اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
Salah
بعد ما مرام قالتلي اللي حصل بين شرنوبي وروان غيرت هدومي ورحت لشرنوبي ، عاوز اشوفه واتكلم معاه عشان اعرف منه ليه عمل كدة !!
نزلت وركبت العربية ورحت عنده ، وصلت قدام البيت ورنيت الجرس وأمل أخته فتحتلي ..
انا : إزيك يا أمل ، اخبارك اية يا حبيبتي ؟
أمل : تمام الحمد لله ، انت عامل إيه يا محمد؟ ، اتفضل !
دخلت جوة البيت وسألتها عن شرنوبي وهي قالتلي انه ف اوضته ،، بس قبل ما أدخل هي وقفتني ..
أمل : محمد ، ممكن تقولي شرنوبي ماله ؟
انا : تعبان شوية من المشاكل اللي حصلت بينه وبين خطيبته القديمة !!
أمل : القديمة ، قصدك سارة ؟
أنا : لاء روان !!
أمل : روان ؟؟ ، محمد ساب روان ؟ امتى دة حصل ؟
استغربت أوي ان شرنوبي ما قالش لأهله انه ساب روان ! لية ؟ استغربت اكتر لما أمل كملت كلامها ..
أمل : اكيد سارة ،، سارة هي السبب ف كل دة ! وانا بقول هي لازقة ف شرنوبي ليه بقالها شهر ، اكيد هي اللي خلته يسيب روان ..!!
سارة ، سارة رجعت تكلم شرنوبي تاني !! وهو كان مخبي عليا وماقاليش كل دة .. !!
*****
Rawan
صحيت الصبح ، كنت فاكرة نفسي هصحى متدمرة زي كل يوم ! ، بس لاء انا لقيت نفسي عندي طاقة كبيرة جداً ، ودة خلاني أقوم عشان استغل شوية الطاقة اللي ماجوليش بقالهم كتير أوي دول واروح أي حتة اطلعهم فيها
قمت من على السرير وغسلت وشي وغيرت هدومي ورحت نادي كدة كنت بروح فيه زمان قبل ما أسافر لندن ، كنت هركب العربية بس رجعت ف كلامي وقررت اني هروح مشي ، أنا مش عارفة أيه كل الطاقة دي .. !! ، دة مش منظر واحدة اتعرضت للإغتصاب من اسبوع دة خالص !!
وصلت هناك واول ما وصلت بدأت أجري ، وانا بجري كنت بفتكر تفاصيل الحادثة ، وكنت كل ما افتكر حاجة احرك راسي كإني برمي الأفكار دي من دماغي ، لكن مفيش مفر ، بدأت افتكر كل حاجة ومش عارفة ابطل تفكير فيها ، لحد ما بطلت جري وكانت دموعي مالية وشي !، وماقدرتش امنع نفسي من اني اصرخ جامد واقول بصوت عالي
