🌸
من بعد ماخرجوني خبار عن خالد وبلي رجع لموسكو ....وكنت عارف فين كتواجد ابتسام الشيء لي خلاني نسول شيماء قصد كنت باغي نعرف واش عارفة بلي ختها كاينة عند خالد هيا وياه فعلاقة مي كتشفت بلي شيماء معارفاش طاح فيا الشك قلت اشنو ابديخلي الاخت تمشي عند مجرم بحال خالد اكتشفت او بل تصدمت ملي عرفت بلي ابتسام بنت هوى وكتمارس الخدمة ديالها حتى فموسكو وشيماء ماعىا بالها بوالو وعرفت بلي كتناول المخدرات .....مي حاولت نخبي هاد الامر حتى نلقا راس الخيط حيت منقدرش نقول شي حاجة من غير دليل هدا شرط من تدريبات الشرطة ....مي انا كنقول صعيبة تشوف الانسانة ادلي كتحماق عليها كتنهار قدامك وماقدرش تدير والو ....كنت مسافر واتناء مغادرتي لاسبانيا جاتني اخبار على خالد وبلي كيخطط لشي حاجة صيفت واحد من رجالي يلعب دور المتشرد ويبقا فخالد ويخدم معاه وفعلا كنت فاسبانيا كنتواصل مع رجالي من المغرب وفموسكو ....قالوا ليا بلي الاب دشيماء مختفي كيما قالت ليهم مراتوا ....حاولت نلصق الاحدات حتى كنتوصل البارح برسالة من عند واحد من رجال كيقول بلي شيماء كتواجد فدار خالد شددت الحراسة وقلت ليهم احطو كاميرة فدار خالد وفعلا حطوها وصيتهم الا حط عليها ايده يهرسوها لوا ....مي مدارش هكاك حيت حبيبتي منعاتو كنت كنتحرق من الداخل كنت كنشوف شيماء كتبكي وانا كنبكي كنغوط سمعت كلامها وعرفت بلي قالت لا عرفت بلي شدها خالد من اليد لكتوجع عدرا حبيبتي فكرت فجميع الحلول وحرت مالقيت حتى خطة بقيت نفكر كيفاش انقدر نقضي على خالد ....منقدرش نشدو حيت الدليل معنديش اف حرت فالاول عيطت على اليكس ليعطاني شحال من خطة ديال انني نقتلوا ...مي قررت ندير المعاملة بالمثل..عارف بلي هاد الخطة اندفعوا ثمنها انا وشيماء اه حيت انتجرحوا بجوج انتفارقوا الكلمة لمكنتش باغي نسمعها من شيماء هاانا الان كنقولها..شديت اول طائرة والطريق كامل انا مقابل مع المرايا هازها كندير الحوار لنقول لشيماء صعيبة نقول ديك نتفارقوا ...وانا كندير الحوار تلقيت مكالمة من عند بنت عمي ريتاج عايشة ففرنسا جات زيارة لموسكو وانا وياها اصدقاء من الطفولة هيا انيقة وزوينة وضريفة غير شفتها وطاحت فبالي فكرة انها تمتل دور خطيبتي وريتها صورة لشيماء وانبهرات بجمالها اكيد فمحبوبتي هديك ...مشيت لعندها وحيت انا ويها مخبئ الاسرار عاودت ليها كلشي وقال ليا بلي كنلعب بالنار وفعلا لعبات معها البروفا وطبقاتها ومشيت لعند شيماء الله شحال مواحش حبيبتي شفت دخت تنسا عليا كاع اش كنت باغي نقول للحضة باغي نتنازل ونمشي نجري نعنقها ونبوسها مي ريتاج منعاتني وحاولت نتغلب على مشاعري كنت نغوط عليها حتى سخفات..
غير شفتها وانا نجري هزيتها عنقتها وهيا غايبة مسحت ليها جبهتها وبستها فشفايفها عنقتها وانا كنشوف فيها وكنبكي اه كنبكي الدموع احيان كيخدلونا ...وكدبوا الا قالوا ليك بلي الدموع اهانة للرجولة حيت انا انسان واي انسان ملي كضيق بيه الدنيا كيلجئ للدموع وانا نفس الشيء .... نعم انا لا استطيع اخراجه من تفكيري بأي شكل كان ماذا افعل -؟؟؟؟ومهما قالوا ومهما حاولوا ان ابقي نفسي بعيدة عنه فهو اول من يخطر على بالي عندما استيقظ صباحا ......
