمرها مراتي وحبيبتي وصاحبتي وامي .. مروة انا مش هعرف اعيش من غير ضحكتك .. وانا آسف والله وسامحيني لو انا سببتلك اي جرح .. يلا اضحكي بقا .. اضحكي :) ❤

ضحكتله ضحكة انكسار كدة .. انا مش ف ايدي حاجة اعملها .. ومش هعرف اغير حاجة ف اللي فات .. شكلي هرضى بالوضع ده .. وهستوعب فكرة ان محمد متجوز عليا  ..

صلاح : مروة .. انتي لسا بتحبيني زي الأول ؟

كنت حاسة وهو بيسألني انه متوتر .. ليه مش عارفة ! ..

مروة : انا بحبك .. بس مش زي الاول طبعاً  ..

رد عليا بسرعة بعد ما تعبيرات وشه اتغيرت ..

صلاح : يعني ايه ؟!

خدت نفس .. ورديت عليه بهدوء ..

مروة : الواحدة مننا لما بتحب حبها مش بيبقى لحاجة واحدة في الراجل .. شوية منه بتبقى لحبه ليها .. وشوية لاحترامه ليها .. وشوية لشخصيته .. وشوية لغيرته عليها .. وشوية لخوفه عليها .. فاهمني ؟ ..

صلاح : كملي ..

مروة : انا كنت بحب كل دول فيك .. كنت بحبك كلك على بعضك كدة وماكنتش شايفة فيك اي حاجة وحشة .. بس بجوازك عليا خليتني ماحبكش من ناحية انك ما بتخافش عليا .. انت ماخفتش عليا لما جرحتني واذيت مشاعري .. ومابقتش بحبك من ناحية عدم حبك ليا .. انت ممكن تكون بتحبني اه بس مش زي الاول .. بتحبني لمجرد اني مراتك .. فاهمني ولا ضعت مني ؟