Rawan
صحيت تاني يوم ودماغي كانت هتنفجر ، ماكنتش فاكرة حاجة ، قعدت شوية كدة لحد ماافتكرت اللي حصل ، غمضت عيوني جامد اول ما افتكرت ، لفيت ناحية اللي كان نايم جمبي ولا كانه عمل اي حاجة ، ولا كانه دمرلي حياتي وكرهني فيه وف نفسي وف الدنيا كلها ..
فضلت بصاله مش عارفه اعمله ايه ، مش عارفة اضربه بالقلم وهو نايم ولا اجيب سكينة واضربه بيها ف قلبه ولا اعمل ايه !! ، انا لو قتلته واخدت اعضائه ورميتها للكلاب دة كله مش هيطفي النار اللي جوايا منه !!
في وسط تفكيري دة كله لقيت نفسي بعيط ،، لاء دة مش عياط دة صريخ !!
انا : استريحت كدة ؟ استريحت لما دمرتني ؟! ،، استريحت لما نهيت كل حاجة حلوة ليا بالشكل دة ؟!
صوتي كان كافي انه يصحيه مفزوع ! ، لما فاق بصلي وبص للاوضة وبس للسرير اللي كنا نايمين عليه ! ، وبعدين بص لنفسه وبص قدامه وبرق !!
شرنوبي : انا عملت ايه ؟ .. ايه اللي عملته دة ؟!
قال الجملة الأخيرة بزعيق اكتر ، زعيقه خلاني اعيط اكتر !
انا : انت مش عارف انت عملت ايه ؟!
بصلي وبصيت ف عيونه لقيته بيعيط !
شرنوبي : ازاي ،، ازاي دة حصل ؟!
كنت بعيط بصوت عالي ، ماكنتش قادرة ارد عليه !
شرنوبي : لاء مستحيل دي تكون حقيقة انا اكيد بحلم !
انا : مش بنحلم ،، دي حقيقة ! ،، انت دمرتني ، دمرت واحدة كنت بتقولها ف يوم حبيبتي !
شرنوبي بدأ يستوعب الموقف ، قعد ٥ دقايق مش بيتكلم ، باصص قدامه ومبرق !
******
Salah
كان يوم حلو جدا ، ماكنتش مصدق اني ارتبط بمرام رسمي وقدام الناس كلها خلاص! ، ايوة احنا لسى ماقولناش لحد اننا متجوزين غير عبد الله ،، لكن انا حاسس فعلاً بفرحة كبيرة اوي ، يمكن عشان عرفت انها حامل !
اهلي قعدوا مع اهل مرام ، وانا ومرام رحنا قعدنا بعيد عنهم شوية وعبد الله جه معانا عشان اهل مرام مايقولوش حاجة ، قعدنا في مكان قريب منهم بس هما ماكانوش شايفينا ..
انا : وحشتيني !
مرام : فيه حد يقول كدة لخطيبته برده ؟!
انا : انتي صدقتي ولا ايه ؟ ،، طب ايه رأيك انك هتجيبي بوسة دلوقتي!
عبد الله : معلش يا صلاح بس انا قاعد :)
انا : ما انت مننا وعلينا برده يا بودي !
عبد الله : اقسم بالله لو قلت بودي دي تاني هوقفلكوا الجوازة دي !
انا : طب يلا يا حبيبي اقف بعيد عشان اعرف اتكلم مع مراتي
أنت تقرأ
لأني أحبك
Romanceلا أريد أن اتزوجكِ لأضع نهاية للحُب وإنما لأضعَ بداية جديدة له ، فلا تصدقي أولئك الذين يقولون أن الزواج مقبرة الحُب