حليت عيني على الاشعة لي داخلة من الشرجم دبيتي كنحس بعيني تقال عليا اكيد من كترة البكاء عظامي كذالك كلي كنتوجع خارجيا وداخليا وقفت وانا كي الوردة الدابلة لي عام مشافت الماء ....مشيت عند المرايا شفت وجهي حالتي لكانت حالة يرثى لها ...ماشي هدي شيماء لي وخا يوقع ليوقع مكتهزمش خرجني با من الدار وماحولتش ننهزم ماتت ماما وحاولت فكل مرة كيوقع ليا مشكيل نكون قوية ونبان فصورة احسن ...مي دبا شنو وقع شعري وجهي حوجي ديرا كي المتشردين سديت عيني كتردد كلمات جود فودني 《من شحال هدي باغي نتفارق معاك مي بصراحة كنشفق عليك من دبا عتبري علاقتنا سالات ...》
طاحت دمعة حارة على خدي مسحتها ماخليتهاش تهبط درت شهيق زفير ....ودخلت للحمام دوشت وخرجت نشفت شعري ولبست حوايجي درت ماكياج نخبي اثار الدموع وقبل مانخرج مشيت تقابلت مع المرايا كنعطي وعود لراسي ...بلي نبدا صفحة جديدة خالية من شي حاجة سميتها الحب والتخربيق ديالوا ماشي انا لكنبقى مخشية فالكاشة ونبكي ماشي انا ...خرجت ومشيت لخدمتي خدمت حتى لديك 8 خرجت لقيت خالد حدا بابا سوبير مارشي
خالد؛شيماء مساء الخير
انا:اش جاي دير هنا نتا
خالد؛عفاك اشيماء خرجي معيا نتعشاو
انا:مابغاش
خالد؛(شدني من يدي )اتمشي بزز منك وكنوصيك متحوليش ترفضي طلبي .....
قبلت وركبت معاه والطريق كاملة وانا قالبة وجهي حتى وصانا لمطعم كبير وفخم دخلنا وشدينا طاولة ومليت وانا مخنزرة كلس خالد كيشوف فيا وانا هازة لائحة الاطعمة ومركزة مع الاثمنة شوية ....
خالد؛علاش مبغيتنيش اشيماء
انا:(كنشوف فالائحة)معرفتش
خالد؛كيفاش واش كون مظهرش العميد فحياتك كون بغيتيني
انا:(هزيت الائحة خبيتها مع الطابلة)شكون العميد انا مكنعرف حتى شي عميد هنا علاش كتهدر
خالد:(باستغراب)جود
انا:شكون جود انا مكنبغي لا جود لا غيروا
خالد:(مبتسم)بصاح كنت عارفها والله الا عرفتها قلت ليك اتبغيني قلتها ليك
انا:قلت مكنبغي لا جود لا غيروا وخا مقلتش نتا
خالد؛(شادني من يدي وانا نترها )كنبغيك اشيماء
انا:بلا بلا بلا كلام تاع المسلسات التركية واش اتجيب لينا مناكلوا ولا انبقاوا هنا فبلا بلا ...
خالد:دبا ختاري ....
ختاريت وهما حاطين لينا العشاء كنتظاهر بالبنت القوية والشجاعة مكانتش عندي الشهية للماكلة مي فورا ماتحولات الشهية من بعد ماكنشوف جود داخل وشاد فيد البنت مولات الشعر القهوي وداز حدانا ومشا كلس فالطابلة مقابل معايا حسيت بالدموع مبقيتش قادة نحبسهم وانا نزل راسي وبديت ندخل لفمي كناكل ونبكي والدموع تخالطوا ليا مع ديك الماكلة كنبغي نمسح دموعي كنخاف نبين كل ما كنحاول نخبي دموعي كنزيد نبكي وندخل لفمي لقمات كبار حتى وحلات ليا وبديت
انا:كح كح كح
خالد؛كيضرب ليا على ضهري )شيماء دبا بيخير
انا:شكرا
عطاني كلنيكس مسحت فمي وستأدنت مشيت للحمام صاوبت حويجي ومكياجي لمت راسي علاش بكيتي اشيماء قداموا علاش وهو كاع مامسوق ليك علاش .....بغيت نخرج حتى كنتساطح مع نفس البنت لي كانت مع جود بقيت كنشوف فيها معرفتش علاش مي بحال الا كنشوف بديلاتي وهيا شافت فيا مزيان وابتسمت ليا ودخلات للحمام خرجت مالقيتش جود فالمطعم مي لقيت خالد
انا:فيا النعاس ممكن نمشيوا
خالد؛وخا
خرجنا انا وخالد كان جود كيغوط فالتلفون باينة فيه معصب لدرجة كبيرة اغوط ايضرب بيده ورجليه ....شاف فينا وتهدن كليا انا خنزرت وحيدت عيني شوية جات ديك البنت مشات عنقاتو من اللور وانا غير كنشوف فالحب بين عيني تعصبت وانا نغوط على خالد قلت ليه
انا:يلاه فيا النعاس ...
وصلني خالد للدار شكرتوا وطلعت للشقة ديالي كنت منهارة ومحطمة وفنفس الوقت خاب ظني فلي كنت كنظن شي حاجة طلع والوا ....
دخلت اول حاجة درتها هزيت كاع الرسائل ديالوا محيتهم من تلفوني وكدالك مزقت اي رسالة منو حرقت جميع ااتصاور لي عندي مسحت نمرتوا فتلفوني .....صافي انساه انحاول ننساه وانا كنجمع كنحرق ونقطع اي ذكرى ديالوا من عندي ظنا مني سانساه وابتعد عن هواه ......
