Salah
انا : ايوة ،، مرام حامل !!
مروة بصتلي بصدمة ، وبعدين بصت للأرض وقالتلي وهي طالعة برة الاوضة
مروة : خليها تستريح شوية وهي هتقوم لوحدها ، دة عادي وبيحصل كتير للحامل
طلعت برة وانا عدلت مرام على السرير وقعدت جمبها
انا : انا آسف يا مرام ! انا الغلطان مش إنتي ، سامحيني !!
مرام بدإت تفتح عينيها ، مسحت على وشها وحطيت شعرها اللي كان على وشها ورا ودنها
انا : انا وعدتك اني مش هندمك على أي حاجة ، وانا قد وعدي ، ما تزعليش مني بقى خلاص !!
مرام ابتسمت بالراحة وردت
مرام : وأنا كمان آسفة ، لازم أفهم ان مروة مراتك زيي وليها نفس اللي ليا بالظبط ، ويمكن اكتر عشان هي مراتك ومعاك من قبلي !!
كنت لسى هرد لقيت مروة دخلت واتكلمت
مروة : وانا كمان آسفة
جت قعدت جمبنا على السرير وابتسمت ل مرام وبعدين ابتسمتلي وكملت
مروة : آسفة عشان انت ليك الحق في إنك تتجوز ٤ مش ٢ بس ، وانا مش من حقي امنعك من حقك
بصت لمرام وابتسمت
مروة : عاملة ايه دلوقتي يا مرام ؟
مرام ابتسمت هي كمان وردت
مرام : الحمد لله بقيت احسن
مروة : انتي في الشهر الكام يا حبيبتي ؟
مرام : الرابع !
مروة : ربنا يقومك بالسلامة
بصيتلهم باستغراب ، وبعدين ضحكت ليهم هما الاتنين
انا : بحبكوا انتوا الاتنين ♥!!
****
Rawan
صحيت من النوم على صوت ماما بتزعقلي !!
ماما : قومي يا روان عندنا ضيوف !!
انا : وانا مالي يا ماما ، هما جايين عشاني يعني !!
ماما : آة جايين عشانك!!
نطيت من على السرير ووقفت قدام ماما
أنا : مين يا ماما اللي برة ؟ قولي والنبي
ماما : محمد واهله برة بيتفقوا مع باباكي على تجهيزات الفرح
بصيتلها وضحكت جامد
انا : فرح مين ؟
ماما : هو فيه حد هنا هيتجوز غيرك ؟
بدأت اكتم ضحكتي بالعافية ، كنت برقص تقريباً !!
ماما : روحي إلبسي يلا واطلعي
انا : حاضر دقيقة واحدة
لبست وعدلت شعري وبصيت في المراية ، بوست نفسي في المراية تاني و طلعت برة
أنت تقرأ
لأني أحبك
Romanceلا أريد أن اتزوجكِ لأضع نهاية للحُب وإنما لأضعَ بداية جديدة له ، فلا تصدقي أولئك الذين يقولون أن الزواج مقبرة الحُب
