اكتشفت بلي نفسو العميد ولتاني مرة كيهز فوجهي السلاح ضحكت ...وانا كنفكر كون عرفني واش اقدر ايهز على وجهي ....وحتى كيقول ليا راس تاني وعلاش ميهزوش شكون نتي هه تيقتي راسك اشيماء ابتسمت ...ليه وهزيت اللوحة وجريت مهمنيش الامر بل جريت كنسمع صوت العميد كيحدرني حتى كنحس بشي حاجة داخلة فيا معا ذلك بغيت نجري مي سخفت وغبت ملي سديت عيني كانت صورة العميد لكاينة فبلاي معرفتش علاش
.......
انيس:حضرات العميد هدي بنت
جود:(تصدمت درت السلاح مور ضهري وجريت فاتجاهم كنجري كان قلبي كيخبرني بشي حاجة مي كنتفادى ديك الامور....مشيت لقيت تماما بنت كان شعرها مغطي كامل وجها هزيت راسها حطيتو فوق رجلي حيت شعر على وجها وحيت اللحية لكانت دايرة واذا بي كنتصدم هذي شيماء لا ميمكنش اذا كاع شكوكي كانت فمحلها لا ميمكنش لا ......هزيتها بين ضراعي وانا كي المجنون احساس اول مرة نحس بيه مع شي بنت هزها وانا كنغوط على لي لقيت قدامي ...بحال شي حد ضاع ليه ولدو او طرف منو ...ركبتها فسيارتي وانا نكسيري بسرعة فائقة واخير وصلنا للمستشفى دخلوها فالسرير المتحرك كان ايدي عامرة بدمها دخلوها نيشان لغرفة العمليات ...بقيت ندوز من هنا لهنا تفكرت ختها ...دوزت ليها تلفون وفورا جات كتجري معودت لها على والو من غير انها حادثة ....بقات تبكي وتلصق فيا وانا كندفعها ....واخيرا خرج الطبيب
ابتسام:كيف بقات ختي
الطبيب:اه المريضة حمد الله قدرنا نحيدوا الرصاصة من جسمها الرصاصة دخلت لكتف ديالها الحمد لله مجاتش فالقلب
جود :الرصاصة متسبباتش ليها فالاضرار
الطبيب:لا كلشي طبيعي خاصها ترتاح
ابتسام؛ممكن نشوفها
الطبيب:اكيد مي مطولوش
جود:شكرا دكتور
الطبيب:على سلامتها
واخير اندخل عندها كان قلبي باغي ايطير رغم انها مجرمة وخاصني ندخلها لحبس بتهمة السرقة ...سرعان منسيت كاع داكشي وتاجهت لعندها داخل ممسوقش ..دخلنا لغرفة ديالها كانت هي ناعسة على ضهرها لابسة ملابس المستشفى دايرة سيروم والاجهزة فوق راسها مشات ختها عنقتها وكتبكي عليها الله بغيت نمشي لعندها حتى كدخل ممريضة
هيا:شكون فيكم ايعمر الورق
جود:انا ابتسام خليك معاها
خرجت متاجه فين انخلص الفاتورة حتى كتجيب ليا الممرضة ملابسها قلبتهم اه حيت ثقتي فيها ضاعت ولي زاد صدمني البطاقة الوطنية المزورة بسم سعيد تعصبت ....عمرت الورق وانا نمشي لعندها لقيتها فاقت وكتهضر مع ختها كان باينة فيها المرض تحت عينها كحل وفمها كحل ...دخلت شافتني وتبدل فيها اللون....
بديت نحل عيني كنلقا ختي معنقاني
انا:(بصوت منخافض)فين انا
ابتسام:(كتبكي)ختي كون وقعات ليك شي حاجة انا كيفاش انعيش
اننا:(مبتسمة)حبيبتي متخافيش عليا
ابتسام:كون
ابتسام:كون ما جود لجاءد وجابك كون ...
انا:(قاطعتها)شكون جابني
مزال حتى مكملت كلامي حتى كيدخل جود كانوا عينه حمرين ونبرة الغضب باينة فيه بلعت ريقي
انا:جود
جود:على سلامتك
انا:(كنشوف فيه)الله اسلمك
جود:ابتسام اتمشي لدار اتجيبي لختك ماتلبس حيت غدا انخرجها
ابتسام:غدا بزاف
جود:(بغضب)ابتسام ديري كيف قلت
خرجت ابتسام من بعد ما باستني فجبهتي وخلاتني مع الوحش اه حيت فعلا كيبان كيف الوحش بدا كيقرب وجا كلس حدايا وقرب وجهو جيهت وجهي
جود:شحال من شخصية عندك
انا:اش كتقصد
جود:(بالغوات)ماتحوليش تعصبيني حيت عصبتيني بما فيه الكفاية الالة شيماء لا سعيد
انا:(كنبكي)اشنو علاش جبتيني لهنا علاش مخليتينش نموت تماك
جود:(بدا كيشوف فيا شحال )متفرحيش غدا اندخلك لحبس انخليك تدوزي شبابك تماك انخليك تعفني فالحباسات
انا:نتعفن فالحباسات لا اكيد كضحك عليا
جود:(كلس على جنب السرير)لا مكنضحكش ....