مي دقايق قليلة حتى قطع خلوتي وبنات افكاري طنين هاتفي معلنا عن وصول رسالة ....هزيتوا ولمحت نفس الرقم لي معمري ننساه وخا نمحيه ....شعاع قوي انار غرفتي ....جدران بيتي ومساحات قلبي التي باتت مظلمة من الحسرة والشوق ...شحال كنت ساذجة فاش قلت صافي هو كيبغيني ....مي كيفاش انقدر كيفاش انحاول ننساه وحبه يجري كالدم في الوريد طيف يلحقني صباح وعشية وصورته عالقة لاتفارق مخيلتي ....ادق التفاصيل تسكن ذاكرتي ...جسدي وروحي طول الزمان ....حليت الرسالة كانت رائحة الشوق والحنين ..العشق والتعب تفوح من كلماته ....كل ما اقرا حرفا ترقص حروفه في حديقة مشاعري ...قلبي يرقص وروحي تتنغم على ايقاع نغماته .....مسحت غبار الايام ...الوحدة المرارة والانتضار عينيا واكملت قراءة الرسالة .....اوقفني سؤال اخرجني من حالة الهذيان ....اشنو باغي مني جاي كيقول ليا 《شيماء اش خبارك 》اشنو واش الشوق او الحنين ام التعب ام برودة الايام لي رجعوا لا...هو غير مالاقيش مع من كنت كنتاظر رسالة اخرى غير هدي اجود غير هدي اهئ قسيتي بزاف اجود على قلبي المشتاق والمتعب من الفراق .....دموعي لبكيتها من نهار جيتي ....
بكبرياء ..بكرامة ...غضب وسخط انثى احبت ..اعطت ..واخلصت ضغطت على زر #الالغاء ....اه مسحت رسالتوا
ماغاديش نضعف ونستسلم وماغديش نسمح لقلبي ...ولمشاعري ولا حتى احاسيسي يرغموني انني نعاود نفس الغلطة ديال العودة الى طريق هواه ...... #$$$
اليكس :جود براكة عفاك
جود؛بعدوا مني
ريتاج:جود راك كترتي شربتي كتر من 3 ديال القراعي سكرتي بزاف ..اليكس جيب ليه قهوة ايفيق شوية
جود؛مبغيتهاش مبغيتهاش انمشي
اليكس:لفين
جود؛محبوبتي عند محبوبتي انا كنتخنق اه منقدرش نتنفس وهيا بعيدا عليا فهموني
ريتاج؛جود نتا تسرعتي ملي سيفطي ليها رسالة ...نتا بتصرفك كتنهي جميع المخططات ديالنا كيفاش اتقدر تلقي القبض على خالد
جود؛(بالغوط)بعدوا مني مبقيت باغي تاحاجة لا سلطة لا مجرم تاحاجة غير شيماء باغي شيماء
اليكس:حضرت العميد براكة من الشراب راك اتخرج على صحتك
جود:بعد مني خليني نطفي العافية شاعلة فالداخل فقلبي
ريتاج؛اليكس اشنو انديروا
اليكس:والله ماعرفت هانتي كتشوفي العميد غير مازايد فيه كيشرب ويغوط بسميتها لشيماء كنخاف يمشي يغلط ويلغي الخطة
ريتاج؛(مبتسمة)كنت كنضن بل الحب مكاينش مي اكتشفت بلي انا غالطة حب جود لشيماء كيحمق سعادتها
اليكس:مكانش هكا اشنو سبب شفتوها
ريتاج:اه شفناها او تبعناها النهار وماطال وهو مراقبها شوية صونا عليا قال ليا نجي للمطعم ومشيت دخلت وشفت شيماء عرفت بلي جا غير اشوفها ....هي شافت جود وبدات تاكل شوية وحلات ليها وناض هداك لي معها اه خالد كيضرب ليها على ضهرها تما تعصب جود مبغاش انهوا احط ايده عليها ....شديتوا فيديه غير بزز بغا يمشي انوض ليه مي منعتوا .....حتى صيفطني قال ليا نمشي نشوف كيف بقات مشيت لحمام تبعتها لقيتها الله خرجات خنزرات فيا كانوا عينيها حمرين وباينة الغيرة من عينها شحال زوينة ديك البنت من حقوا انهوا ايدير عليها هكا ...
اليكس:شوفي غير مازايد كيشرب
ريتاج:باغي انساها بهاكا على بالوا اينسها .....
بقيت هكاك راسي كيدور بيا وانا مقادش نهز رجلي من الارض وايدي كذالك هاز قرعة فيدي كنشرب فيها وكنغوط باسم شيماء ......لقرعة لي شربت كنمشي نشرب التانية والتالثة وجود وريتاج غير مراقبيني ....بقيت فديك الحالة ومعقلتش على راسي كيفاش وامتى نعست ...
