لأني أحبك

"10"

#Maram

لاء ، مش هينفع !

كلهم بصولي باستغراب ، كنت بقول كدة بانفعال ، هما مش عارفين اني متجوزة ، وانا مش هينفع اقولهم ..

هقولهم بنتكوا اتجوزت من وراكوا ؟ اتجوزت من غير ما تقولكوا ولا تاخد رأيكوا !؟ .. اصلاً انا ماكنتش هقولهم غير بعد ما اتجوز صلاح ، يعني هو هييجي يطلبني من اهلي عادي وفترة الخطوبة تبقى صغيرة وبعدين نتجوز ، ماكنتش حاطة ف دماغي ان ممكن حاجة زي دي تحصل ..

ماما : ليه بس يا مرام ؟ عبد الله مافيهوش غلطة ، دكتور قد الدنيا وحالته المادية ممتازة .. دا مش عريس يترفض ، وبعدين لو مافيهوش كل ده كفاية ان هو ابن خالتك وهيحطك في عينيه ..

مرام : مش هينفع يا ماما ، انا بعتبر عبد الله زي اخويا ومش هعرف اعتبره غير كدة

ماما : بس--

مرام : خلاص يا ماما اقفلوا الموضوع ده ..

وسيبتهم ودخلت جوة ، بيجيلي عرسان وانا متجوزة 😂💔

**************************

#Salah
كنت بتصل على مرام وماكانتش بترد ، اتصلت تاني وهي ردت ..

صلاح : ايه يا بنتي انتي فين ؟

مرام : صلاح انا متقدملي عريس ..

صلاح : نعم يختي ؟

***********************

سارة 👇🔥

#Sharnouby

سارة ارجوكي بلاش ، انا مش عاوز اكسر قلبك ، بس انا بحب روان ومش هحب حد غيرها ، وانتي عارفة اننا ماكناش مخطوبين عن حب ، صح ولا لأ ؟

سارة : اتكلم عن نفسك ، لكن انا بحبك اوي من اول يوم شوفتك فيه

شرنوبي : بس انا مابحبكيش ، انا بحبها هيّ

بصت ف الارض وعيطت ، انا حاولت ما اجرحهاش بس هي مصممة

سارة : طب ع الاقل نفضل صحاب ، انا مش عاوزاك تبعد عني ، حتى لو انت مابتحبنيش انا بحبك ، واوعدك اني هحاول انسى حبي ليك وتبقى مجرد صديق وبس ! .. مع ان ده اصعب حاجة على فكرة ! 💔