لأني أحبك

"9"

#Sharnouby

روان : ممكن تفهمني ايه ده ؟

حبيبتي .. انا نازل اهو عشان اعدي عليكي ..اجهزي عشان مش عاوز اقف ف الشارع كتير

الفويس نوت دي جت في ايد روان ازاي .. دة فعلا صوتي بس الكلام ده من اكتر من 3 سنين

شرنوبي : روان د....

روان : بتخوني انا يا محمد ؟

شرنوبي : لا اخونك ايه استني ..

روان : اتفضل دبلتك اهي .. وروح عشان زمانها مستنياك ..

شرنوبي : ايه اللي بيحصل ده ؟

رمت الدبلة ف وشي وسابتني ومشيت ..

سارة ......

*****************

#Maram

وصلت البيت وسلمت على بابا وماما واخواتي ودخلت نمت شوية ..وصحيت بالليل وطلعت قعدت معاهم بره ف الصالة ..

ماما : حمدالله على سلامتك يا ميرا وحشتينا

مرام :وانتي اكتر يا ست الكل .. عاملين ايه ؟

بابا : كلنا كويسين الحمد لله ..

مازن : مش هتتجوزي بقا وتريحينا منك

*حتى ف القصة رخم xDDD*

مرام : هو انا مضايقاك يابني في حاجة ؟، انت لسا رخم زي ما انتى ما اتغيرتش ؟

مازن :ما اتغيرتش ايه انتي سايبانا من 5شهور بس مش 10 سنين

مرام : ولسا برده فاكر دمك خفيف ؟

ضحك وبابا ضحك معاه ~_~

ماما : بمناسبة الجواز بقا فيه عريس جايلك وانتي اكيد مش هترفضي

مرام  : عريس ؟!!!

ماما : عبدالله ابن خالتك

مرام : نعم ؟

********************
#Sharnouby

لبست اي حاجة ونزلت ركبت العربية ورحتلها .. مش روان ،سارة

سارة دي كانت خطيبتي .. بس حصلت بينا مشاكل وسيبتها .. وهي من ساعتها فضلت لازقالي ..ودي كانت من اسباب سفري ل لندن .. وطبعا هي اللي بعتت الفويس نوت دي ل روان عشان تعمل مشاكل بيني وبينها .. بس انا مش هسمحلها بكدة ابدا ..

نزلت من العربية وطلعتلها شقتها اللي هي عايشه فيها لوحدها.. فتحتلي وانا شديتها لجوة ووقفت قدامها وكان شكلي ممكن يجيبلها سكتة قلبية ..

سارة : انت بتعمل ايه هنا ؟ وازاي تدخل عليا كدة ؟

شرنوبي : ايه اللي انتي عملتيه ده ؟

سارة : ايه ؟

شرنوبي : بصي بقا عشان انتي شكلك بتستهبلي .. عارفة انتي لو ادخلتي بيني وبين روان انا هعمل فيكي ايه ؟ ..انا هموتك يا سارة .. اوعي تفتكري اني ممكن اسيب روان وارجعلك تاني .. انتي اوسخ من اني ابصلك اصلا .. سمعتي ؟

كنت ماسك ايديها جامد اوي وكنت هكسرهالها .. سيبتها وهي عيطت .. وانا استوعبت اللي قولته ..

سارة : بس انا لسة بحبك ..

*******************

معلش يا جماعة لو قصير .. بس انا كنت عاوزة اقولكوا حاجة وقلت ماجيش وايدي فاضية

انا مش هنزل تاني لحد ما اخلص امتحانات

ايه رأيكوا ف البارت

توقعوا ايه اللي هيحصل بعد كدة

وممكن ما تقرأوش من غير ما تعملوا فوتس ع الاقل ؟

وعدوا الاخطاء عشان انا مش بكتب من الموبايل بتاعي عشان مسحوب

فوت / كومنت

باي *_*