#Salah
بحاول اوفق بين وقتي ف البيت مع مروة ومكة .. ووقتي مع مرام .. بس انا ساعات بقضي وقت اطول مع مرام ..
كنت بلبس عشان رايح النادي .. لقيت مروة بتفتح باب الاوضة بعصبية ..
مروة : ممكن اعرف كنت بايت فين امبارح ؟!
صلاح : فيه ايه يا مروة ؟ من امتى وانتي بتسأليني انا ببات فين ؟ .. انتي عارفة انا حياتي عاملة ازاي وعارفة طبيعة شغلي ايه !
مروة : ايوة .. بس مش كل يوم كدة .. انت الاسبوع اللي فات كله كنت بايت برة .. والاسبوع ده قضيت يومين بس ف البيت وبقيته بره برده ! .. مالك يا محمد فيه ايه ؟
صلاح : مافيش حاجة يا مروة .. وبلاش الجو ده والنبي عشان انا مش فاضي اقعد افسرلك واصالحك وكدة ..
مروة : مش فاضي ؟ .. لا ده الموضوع طلع كبير اوي !
صلاح : قصدك ايه ؟
مروة : محمد .. عشان خاطري قولي الحقيقة .. ايه اللي مغيرك من ناحيتي كدة ومخليك مش طايقني ؟ .. انا مش هستحمل كل ما اجي اكلمك تتعصب من غير سبب ! .. انا ما باقتش فهماك !
قربت منها ومسكت ايديها ..
صلاح : صدقيني انا مش متغير من ناحيتك خالص ! .. انتي بس اللي بقيتي بتقولي حاجات تعصبني .. انا فاهم انك بتبقي قلقانة عليا .. بس انا مش عيل صغير يا مروة .. وبلاش تسأليني كنت فين .. كنت مع مين .. كنت بتعمل ايه .. ما تخلينيش احس اني متقيد كدة !
مروة : حاضر يا محمد .. بس تسمحلي بقى اسألك هتبات النهاردة ف البيت ولا لأ ؟
صلاح : لأ ان شاء الله هبات هنا .. افردي وشك بقا وبلاش شغل النكد ده .. دا انا لسى كنت بقول انك ما بتحبيش النكد !
مروة : كنت بتقول ل مين ؟!
صلاح : تااني يا مروة تاني ؟! .. كنت بقول لنفسي يا ستي استريحتي ؟؟
مروة : انزل يا صلاح شوف انت رايح فين يلا ..
انا ضحكتلها ..
صلاح : طب براحة طيب 😂✋
واخدت حاجتي وبوستها وطلعت برة .. لقيت مكة قاعدة بوستها هي كمان ونزلت .. ركبت العربية وطلعت ع النادي ..
******************
#Sharnouby
شرنوبي : عشان خاطري بقا اطلعي ..
روان : حاضر قربت اخلص اهو .. استنى شوية انت اللي جاي بدري 😂👊
كنت قاعد مستني الهانم ف العربية .. اتفقنا ان احنا هنتغدى برا سوا .. بس هي لسى ما خلصتش مع الولد المعوق اللي هي شغالة معاه ده 💔 ..
اخيراً بعد ما استنيت ف العربية برا اكتر من ساعة .. روان طلعت وما كانتش شايفاني .. نزلتلها ورحت عندها ..
أنت تقرأ
لأني أحبك
Romanceلا أريد أن اتزوجكِ لأضع نهاية للحُب وإنما لأضعَ بداية جديدة له ، فلا تصدقي أولئك الذين يقولون أن الزواج مقبرة الحُب
