لأني أحبك

"4"

#Maram

صلاح : تتجوزيني ؟ ♡

ايه اللي بيحصل دلوقتي ده ؟ .. ازاي انا سمحت للعلاقة بينا انها توصل لكدة .. ازاي ممكن صلاح يفكر اني هوافق اني اكون مراته التانية .. جواز .. هيتجوزني وهو متجوز ومخلف ؟!

كنت ف دماغي ردود كتير عاوزة اقولها .. بس لقيتني فجأة باخد حاجتي وامشي بهدوء ..  وناوية ان انا انسى محمد صلاح للأبد .. وانسى اني ف يوم قابلته اصلاً !

ركبت العربية ورحت على المدرسة ..

************************
#Salah

لما سكتت كتير كدة عرفت انه ماكانش ينفع فعلاً اني اعرض عليها الجواز دلوقتي .. انا عارفها اصلاً ما بقاليش ٤شهور .. بس انا بحبها ... والله بحبها ♡ .. بس عشان بحبها ما ينفعش اظلمها معايا واخليها تتجوز واحد متجوز ومخلف .. خلاص انا خدت قراري .. انا هبعد عنها خالص واسيبها تعيش حياتها .. هنساكي ي مرام !

************************

#Maram

وصلت المدرسة لقيت مكة قاعدة هي وروان ..

مرام : ايه ده هي مكة جاية من بدري ؟

روان : آه .. مستنياكي ..

روان كانت بتتكلم وهي خايفة كدة .. وكانت زعلانة بردو ..

مرام : مالك ي روان ؟ اتخانقتي مع محمد ؟

روان : مرام .. بصي انا آسفة جداً جداً والله انا ماكنتش اقصد ..

مرام : ما كنتيش تقصدي ايه ؟ .. فيه ايه ي روان ؟

روان : انا قلت لمحمد انك على علاقة بصلاح !

مرام : نعم ؟؟!

*********************

روان قالتلي كدة وانا خفت .. جت تقوله كدة بعد ما سبته ..

روان: انتي سبتيه ليه ي مرام ؟

مرام : عرض عليا الجواز ..

روان : طب وفيها ايه ؟

مرام : انتي هبلة ي روان ؟ دا متجوز يا حبيبتي .. متجوز وعنده بنت .. وبنته قاعدة هناك اهي ! ..

وشاورتلها على مكة ...

روان : بس ده مش اي حد ي مرام .. ده محمد صلاح ..

مرام : هو ايه محمد صلاح محمد صلاح .. يعني وحش مع اي حد تاني وحلو مع محمد صلاح .. مهو مع اي حد هبقى الزوجة التانيه ..  وممكن مراته ما ترضاش بالوضع ده وتاخد منه بنته .. وابقى حرمته من بنته يعني ؟ .. عشان بحبه ! .. انا عشان بحبه رفضت .. عشان عايزاه يكمل حياته عادي مع مراته وبنته وينساني .. ينساني بقا .. انتي فاكرة ده مش هيبقى صعب عليا .. انا حبيت محمد اوي .. وانا عارفة اني هتعذب بعد ما هو يسيبني .. بس انتي عارفة .. انا الغلطانة اصلاً .. ما كانش ينفع اتعلق بيه ولا اعلقه بيا من الاول .. انا جوايا حرب مش هتخلص الا لما تدمرلي قلبي ..