.
...أمي لمااذا رحللتي لمااااذا تركتيني ؟!لماااذا لم تريييني ؟؟؟
أنت رحلتي وهذه الدنيا أعلنت عن بداية حياااتي أمي هذه الكلمات انا لم أنطقها يوما أليس ظلم عندما يتكلم الكل عن أمه حينها أريد ان أذهب إلى مكان خال منهم وأبكي بشدة أنا الان الومكِ على تركك لي أنا أتعب بشدة ولا هناك من يحميني من تعبي ....الآن الذين اعرفهم لا يحميهم من تعبم غير أمهاتهم وانا حتى اقل حقوق كإبنة لكي لم تجدهيها وهي ان تعرف اسمي او تسمينني انت ...اقسم لك باني الان باشد الحاجة اليك .........
.سديت المذكرة ديالي وانا كنمسح دموعي ....اويلي سمحو ليا مكنتش عارفاكم هنا ...مي هذي عادتي ملي نبدا نكتب فالمذكرة ديالي كنبكي مي صافي ....ولفت ....سمحو ليا دخلت عليكم دخلة بالدموع ...
ابتسام:شيماء شيماء
انا:امالنا ياك لابس
ابتسام:وسربي راه تعطلنا مغديش نقراوا ليوم
انا:صبري نلبس عليا انا تابعاك
ابتسام:شيماء 10 دقايق
انا:وتلاحي دبا
خرجات ابتسام وانا تاجهت لمريو ديالي هزيت سروال فالشيبي جينز وقاميجة فالشيبي شعري طلقتو ودرت مكياج خفيف وعكر غوز ودرت عطري المفضة la periaوهزيت نضارت شمسية فالشيبي وخرجت لبست فرجلي صندالة عالية فالكحل وخرجت كنجري نازلة فالدروج واكيد ضروري خاس شي حد اخسر ليك نهارك تفو ....
سعدية :افين مزوقة وفليل تجمعي عليا الرجال حدا الباب انا معرفت انا موصيبة درت حتى جازني ربي بحالك
انا:تعطلت مافيا ميزيد معاك فالهضرة
خرجت كنجري لقيت ابتسامة ديرة ليكيت ومركزة مع الموسيقة حتى جريتها فيديها .. وبقينا غادين .........
اويلي نسيتكم نعود ليك على راسي وانا غادة فالطريق .....انا شيماء ابوكيل 19 سنة كنقراء فالكلية العام الاوال تابعا حقوق نويا نكون محامية الا بغا الله وندفع على الناس بالحق ماشي بالبطل وبالرشوة..... نوصف ليكم راسي انا بصارحة شكلي ديما شاري ليا الصداع لا ...ماشي كنصبغ فراسي او كنزينو لا .مي انا بنت ماطويلة ماقصيرة طولة متوسطة بيضة نيت ....شعري كحل وفايت لكتف عويناتي زروق بزاف ...وليشفهم كيسحر ...فمي عامر ومثير لذالك معدم الوقت كنفضل ندير كسكيطة طاي ديالي عندي لهونش والصدر والباقي رقيقة مي بصارحة انا وديا لعين وضروري نخرج اجي شي حد تابعني انا مثيرة للجدال فالزنقة خصوص لباسي جرئ بزاف وكنهتم بالموض وكنديها فالحال ديالي ....الشئ لكيخلي كلشي ايعيط عليا ملكة جمال الكلية ونص فالكلية باغي اتعرف عليا من استادة وطلاب .... انا بطبعي جريئة وعصبية اصلان كنتنول دواء دالعصاب الا مشيت حتى تعصبت ميقرب ليا حد فالدار كنولي انسانة اخرى مكيناش فحياتي شي حاجة سميتها الثقة ....
