#Maram
انا : محمد ،، يا تشوفلي حل ف ابنك دة يا تاخده وتمشي ، انا هتشل منكوا انتوا الاتنين !!
صلاح كان جوا في المطبخ ولما ندهت عليه طلع من المطبخ وفي ايده طبق فشار
صلاح : بصي ما تزعقيش بصوتك اللي عامل زي السحلية دة ،، ثانياً ماله عمار ، ما هو حلو وساكت وهادي وكيوت زي ابوه اهو !!
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
انا : انا صوتي عامل زي السحلية ؟ اشطا جداً الازواج في اجازة يا صلاح !!
صلاح ضحك عليا شوية وبعدين جه وقعد جمبي
صلاح : مالك بجد ايه اللي مضايقك ؟
انا : مش مضايقة والله بس عمار مخلانيش عرفت أنام امبارح ونمت ساعة بس لما انت اخدته ونزلت تشتري الحاجات من السوبر ماركت وصحيت مصدعة !!
صلاح : كنتي بتقوليلي ان روان وحشتك ؛ مش كدة ؟
انا : جداً والله ، مش عارفة ليه شرنوبي صمم انهم يعيشوا ف مصر !!
صلاح : طيب انا عندي ليكي مفاجأة ، بس لازم تديني حاجة الاول وانا اقولك على المفاجأة
انا : يعني عايز ايه يعني ؟
صلاح : أي حاجة ، شوفي انتي عاوزة تديني ايه وانا هاخده منك عادي
انا : يا صلاح ماتبقاش رخم بقى وقولي !!
صلاح : لاء ، لازم مقابل !!
انا : طيب ايه !!
صرخت في وشه جامد ،، هو غمض عينه لما اضايق من صوتي ، طيب هو بصراحة انا صرخت جامد شوية !!
صلاح : يلعن ابو صوتك اللي هيخرملي طبلة ودني دة !!
ضحكت بصوت عالي وهو كمان ضحك ،، وبعدين سكت وبصلي تاني
صلاح : بردو عاوز مقابل !!
وحط صابعه على مناخيري !!
انا : طيب بص ، هديك بوسة وتقولي ،، تمام ؟
صلاح : اشطا جدا جدا!!
بوسته وبعدين بعدت عنه وبصيتله
انا : ها هتقول ولا ايه ؟
صلاح : لا هقول اهو !! بصي يا ستي شرنوبي قرر انه هيعيش في لندن تاني عشان هو قرف من العيشة في مصر وكمان انه عاوز كارمن بنته تتربى في مكان نضيف وكدة
أنت تقرأ
لأني أحبك
Romanceلا أريد أن اتزوجكِ لأضع نهاية للحُب وإنما لأضعَ بداية جديدة له ، فلا تصدقي أولئك الذين يقولون أن الزواج مقبرة الحُب
