🌸
اليكس:طلعي دبا مع 7 تكوني موجودة
انا:انشاء الله
طلعت للدار تغديت وكلست خويت كاع حويجي كنقلب اش نلبس ماعنديش بزاف دليغوب لذالك هزيت شي فلوس من عندي وخرجت بالجرى مشيت لواحد المحال ديال الكراء كيكروا فيه ملابس الحفلات من كسيوات وصبابط وحتى السيكان فرحت بزاف خصوصا كيكريو بثمن رخيص شوية ....خديت كسوة قصيرة فايتة الفخد بشوية فالشيبي لبارد عندها ليدين ومعرين من الظهر شوية وفالظهر منبة باحجار بصراحة كتحمق خديت معاها طالون عالي فالبيج بصراحة حمقني معا حقيبة فاللون الازرق ورجعت ...لدار دخلت للحمام خديت دوش خرجت سيشوريت شعري مزيان ولبست لكسوة ليجاتني كتهبل مع لهونش شعري طلقتو ورديتو جنب ماكياج ثقيل شوية ولبست صباطي وهزيت صاك ورشيت عليا برفان وخرجت كان الساعة 7 و..30 بمعنى تعطلت خرجت لقيت اليكس لابس كوستيم فالكري جاه اهبل شافني وبداء كيصفر
اليكس:هادشي كامل ديال العميد
انا:شكرا
اليكس:جيتي كتحمقي اشيماء
انا:ربي ايخليك تعطلنا ياك
اليكس:نتي الالة عطلتينا
مشينا بسرعة فائقة واخيرا وصلنا للفيلا كان الباب محلول الاضواء فكل مكان من الحديقة الموسيقية مجهدة مي هادئة المسبح مصاوب بشكل رائع كلوا شموع الاشجار بالاضواء الارض كدالك اضواء فجميع الالوان ....الناس كتيرة ومن مختلف الاشكال ولكن من نفس المرتبة غير الناس الهاي كلاس النادل هاز المشروبات كيوزعها على الناس .....كانت شحال من بنت تتحمق كترو بزاف الشهبين والشباب كدالك وسيمين دخلنا وشدينا بلاصتنا انا وليكس امام شجرة جاء النادل عطانا مشروبات انا طلبت غير كاس دالماء حيت بالحقيقة انا خفت اكون مشروب مسكر ...بقينا واقفين وحالين فمنا فالناس حتى كتجي اخت جود ليكانت لابسة كسوة طويلة من اللور وقصيرة من الامام فالاسواد نص صدرها كيبان شعرها طلعاتوا وماكياج جات تتحمق اليكس شافها وحال فمو فيها بل بقا تابعها بعينه ..بقيت هكاك هالي مرة يرقص هالي يضحك بصراحة الناس كتيرة وحتى حد ملاحظنا اصلان شكون حنى بوجود الكم الهائل ديال البشر دازت ساعة على الاقل ...حتى كيطفاو الاضواء وكيقولو بلي جود وصل شوية شعلوه كان جود لابس قاميجة فالابيض مع سروال فالاسواد كان باينة فيه الغضب من الخدمة وجاء شاف ديك الحفلة زاد عقد على حجبانو باقي كيلمح الكل كيصفق عليه كيدوز عينيه على جميع الناس كانه كيقلب على شخص معين ايلا مخفتش نكدب انكون انا ....شوية لمحني قرب شوية طلعني من التحت حتى الفوق وهو يخنزر فيا عرفت بلي اللبسة معاجباهش طلع حاجب ومنزل حاجب دار نظارت شمسية وخرج برا دالفيلا
انا:اليكس جود ايمشي سير منعوا
اليكس:وخا اجي معيا اكيد ايلا شافك ايقبل
انا:وقول ايلا شافني ايهرس ليا رجلي مشا اليكس لعندوا ..
كنت خدام معصب خصوص هدي يومين وانا كنقلب على خالد مي غبر ..بقيت خدام كنغوت على لجا قدامي حيت بنضري هاكَّا انقدر ننسا شيماء ...مي كل ساعة كنهز تلفون كنتسنا غير تصوني تعتذر مي والوا اقدر كاع ممسوقا ليا غير انا لهبيل ...شوية بدا تلفوني كيصوني هزيت من الفرحة مي خاب الظن ملي لقيت ختي ...