الشئ لكيخلي..ختي تغار مني ...اه ختيي ..إن تحدثوا عن جمال الصداقة هي صديقتي هي ختي هي قلبي هي دنيتي...(تحيا لختي لعونتني بزاف فحياتي وديما كنلقاها منبع الحب والامن منبع العطف احبكي Rquai Oussi) ابتسام 17 سنة قصيرة رقيقة شوية وحتا هيا عندها عوينات زروق اصلان وارثينهم من ماماهم الله ارحمها شعرها...كحل وقصير شوية ......وفهما صغير .... شخصيتها حنينة ومغيارة ملي كيجي شي حد ايبغي اهضر معيا هيا كتغار مكتحملش تقول للناس عندها 17 انما كتقول ليهم عندي 19 سنة ههه كتكبر راسها البرهوشة ...كتقراء فالسنكيام ...انا وختي ماتت ماماتنا وانا عندي 4 سنين ماعقلش عليها مزيان مي غير شوية ملي كتمشط ليا شعري وتوكلني كنت فرحانا مي من بعد موتها وخا عمري الصغير الا انني كنت عرفا ...بلي خسرت انسانة غالية كنت كنهز مانطة نتاعي ونكلس مقابلة مع الشرجم ونضل نبكي ....نبكي نبكي حتا كنرجع المانطة كلها دموع وخنونة ...كنت كنشوف على امل انني نشوفها جاية وتقول ليا بنتي شيماء... كبرت وانا حاملة فقلبي الحقد على الاب ديالي ليغير ماتت الام ديالي مزال حتى مكملت ديك 40 يوم حتا تزوج وبشكون بالسعدية الشيطانة لي غير اكون بابا فالدار تلعب فيها دور الملاك البريئ لأنا معيا عليها ولدت ولات عندي ختي بفف حتى المشعكة كنقسم ليك الا من نهار تولدات انا ماهزيتها ولا بستها ولا قربت ليها كبرت ختى ابتسام صافي حيت انا ماعندي غيرها بيدي وصافي بابا كنحتارم بكونوا اب لا اكثر حنا عائلة بخيرها بابا عند محل كيبع الذهب ... رغم كاع ديك الالم الا انه كيجيب لينا غير الملابس الغالية ولماركات . سعدية كتغار من .جمالي انا وختي بِكَوْن بنتها مزويناش بزاف .....ماعليناش دبا براكة منديروا فالذنوب...
دخلت لكلية من بعد ماتودعت مع ختي لوصلتها لثانوية وانا تاجهت لكلية دخلت دوزت الساعة كيف ديما وخرجت مع 12h مشيت تسنيت ختي حدا التانوية خرجت وانا حدرا راسي اصلان مع الزربة نسيت الكسكيطة والشمس اليوم قوية فأكادير...بقيت نتسنا فتحت الشمس حتى جات ختي كتجري باينة الابتسامة فوجها انا شفتها وابتسمت
ابتسام:شيماء شيماء
انا:مالنا
ابتسام:ناري جابوا ليا واحد الاستاذ اح اقلبي شحال بوكوص
انا:(شادة راسي من كترات الشمس )تحركي شمس قوية ابتسام
ابتسام:تفو اش عرفك المعقدة
الله بغيت نتمشى حتى وقف عليا موطور كبير انا كنت نازل عيني مع الشمس مقابل معيا وابتسام كتنغزني طلعت عيني بان ليا واحد شاب سمر ولبس تشورت حمر وسروال كحل مطلع شعروا ومديرش اللحية باينة فيه عند 39 عام كبير انا:حيد من الطريق
ابتسام:(كتقرصني)استاذ زياد
زياد:ابتسام ختك هدي
ابتسام:اه استاذ.
🌸
زياد:(ماد ليا ايديه)ليا شرف كبير نتعرف على الجمال الاناقة وكلشي كنت خارج من التانوية حتى بنتي ليا جيت ممكن نكون اصدقاء
انا:(تفو على شخصية زير النساء )ديزلي مكنديرش الصداقة بزربة لمهم نخليك دبا مزروبة
جريت ابتسام فيديها والطريق كامل وحنا ساكتين مي الشعب مسكتش كاين لقول.. (زين ..قرطاسة ...تيتز ....الى غيريه من الالفاظ التحرش )
انا؛ايوا الله الكيها ليك اوجه الطارو هدا زين هداك ايخ
ابتسام:(بابتسامة )هه غير كنت كنضن بلي زوين مي ملي قرب لينا كتشفت بلي خايب
انا:تحركي تحركي ندخل وجدي دوك الودينات تسمعي المحاضرة ديال السعدية...
