Maram
مروة : حمدلله على السلامة!
بصتها ليا كانت غريبة أوي ! حسيت بالندم أوي ساعتها ، حسيت اني خدت منها جوزها وبيتها وحياتها الحلوة اللي كانت عايشاها قبل ما ادخلها !!
انا : الله يسلمك !
مروة : انتي قولتيلي اسمك ايه ؟
انا : مرام .. !!
مروة : أهلاً يا مرام ، ماتيجي نتكلم شوية عشان اتعرف عليكي اكتر !!
ابتسمتلها لما لقيت اسلوب تعاملها معايا كويس ! ، دا طمني شوية بس مش أوي برده ، لسا حاسة ان هي مش هتسكت!!
محمد ابتسم لما هي قالت كدة ، هي سبقتني على الكنبة ومحمد قرب عليا وهمس في ودني ..
صلاح : مش قلتلك !
انا : اسكت بس احنا لسا في الأول !
محمد خد الشنط ودخلها أوضة تانية قال ان هي هتبقى بتاعتي انا وهو ، غير طبعاً الاوضة بتاعته هو ومروة ! ،، رحت قعدت جمب مروة على الكنبة وهي ابتسمتلي ..
مروة : عندك كام سنة يا مرام ؟
انا : عندي ٢٢ ! وانتي ؟!
مروة : ٢٥ ، قد صلاح !!
* حساهم بيتعرفوا على الفيسبوك أوي ، كان نفسي وجدان تبقى موجودة أوي برده 😂💜💜 *
انا : آه ، ايوة هو قالي !!
مروة ضحكت بصوت واطي وانا لفيت بعيني على البيت كله عشان اتفرج عليه
انا : البيت حلو جداً ، والديكورات والألوان حلوة ومتناسقة جداا ، انتي اللي مختاراهم ؟
مروة : أيوة ! ، انا مهندسة ديكور على فكرة!
ابتسمتلها ..
انا : والله ، انا برده قلت كمية الفن اللي في البيت دي لازم تطلع من واحدة فاهمة كويس جدا هي بتعمل ايه!
مروة ردت بابتسامة مصطنعة ..
مروة : فعلاً أنا عارفة انا بعمل ايه !
ابتسمتلها مع إني عارفة إن الجملة دي وراها كلام كتير جداً !
انا : طب تسمحيلي بقى أقوم أغير هدومي !
مروة : ايوة اتفضلي ! ، وعلى ما تطلعي هتلاقي الأكل جاهز
انا : لاء ما تتعبيش نفسك ، لما أطلع انا هساعدك !
مروة : لاء مش من أول يوم كدة !!
مثلت إني ببتسم وكلامها ظريف ! ، وبعدين سيبتها ورحت الأوضة عشان أغير ولقيت فيها صلاح بيغير هدومه هو كمان
أنا : صلاح ! انا مش مستريحة لكلام مروة !!
صلاح قرب عليا لما لقاني شوية وهعيط !! ، حط وشي بين إيديه وبدأ يتكلم ..
أنت تقرأ
لأني أحبك
Romanceلا أريد أن اتزوجكِ لأضع نهاية للحُب وإنما لأضعَ بداية جديدة له ، فلا تصدقي أولئك الذين يقولون أن الزواج مقبرة الحُب