جود؛(بغضب)الو
جودي :جود خويا توحشناك ماما وجدات العشاء اليوم وقالت ليك اجي راها توحشناك
جود؛وخا
قطعت على ختي وكملت وجمعت ...جيت لدار قلت ندوز الوقت مع الدار على امل عقلي اتوقف شوية من التفكير بشيماء ....بديت كنقرب من الفيلا كنلمح اضواء كتيرة فجميع الاماكن شكيت نزلت وانا داخل كنشوف الصمت كيعم المكان شوية تشعلو الاضواء كانت الحديقة ديال الفيلا مصاوبة بشكل زوين ...مي تعصبت حيت انا هاد الحفلات كنعتبرهم ديال الدراري الصغار والناس كيصفقوا عليا بحال شي ولد عندوا 4 سنين ايخ حسيت بالاحراج ...كانوا مجموعة من الناس الجميع من العائلة وكذالك رجال الشرطة ديالي والزوجات ديالهم ...الاب ديالي والام كان خايفين نقلب ديك الحفلة على الناس حيت فايت ليا درتها ..مي هاد المرة حاولت نسيطر على اعصابي بقيت ندوز عيني على الناس وانا عاقد حجباني بكون الناس كثيرة فعيني مركزة على واحد الحاجة انني نلمح حبيبتي واش كاينة ...واخير شفت اليكس وكان ملاكي حداه واقفة قربت شوية حيت كانت واحد المراة مدرگاني ...شفتها كانت لابسة واحد الكسوة مزيرة فيها ومن الفوق ضهرها كيبان ...ونص فخادها وكمارتها عامرة مكياج واش نمشي نجرها من شعرها واش نمشي نقطع عليها الكسوة واش نهزها نخبيها قجيبي نقول ليهم هادي ديالي متشوفوش فيها ولا اشنو ...شفت حتى عييت وانا نخرج كنت ناوي نخرج نمشي بدون اي مشاكيل حتى كنسمع اليكس جا كيعيط عليا وانا ندور ليه وقف .....
اليكس:(كيلقي التحية )حضرت العميد عفاك وقف عارف راسي غالط مي نتا مكتخليناش نحتافلو بيك عفاك هدا المرة متمشيش كيف كل مرة وتخلينا وبالمناسبة انا وشيماء درنا الحفلة شيماء شحال كانت فرحانة وهيا كتصاوبها ليك واكيد منكرش بلي انا لي قلت ليها على عيد ميلادك عفاك ..ومشفتيش شيماء شحالل طلعات .. جود؛(مزال مكملها وانا نشدو من الكوستيم وشنقت عليه عطيتو ضرب لوجه )هادي حيت رديتيني كيف الدري صغير وحطيتيني فموقف محرج مع انني علمتك وقلت ليك مكنحملش دوك الحفلات . ...
(وعطيتو ضربة لوجه تانية )هادي حيت جايب شيماء وهيا لابسة ديك الكسوة لي كاع رجليها كيبانوا وكاع ظهرها وجاي كتقول جات زوينة بزعطا عارفها زوينة مي كنتي تمنعها تلبس شي حاجة مفضوحة...
🌸
وتمسح داك الفم وانا ليمبغاش اتفهم ليا واش كةديرها بلعني وعارفني الغيرة كتاكل فيا من الداخل ....
خليت اليكس كيقاد حوايجو وشاد وجهو وانا نركب فسيارتي بغيت نمشي
اليكس:ايوا هيا طلعات زوينة اذن كاع الرجال فالحفلة ايبغيو اتعرفو عليها كاين لسلم عليها بليد وكاين بالوجه ونتا اتمشي وتخليها
جود؛(بقيت كنشوف فاليكس مدة وانا نزل من سيارتي )عرفتي اشنو عندك الحق ايوا الالة شيماء بغيتي غير الضد انا موجود ...
دخلت لدار وانا كندير ابتسامة مزيفة الوليدة ديالي حالة فمها حيت استغربات كيفاش قبلت الحفلة دخلت لدار كان كوستيم فوق نموسيتي لبستو كوستيم باللون الاسود بقاميجة بيضة وربطة العنق فالاسوا لبستو وصاوبت شعري ولحيتي ودرت عطر ديالي وساعة وصباط ونازل بكل ثقة بالنفس وانا فنفس الوقت عيني على محبوبتي حالف حتى نتاقم ....
كنت واقفة كانشوف فليكوبل حتى كايبان ليا المغوبش ديالي جاي لحفل بكامل اناقتوا وسيم لدرجة كاع البنات لي فالحفلة بقاو اشوفوا فيه ...كان لابس كوستيم فالكحل لي جاه احمق مع ضحكة جانبية لي عطاتوا اكتر وسامة ...مشا عند الام ديالو عنقها وشوية مشا هز واحد المشروب وهادشي كامل وماعمرو فكر اطلع فيا لعين يا اسيدي وخا ...انا اصلان لي حمارة حيت معتابراك وجاية كنشوف فيك دورت وجهي وعيني شوية جات عندي ريتا لي كانت جميلة جدا لابسة فستان احمر قصير وشعرها دارت لو بوكلي ..مع مكياج غامق ..