ابتسام:ههه
دخلنا لدار انا طلعت لبيتي وتبعتني ابتسام ..مع العلم انا وابتسام عندنا بيت مشترك مي كل واحد وطريقتو فاللباس اصلان حوايجي كبار عليها ....
دخلت بدلت حويجي لبست بيجامة قصيرة شعري طلقتو دخلت لحمام غسلت وجهي وخرجت لقيت ابتسام كتجرب فواحدة الكسيوة ديالي مي جاتها كبيرة وبقا فيها الحال
انا:مال الزين
ابتسام :(مبتسمة)فيا الجوع
انا:هه اوكي نزلي نزلي
نزلنا انا وابتسام تغدينا فجو تاع النكير تاع سعدية وبنتها انا تغديت اصلان كنسمح فكلشي الا كرشي هه نموت عليها ..طلعت وحطيت راسي الله كنسد عيني حتى كنحس بشي حد كيحركني ويغوط
سعدية :ونوضي تحركي ونتي تاكلي وتنعسي نوضي اديك الموصيبة
انا:خرجي من بيتي
سعدية:(كدفعني)نوضي تغسلي الدار وتنقيها واش انا خدامة عندكم الله واكبر نتي وديك الزوفري دختك مكرهتش تموتوا بحال مكوم وتهنوني الله اديكم عليا
انا:(انا غير سمعت حس ماما تبدلت من شيماء الحنون والهادئ الى وحش شمرت على ضراعي ونضت شادة جنبي وهيا مخرجة ليا عينها الله اخرج هاد النهار فالخير كي بغات الحرب هيا انشوف )عودي اشنو قلتي
سعدية؛قلت ليك بغيتكم تموت كيما ماتت ماماك الموصيبة
انا:(بدون شعور جمعت معها بتصرفيها وهيا طيح وبدات تغوت بصوت مرتافع طلعت عيني كيبان ليا بابا عينه حمرين وختي ابتسام كضحك عاجبها الحال ملي ضربتها اصلا هيا مكتحملهاش )بابا .....
النية جرحتني بصح علمتني الدنيا فانية والناس خاينة حسني مات ولمحبة فنات وكثروا الكيات في زمن الغدرات النية مابقات والحيلة قوات جازوا اليامات ولمحبة تنسات مابقات النية في وقت كثرو فيه الدرية....
انا:بابا
بابا:(جاي قاصدني وصرفقني حتى دخت)كبرتي وليتي ترفعي ايديك على لكبر منك ياك نسيتي هيا لي رباتك
انا:(وقفت)شششو رباتني لا لا راك غالط مارباني حد ربيت راسي براسي
بابا:ايهيه من امتا وليتي ترفعي صوتك على باك
سعدية:(كتبكي وتعوج لعبة فيها دور الملاك تاني)اهئ اهئ انا مدرت والو ليها اهئ اهئ طلعت قلت ليها اجي نصوبوا كيكة انا وياك نوليو صحابات مي هيا دفلت عليا اهئ اهئ والباقي شفتيه بعينك....
