لأني أحبك

"12"

Maram

مرفوض ،، دة اللي هو ازاي يعني ؟!

بابا : مترفوض يعني مرفوض ،، انا لو جوزتك ليه يبقى كاني ببيعك ليه !

مرام : الكلام دة لو انا مش راضية عن الجوازة ،، لكن انا ، انا بحبه يا بابا .. !!

بابا : طب احكيلنا عرفتوا بعض ازاي طيب ! وايه اللي خلاكي تحبيه ،، انا عاوز افهم وجهة نظرك

مرام : بابا ،، بنت صلاح هي اللي انا بأهلها اليومين دول ،، وصلاح شافني هناك فَ اعجب بيا ،، وكان بييجي كل يوم عشان يشوفني بس عمرة ما حاول يضايقني ، لمحلي بكذا طريقة وانا فهمته وحبيته انا كمان وبدأنا نكلم بعض ...

بابا : مممم ، دا لو ما حصلش نصيب بقى يبقى مفيش سفر تاني .. !!

مرام : ماشي ..

قلت ماشي عشان عارفة اني طبعاً هتجوزه 😂

مرام : خلاص هو هييجي النهاردة الساعة 3 كدة ،، ماترفضهوش يا بابا والنبي ..

بابا : ربنا يقدم اللي فيه الخير ،، بس اعرفي ان الجوازة دي مش داخله دماغي!!

بابا قام وسابني ودخل ،، وماما دخلت وراة برده

***********************

#Rawan

من ساعة ما شرنوبي سابني وانا كلمة متدمرة دي صغيرة على اللي انا فيه !! انا مش بحب شرنوبي بس انا بعشقه ،، انا ساعة ماسمعت الفويس نوت دة اتعصبت بطريقة غبية ،، وماكنتش عارفة ان ممكن عصبيتي دي تضيع شرنوبي من ايدي ، لو الفرصة جتلي دلوقتي انا مستعدة اعتذر لشرنوبي 100 مرة ،، لكن مايسيبنيش .. !!

فتحت الانستا ودورت على اكونت البت سارة دي ولقيته ،، ولقيت اول صورة عندها صورة ليها هي وشرنوبي

*الصورة اللي فوق يا جماعة*

حسيت ان الصورة دي مش صورة عادية ، لية اتصوروها في الوقت دة بالذات ؟! ، بعد ما انا وشرنوبي سيبنا بعض على طول!! ، شرنوبي شكله مبسوط ولا كان فيه حاجة حصلت بينه وبيني ! ، ومقربين من بعض لدرجة اني حاسة انه هيحضنها في الصورة !!

رميت الموبايل وعيطت ، شرنوبي هيضيع مني ولا ايه ؟!!

اتصلت بية ..

شرنوبي : ألو ،، مين معايا ؟!

روان : ايه دة انت مسحت رقمي ؟

شرنوبي : لا معلش يا روان انا مابصتش ف الموبايل قبل ما ارد اصلا

روان : طيب ،، انا آسفة

شرنوبي : لما تقوليلي مين اللي كان واقف معاكي دة وانا عندك ابقى اشوف هسامحك ولا لاء

روان : دا ابن خالتي يا شرنوبي يعني زي اخويا ،، دة اللي مضايقك ؟

شرنوبي ضحك وانا ضحكت على ضحكته