🌸
من بعد ما خرج جود مشيت لبيتي ونعست حتى كنسمع الباب كيتحل ندت بالزربة كانت ختي جريتها من يديها وكلستها فالفوتوي
انا:دبا انهضروا
ابتسام:اش كاين
انا:اش داك المنظر دالبارح
ابتسام:سوء تفهم
انا:اشمن سوء تفهم كتفلاي واش رجعتي للدعارة ابتسام
ابتسام:لا
انا:خودي مني وعد نهار نعرف بلي رجعتي للدعارة كنقسم ليك انخرجك من الدار ومن حياتي انا وصيتك
بغيت نوض وهيا
ابتسام:اش بينك وبين جود
انا:داك الامر بالضبط متدخليش فيه حيت مكيهمكش
ابتسام؛اه نتي اصلا عارفة غير انا ابتسام مديرش هدي دير هدي هدي لا هدي اه ونتي مشفتيش راسك ..
انا:انا بزاف عليك انا ربيت راسي براسي وميجيش شي ولد المرة نضيع بيه الوقت بحالك ونخليه ابوس فيا ويقدي حاجتو ويلوح ليك الفلوس عند بالك مراداش لبال للباسك لا راكي غالطة غير كندير عين شافت عين ماشافت مي الصبر شحال ماكان طويل كيجي نهار كيتقادة وانا انقول ليك يإما اتجمعي راسك هنا وعندي ولا اتجمعي فالشارع ...
دخلت لبيتي معصبة مشيت دخلت للدوش نشفت شعري ماكياج خفيف لبست سروال زرق كويرة فالغوز صبادرية فالغوز البارد نفس اللون دالكويرة تكية فالزرق شعري طلقتو وصاك طويل صغير فالغوز نضارات شمسية . وخرجت عاطية رجلي للريح اصلان الجو بارد وزوين بقيت كنتمشى ...حتى كنسمع تلفوني كيصوني هزيتوا
انا:الو
اليكس:شيماء
انا:نعام
اليكس:لاباس عليك بيخير
انا:حمد الله
اليكس:فين كاينة
انا:غير كنتمشى ونتا
اليكس:(تنهد)ايو معندي منخبي عليك العميد تزاد عليه الحال بزاف محيراتو للسخانة مسكين
انا:(طاح فيا النص)فين كاينين دبا نتوما
اليكس :فيلا عائلة امير لي كتوجد فالمنطقة د بريسنيا قولي لمول الطاكسي ايوصلك
انا:(بلعت ريقي)نتوما فدار عائلة جود
اليكس:اه تماك
ان:صافي انا مجاياش
اليكس:اه لا غير اجي منها تعرفي عليهم اجي
انا:وخا
شديت طاكسي وانا الطريق كامل قلبي كيضرب مناش خايفة معرفاش ...واخير حطاتني الطاكسي امام فيلا عائلة امير كانت بوابة كبيرة فالكحل فالفوق منحوت واحد الاسم بالروسية اكيد اسم العائلة بقيت واقفة حدى الباب كنشوف فيه كنحاول نحلوا والو حنيت هزيت تلفوني علمت اليكس بلي انا حدى الباب بقيت كنتسنى حتى كنلمح الباب كيتحل كان اليكس شفت فيه وابتسمت دخلت كتبان ليا جردة كبيرة شبيهة بغابة متنوعة بجميع الورود فشالة الالوان ونافورة فوسطها جميلة جدا دورت وجهي لجيهة اليمنية كيبان ليا مسبح كبير وحداه مجموعة من الكراسة وطبلة بحال داكشي دالبحر بقيت كنتمشى وانا تابعة اليكس كل ما كنتمشى كيبان ليا شي كيلمع كان باب الفيلا لي كان فلون الذهبي منحوت باشكال جميلة زخرفية تحل الباب اوتوماتيك..
دخلت لفيلا كانت جدا رائعة مع الباب مقابل دور كبير فاللون الذهبي كانت الدار غاية فالروعة الزليج كان كيلمع والثريات كذالك كنطلع راسي كيبان ليا الفوق منحوت مجموعة من الطالونات كان الصمت كيعم المكان بقيت كنتمشى وانا طالعة مع الدروج كتبان ليا الفوق اروع مجموعة من الغرف بقيت كنتمشي واخيرا وقف اليكس امام باب غرفة حل الباب ودخلنا كانت غرفة شبيهة بالشقة كبيرة على الشقة فاش حنا سكنين الله اكبر واخير وصانا للسرير فاش كان ناعس جود هاز مجلة كيشوف فيها والفوق عريان ولابس شورط كحل غير شافني بغا ينوض كون ما اليكس منعو انا حالة فمي فالغرفة لكانت فاللون الازرق البارد سرير كبير بافرشة فالابيض شي حاجة كتفتح النفس شوية كنلمح اليكس باغي اخرج وانا نتبعوا
جود:فين غادة
انا:نتبع اليكس
اليكس:(كيضحك)لا خليك هنا انمشي نجيب ليك ماتشربي
انا:مبغيت والو
اليكس:وخا انمشي للحمام ممكن
انا:(مركت )اه ويلي مشاء الكيس وانا واقفة بلاصتي
جود:شيماء عطيني هادالكاس
مشيت كنجري عطيت ليه الكاس وهو يجرني من يدي لعندوا
انا:طلق مني
جود:اشنو علاش كتهربي مني اشنو انا وليت بوعو ولا شنو
انا؛جود كتقصحني فيدي
جود:لا جاوبيني
انا:اشنو اه نتا فعلان بوعو وكيأكد هادشي هاد الشدة لشادني دبا
جود:لمهيم انا جبتك لهنا بغيت نقول ليك واحد الحاجة مي الا قلتي ليا نتي العكس انعض فيك انكلك لا انقتلك ....