انا:(مخرجة عيني)الله اعطيك العمى كنت عارفة بلي نتي شيطان مي مكنش متوقعا لديك الدرجة
بابا:(بالغوط )بركة بركة
سعدية:شوف احمد يا انا يا بنتك ختار منقدرش نبقا مستحمل
بابا؛(بغات تمشي وهو يشدها فيديها)الله اهديك
سعدية:ختار
بابا:(تنهد والحقد فعينيه)نتي
انا:(كنبكي)اشنو كتلوح بنت للزنقة بناتك ابابا بناتك من دمك ولحمك حشومة بزاف عليك تكون نتا اب بزاف عليك
ابتسام:بابا اش كتقول
بابا:نتي متدخليش
ابتسام:الى مشات ختي نتبعها
بابا:(جر سعدية فيدها)جهنمة بجوجكم مي 10 دقايق نلقكم خرجتو المسخطوطات
خرج بابا وانا طحت فالارض كلي كنترعد لي لقيت كنضرب بيه كاع البيت هرستو ونغوت وكنضرب ايدي مع الحيط حتى كتسيل بالدم وابتسام مدات ليا لكينة..دالاعصاب شربتها وغفيت اصلان غير نشرب الدواء كنعس كيدير ليا النعاس كنتهدن دازت شي 5 دقايق حليت عيني بانت ليا ابتسام كتبكي وبانو ليا ليبليز ديالنا وقفت
ابتسام:شيماء انا جمعت كلشي يلاهي نمشيوا بكرامتنا
انا:انمشي انمشي مي قبل خاسني ندير واحد الفلاش لسعدية
ابتسام:اشنو نديروا
سيفطت ابتسام توقف حدا الدروج وانا دخلت لبيت سعدية مشيت لخزنة ديالها مكلخة مدرتش ليها كلمة المرور كاع لي فلخزنة خويت من دهب وفلوس اصلان بابا مبرعها بالدهب درتهم فواحد الساك ودخلت لبيتي دوشت ولبست عليا سروال زرق وقبية فالكحل وكاسكيطة وخرجت كنسمع صوت الضحك مجهد من جيهت الصالون درت ضحكة استهزاء وجريت لفاليز وانا فالداخل ديالي غضب حتى من لكينة دالاعصاب مطفيش ليا نار قلبي خرجت وانا تالفا فين انمشي
انا:ايو حنا خرجنا فين انمشيوا
ابتسام:يلاهي نعيشو حياتنا فمراكش
انا:(باستهزاء)مراكش والمدرسة
ابتسام:(كضحك)المدرسة...ضحكتيني الا عرفت مرات باك بلي سرقتي ليها الذهب والله حتى تلوحك فالحبس وباك والله ميرحمك
انا: والله الا معقولا فين انمشوا
ابتسام:مراكش
انا:كتفلي مراكش مكنعرفهاش وعمري حطيت فيها رجلي 💋 ابتسام:كاينة تماك خالتي انمشيو عندها
انا:(مبتسمة)خالتي اه خالتي يلاهي
مشينا لمحطة ركبنا فالمحطة من بعد مدة من الوقت.....وصلانا لمراكش (تحيا لناس مراكش )نزلنا انا وختي لمدينة البهجة مراكش .....
💋💋💋💋💋💋💋💋💋💋
الحياة جوج دمعات ...دمعة لقاء ودمعة الوداع...وكنضن بلي الاصعب من ذوك الدمعات اللقاء لي من بعد الفراق ...علمتني الحياة انني نخلي قلبي مدينة بيوتها المحبة ..وطروقها التسامح والعفو ...وانني نعطي ومنتسناش الرد بالعطاء وانني نصدق راسي قبل مانطلب من شي حد ايفهمني .....وعلمتني ماندم على على والو ...وانني نخلي الامل مصباحا كيرفقني في كل مكان ....
بقينا غادين كنتمشاوا فمدينة مراكش لي كتمتع بألونها ..لكتحول كل صباح الي لوحة كتمتع العين وكدخل البهجة لنفوس ناسها وسياحها ..لكل ما تفتحت حونت واسواق مدينتها القديمة ..أمام سكانها وزوارها خصوص دوك الازقة المتعرجة في قلب المدينة القديمة .... شدينا طاكسي وحنا متاجهين لمدينة القديمة تما فين كتوجد خالتي ركبنا فالطاكسي وانا حاطة راسي على الزاج دالطموبيل شحال غزال البهجة مثل فاتنا كتعلق بيه الأفئدة وتهفو بها النفوس بسمائها الصافية الزرقاء وطقسها الساخن .....وقفت بينا الطاكسي امام منزل على القد الحال زوين خلصت موال الطاكسي ونزلنا انا وختي جرينا ليبليز ديالنا دقينا وحلت لينا مرة كبيرة بشعرها الابيض وتجاعيد على وجهها الابيض
انا:سلام وعليك
خالتي:وعليكم وسلام اش حاب الخاطر
انا:معرفتيناش انا شيماء وهدي ختى ابتسام
ابتسام:حنا بنت ختك يامنة
خالتي:(عنقتنا)دخلوا ابنتي دخلوا مرحبا والف مرحبا واش جاء معاك باباك