ريتا:شيماء مساء الخير
انا:مساء النور
ريتا:جيتي تتحمقي ومخبيا هنا
انا:لا غير ماكنعرف حد وحتى اللغة الروسية مكنعرفش ليها
ريتا:وخا اجي معيا
شديت ليها يديها وبدينا كندورو فالجردة مرة تعرفني على خالت جود عمتوا بنت عمتو ....وكاع عائلتوا متكبرين تفو مرضوني مغاربة وماراضينش اهضروا باللهجة المغربية مجتمع متصنع . . بقيت مع ريتا واقفين امام طاولة كنلمح الناس انا جود فكان ايسكت ليه القلب من الضحك مع البنات والرجال ...وانا كنتفقص من الغيرة وهو كاع مامسوق ..هللي تجي تسلم عليه بالوجه هللي تعنقو هللي تصور معه ..ممثل عالمي هو..الله امسخكم تفو بقيت نتغد غير بوحدي واليكس غير شاف صاحبوا مابقا جا عندي تستاهلي اشيماء اش جابك ...اش داك تصاوبي شي حفلة ولا حتى تهضري كون غير ديتها فخدمتي ولا نوجد حفلة لهذا وجه الحبس ...جابو لينا انواع كثيرة من الحلويات دقت وحدة معجبنيش الله ابارك فالحلويات المغربية .....جاني الملل مع ديك الموسيقة الهادئة .....
انا:ريتا سيري قولي ليهم ابدلو علينا هدا الموسيقة ايديروا لينا شي حاجة دييال الشطيح
ريتا:اوكي
.
مشات ريتا ودقايق قليلة حتى دارو لينا اغنية جميلة وكلشي كيجر حبيبتو للوسط ارقصوا بان ليا اليكس كيشوف فخت جود وانا نمشي لعندوا كان جود معاه جريت اليكس بعدتو عليه
انا:سير قول ليها ترقص معاك
اليكس:واش حماقيتي اترفضني
انا:جرب وبلا من ديك الدرما
اليكس:وخا والا
انا:والا ضرب راسك مع الحيط ...سير رقص مع البنت ونتا كي شي بنت حشومية ايخ
مشاء عندها وطلب منها ترقص معه وافقات كان باغي ايطير بالفرحة بقيت ساهية فيهم شوية شفت فجود لقيتوا كيشوف فيا غير شافني قلبها تخنزيرة ...وانا نمشي كنتعوج هزيت كاس ديال العصير وحاطه فيدي كنشرب فيه شوية كنلمح جود جاي جيهتي كنت فرحانة حيت واخيرا ايتنزل على الغرور ديالو ....
جود؛واش ممكن ترقصي معايا
انا:لا مابغاش سير عند....
مزال حتى ماكملت كلامي حتى كنلمحو شاد فيد واحد البنت موريا وكيبتسم ..
جود؛لا انسة ماشي معاك ....
كنت باغي نرجعها ليها وهيا كدور ليا فديك الحفلة وكتعوج ولابسة داكشي كاع رجليها كيبانوا ...وانا كنضحك بغضب وانا فالداخل بركان ديال الغيرة على وشك الانفجار ..شفت حتى عييت ولقيت بنت خالتي مور شيماء وهيا طيح فبالي ديك الفكرة ...مشيت لعندها قلت ليها ترقصي معيا فعلان انا كنت موجه الحوار لشيماء كنت كنتسنا تقول اه وهيا ترفض وانا نقلبها لبنت خالتي ...مي شيماء ولات حمراء وحسيت بالدموع حابساهم غير بزز انا تما تزيرت ندمت حيت قلت ليها هكاك منبغيهاش تبكي حيت الا شفت دموعها انهار
جود؛لا انسة ماشي معاك
شيماء:(حانية راسها)اه كانت كنضن معايا سمح ليا
مشات شيماء دخلات للدار طلقت من يد بنت خالتي ومشيت بالجرى تابعها كانت مشات للحمام بقيت واقف كنتسنها حتى خرجات شافتني وابتسمات وهيا تبغي تخرج وانا نشدها من يديها ...
جود؛شيماء سمعي ...
انا:(اتنترات ايدي )سمح ليا اسي العميد انخرج حيت باقا الحفلة وبغا ندوز وقتي فيها نخليك .....
تمنيت الارض تنشق وندخل فيها اش داني نهضر ونقول ليه انا ياك اجود حمضتيني قدام الناس ورجعتيني اهانة ..نكدب عليكم الا قلت محسيتش بالدموع بل حسيت بالسخونية طالعة معايا مشيت بالجرى للحمام بكيت فيه وخويت فالبكا كاع داك الاحراج غسلت وجهي وقاديت مكياجي وصاوبت عكر ديالي باللون الاحمر وصوبت شعري شفت فالمرايا ودرت ضحكة مستفزة ياك غير اللعب لي بغيتي اسي جود كاملين عارفين نلعبوا ...خرجت وهو يبان ليا اكيد مقصدش انهو اجرحني مي جرحني معطيتوش المجال فاش اهضر معيا خرجت للحفلة وانا غير شيماء كنرقص وناشطةخديت كاس دالماء مثلج شربتو وبردت شوية ديك القمعة ...رجعت بلاصتي حتى بدات موسيقة ديال الرقص والاضواء فكل مكان جاء عندي واحد الشاب طويل...