انا:(مزير عليا بيديه حتى كنحس بجوج دمعات نازلين من وجهي)حشومة عليك كتقصحني
جود:(ساد عينيه وزاد قرب لعندي وجهي حتى نيفي لسق مع نيفوا )شيماء غير نتي ومعمري من غيرك.. كنبغيك
غير قال ديك الكلمة وهو يحط شفايفو على شفايفي انا خرجت عيني والدموع كينزلوا من الالم ديدي ...
شوية تحل الباب كانت بنت طويلة رقيقة بزاف سمراء عينها زروق وفمها صغير شعرها قهوي ولابسة سروال لاصق فالكحل وتشورت فالقهوي وصباط عالي حيت يقدر قصيرة شافتني وبدات طلع وتهبط وغمزات لخوها حطات ليه كاس د العصير وبقات تهضر معاه بالروسية انا مفهمت والو شوية تلفت ليا ومعرفت اش قالت لخوها ...وجود شاف فيا وابتسم ..شوية جات مقابلة معيا مدات ليا ايديها وسلمت عليها وخرجات ...
جود:هديك ختي جودي ممثلة
انا:اه بصاح زوينة بزاف
جود:انا فجمالك مشفتش
انا:هبيل يلاه نخليك تعطلت
جود؛(تغوبش ودار للجهة الاخرة)صافي غير سيري
انا:(مشيت لعندو وكلست حداه)اشنو مالنا دبا على هاد تغوبيشة وهدا النفخة
جود؛ياك كلتي اتمشي سيري
انا:ايو اشنو ياك مبغيتني نبات ليك هنا
جود:(شادني فيدي )عفاك اشيماء
انا:لا مستحيل
جود:عفاك راه العميد كيطلبك
انا:وانا مالي الى كنتي العميد
جود؛(جرني من يدي وتكاني حده )وخا انخليك تمشي مي بشرط
انا:لا حتى واحد خليني
جود؛(مدخل وجهوا فعنقي ومزير عليا بيده)الاول انخليك تمشي مي فالصباح نبغي نحل عيني على وجهك على عويناتك عليك والى مالقيتكش اتلقايني حدا الباب ... انا:واش نتا مريض
جود؛كنحلف ليك من نهار عرفتك وليت هكا فهدا الحالة
انا:صافي وخا يلاه خليني نمشي ....
#$$
كنتعتبر اسعد راجل فالدنيا حبيبتي ولات ديالي اف اه ديالي عرفتها حتى هيا بحالي وبلي كتحمل ليا نفس المشاعر دالحب ..الله باغي نبوسها حتى كدخل ختي كي العجاج بقات تشوف فشيماء
جودي:خويا كاس دالعصير
جود:شكرا
جودي:شكون هدي كنعرف مكتجيب حتى شي بنت لدار
جود:هديك شيماء حبيبتي
جودي:اممم مبيهاش
جود؛(ضربتها)اشمن مبيهاش شوفي هادي كاملة ومبيهاش مغيارة قولي حسن منك واعترفي ايوا الالة هاد البنت خلات خوك العميد جود امير بلا عقل
جودي:الله الله شكون كان كيقول الحب مجرد تفاهة وبلا بلا
شوية بدا تلفون جودي كيصوني ومشات سلمات على شيماء اكيد عرفت شيماء مفهمات والو ...اشنو قالت ليك اتمشي اف مزال مكلسات معايا حتى ساعة وبغا تمشي تعصبت جات تردني وانا نجرها لعندي شرطت عليها وافقات . قابلتها مع وجهي وطبعت قبلة فحنكها حيت مبغيتش نزرب عليها او حساب ليها باغي منها شي حاجة لذالك كتفيت بقبلة على خدها ويديها وناضت بغات تمشي ...
جود:شيماء
انا:شنو
جود:كنبغيك
انا:بزعتا
جود؛شيماااء
انا:(كنضحك)كنموت فيك انا عصبي ديالي ...
رجعت للدار كنت فرحانة اه باغا نطير بالفرحة كاع داكشي ديال المقامات مبقاش هامني شديت الطاكسي ورجعت للدار دخلت للدوش كنصفر ونغني الله شحال الجو زوين اوا غير انا لي زوين عندي مشيت للشرجم وتقابلت معاه سديت عيني وكنفكر فجود....
