صلاح ومروة 😂👆💔
كومنتات على الفقرات يا جمااعة 😌💜
Maram
بعد ما صلاح غسل لمروة ايدها وربطهالها ، مروة دخلت الاوضة ، وصلاح بعد ما لاحظ اني اضايقت من اللي حصل من شوية جه عندي
صلاح : مالك ؟
انا : مفيش !
صلاح : طب النار اللي هتطلع من عينك وتحرقني دي ايه ؟ مفيش برده ؟!
انا : ايوة مفيش يا محمد ، اقولك حاجة ؟ ادخل شوف مروة وطبطب لها على ايدها عشان تخف! ونيمها وغطيها كويس وبعدين ابقى تعالى .. !!
صلاح ضحك ضحكة خفيفة وهو باصص ف الارض ، واتكلم وهو باصص في الارض بردو
صلاح : بتغيري للدرجادي ؟
ماردتش عليه وبصيت بعيد ، وبعدين صلاح كمل ..
صلاح : وما فكرتيش فيها لما فجأة لقت جوزها جايب واحدة تانية وبيقول انه متجوزها وبقت بتاخد نفس اللي هي بتاخده مني وليها نفس اللي ليها بعد ما هو كان ليها لوحدها !! ما فكرتيش هي احساسها كان عامل إزاي ؟! ، وزعلانة لمجرد اني قلقت عليها عشان اتعورت ؟!!
رديت بانفعال من غير ما افكر
انا : طب مادام انت عارف كدة وخايف على شعورها اتجوزتني ليه من الأول ؟ ليه ظلمتني وخليتني أحبك وأتعلق بيك واتجوزك وانت مش ليا لوحدي ؟
بصلي شوية وبعدين اتكلم
صلاح : هو إنتي ما كنتيش عارفة إني متجوز ؟ لاء انتي كنتي عارفة ووافقتي على الوضع ، من الأول انا ماخبتش عنك حاجة وقولتلك اني بحب مروة !!
بصيتله بندم وبعدين اتكلمت
أنا : طيب أنا هعيش إزاي كدة ؟ مش عارفة اتقبل فكرة ان فيه واحدة تانية مشاركاني فيك !!
رد عليا بهدوء
صلاح : هي ليها نفس اللي ليكي ، هي مراتي قبل ما انتي تكوني مراتي !!
بصيتله جامد وبعدين لفيت ورحت الأوضة وقفلت الباب عليا ، وقعدت على السرير وبدأت اعيط جامد ، اعيط بصوت عالي وانا مش حاسة بنفسي ، حسيت ان الدنيا بتلف بيا ودماغي صدعت فجأة ، وماحستش بحاجة غير اني اترميت على السرير ، وغمضت عيني وبس..!!
****
Marwa
كنت قاعدة في الأوضة وسمعت كل اللي مرام وصلاح قالوه ، ماكنتش عارفة اعمل اي حاجة غير اني اعيط بس !!
أنت تقرأ
لأني أحبك
Romanceلا أريد أن اتزوجكِ لأضع نهاية للحُب وإنما لأضعَ بداية جديدة له ، فلا تصدقي أولئك الذين يقولون أن الزواج مقبرة الحُب
