لأني أحبك

"3"

#Salah
كنت قاعد بفكر ايه اللي هيحصل النهاردة .. انا كنت بحب مراتي .. بس مش عارف ايه اللي حصل .. انا حاسس دلوقتي ان مفيش حد ف قلبي غيرها ! .. ليه ؟ مااعرفش ! ..

لقيتها فجأة وقفت قدامي وبتناديني ..

مرام : كابتن محمد ..

قمت وقفت قدامها وسلمت عليها ..

صلاح : اهلاً بيكي يا آنسة مرام .. اتفضلي ..
قعدت وانا اتوترت كدة .. مش عارف هقولها ايه ولا ابدأ معاها الكلام ازاي .. بس لقيتني قلتلها ..

صلاح : انتي قلتيلي امبارح انك مشدودة ليا انتي كمان .. صح ؟

بصت ف الارض واتحرجت .. انا ايه اللي بقوله ده ؟! .. بس انا محروج اكتر منها والله ..

*******************
#Maram
صلاح : انتي قلتيلي امبارح انك مشدودة ليا انتي كمان .. صح ؟

انا ما عرفتش اقوله ايه ! .. انا مشدودة ليه فعلاً بس ..

مرام : بس انت متجوز ي كابتن ..

سكت شوية كدة ..

صلاح : بس انا بحبك ...

اتصدمت من الرد بصراحة ... بس كان لازم ارد ..

مرام : لا بحبك دي كبيرة اوي ! ده مجرد اعجاب مش اكتر .. انت ماتعرفنيش اصلاً.. ممكن يكون سبب انك تضحك على مراتك وتسمح لقلبك انه يعجب بواحدة تانيه  شوية مشاكل بينك وبين مراتك .. واول ما تتحل هتستغرب انت ليه بصيت برة اصلاً وهتنهي الموضوع على طول .. ما تتسرعش ي كابتن ..

صلاح : محصلتش اي مشاكل بيني وبين مراتي .. ممكن يكون اعجاب فعلاً بس انا حاسس ان الموضوع هيكبر .. وانا بصراحة عاوزُه يكبر .. انتي عملتي فيا حاجة غريبة .. انا طول النهار مش بفكر غير فيكي انتي .. انا اول مرة احس بالاحساس ده انا حتى ما حسيتوش مع مراتي .. انا ما اتجوزتهاش عن حب .. هي كانت جارتي ولما سافرت برة اهلي اصرّوا اني لازم اتجوز عشان يبقى معايا حد ف الغربة وكدة يعني .. وعرضوها عليا وانا وافقت بس عشان أرضيهم .. وعشان انا كنت عاوز حد معايا ف الغربة .. انا ممكن اكون عمري ما حبيتها ..

مرام : بس انا مش هسمح لنفسي اني ادخل علاقة مع واحد متجوز .. انا مش ممكن اتصور اني ممكن اخرب حياة واحدة و اخد منها جوزها .. وبعدين انت مش بتقول انك ممكن تكون ما حبتهاش ؟ يعني ممكن برده تكون بتحبها ..

صلاح : لا انا عارف اني ما بحبهاش .. انا بحبك انتي ..

مرام : لما تتأكد من ده نبقي نتكلم تاني .. هستأذن انا دلوقتي عشان ورايا شغل .. باي ..

صلاح : انتي حلمي الجديد .. وانا عمري ما بحلم بحاجة غير ولازم احققها ♡

كلمته دي نزلت عليا كإنها سيف .. انا كمان معجبة بيه بس دي علاقة اقسم بالله ما ينفع تكمل .. ده واحد متجوز !!! .. وانا لسا ببتدي حياتي .. هبتديها مع واحد متجوز ؟؟ .. بس ده مش اي حد ! ده محمد صلاح اللي بنات مصر كلها بتجري وراه ♡ .. لما ييجي لحد عندي ارفضه .. العلاقة دي ليها سلبيات وايجابيات .. وانا متأكدة ان اللي فيه الخير ربنا هيقدمه ♡