صديقك من يصارحك بأخطائك لا من يجاملك ليكسب رضاك...اشد الذنوب من استخفاها صاحبه من اعظم صغار المصائب ابتلاه الله .......
جعرت عليها اه حيت صافي وصلاتني لواحد المرحلة مبقيتش عاقل على راسي نغوت عليها وهيا تبكي نغوت ونضرب ايدي مع الحيط هيا كتبكي جميع الالفاظ سمعتهم ليها ....كنت معصب لدرجة كنت بحال شي وحش ملي كيكون مجروح ..اه حيت انا كنت شاك فيها مع هذا كنحاول نخبي شكوكي برائتها ..غرتني بجمالها تمنيت نكرهها تمنيت نحقد عليها مي كل ما كنشوفها كتبكي كنبغي نتفركع ..اشنو دارت فيا هدا البنت لي بالنسبة ليا مجرمة ...
جود:كنواعد انخليك تدوزي ايامك شبابك جمالك حياتك كاملة فالحبس ...نوريك كيفاش تجي بنت مكتسواش تضحك عليا ولاعبة فيها دور البراءة ...
مكنجوبش من غير كنبكي هو كيغوط ويضرب ايده مع السرير فاش ناعسة كان كيخلع ..كيسمعني شي الفاظ كرهت روحي بدوك الالفاظ ...بقيت نبكي باعلى صوت حتى كدخل الممريضة كتجري
هيا:خرج اسيدي ماشفتيش الانسة مريضة كملتي عليها
جود:(رفع صبعو عليا)رجع ليك مزال مكملت ....
الله واكبر مازال ماكملتي وهدشي اش كان ..درت ليا الممرضة مهدئ وخرجت بقيت نشوف فالسقف كنحس بعضامي تقال عليا وعيني لحمروا ومنفوخين بكترت البكاء واخير غفيت وانا دمعة فعيني ....
خرجتي الممريضة ونزلت شريت قرعة دالماء باردة ...تطفيء العافية لي فيا كنت باغي نمشي تفكرت سلاحي لي خليت فالغرفة مشيت طلعت ....دخلت للغرفة لقيتها ناعسة ...هزيت سلاح وتميت خارج وانا نتلفت لقيتها ناعسة كي الملاك جدبتني ليها مشيت لعندها بخطوطات متسرعة وصلت لعندها كانت خدودها عامرين بالدموع...
.مشعرتش براسي الا وانا حاط ايدي على خدودها كنمسح دموعها قربت ليها وحيدت الشعر على وجهها ..وبقيت نرقبها بستها فجبهتها وبقيت كنشوف فيها محسيت براسي الا وغفيت حداها ..... أنا لست بخير
هناك شيء يخنقني من الداخل
ودمع يقف اطراف عيني
حتى قلبي ،اقسم بانه يوجعني
وكتيرا ما نمت من الوجع لا من التعب.... .
خفيت ملي حليت عيني لقيت جود ناعس وداير وضعية الجنين ابتسمت ...وفورا ماتفكرت لي وقع جمعت ضحكتي ...حسيت بيه بدا كيفيق وانا نرجع سديت عيني سمع الباب عرفتو مشا بديت نحل عيني وفعلان كان خارج ..تنهدت شوية دخلات عندي الممريضة ...
هيا:صباح الخير
انا:صباح النور
هيا:كيبقيتي
انا:لا بيخير شكراا
هيا:وجدي راسك اتخرجي واحد الشوية
انا:(مصدومة)لا كيفاش ميمكنش
هيا:اه عرفت مي العميد طلب هكاك
انا:(بلعت ريقي)بصاح واخا صافي
مشات وبقيت شوية حتى دخلات ختي مبتسمة جابت ليا حويجي لبستهم كانو عبارة عن سيرفيطا فالكري...شعري طلقتو ودرت طريبيشة فالكحل وخرجت كان امام السبيطار جود كان داير نظارت شمسية وكاسكيطة وكويرة وسروال زرق ...كان مغوبش او بالاحرى واصلا فيه العضم ....
جود:طلعوا
انا:لا مكاين لاش
جود:(شدني من يدي ومورك عليا )اه راكي ماغادش لدار
ابتسام:وفين
جود:للمركز حيت محتاجها
ابتسام:ياك لاباس
جود:لا ولو غير محتاج ختك وصافي
ابتسام؛نمشي معاكم
جود:(غوط عليها)لا مكاين لاش
انا؛انا عيانة ومازالة مابريت
جود؛مكتهمينيش ....
جرني فيدي بكل قوة وركبني معاه وكسيرا خلا غير العجاجة موراه
انا:عفاك عطيني فرصة اخيرو كنوعدك
والو الصمت مكيجوبنيش وصلنا للمركز وانا بقيت كالسة ..جرني من يدي وانا كنتوجع وخصوص دراعي ضاراني وباقية عيانة ...جرني ومدخلني جا واحد الشاب طويل شهب كيحمق كيهضر بالروسية سميتو اليكس بقيت مبلقا فيه عيني حتى كيجرني جود كلشي كيلقي التحية ليه مدخلني لواحد الغرفة فيها طاولة وجوج كراسة وكلها زاج ومضلمة فيها بولة واحدة فالوسط شعلها وكلسني فالكرسي .....حتى كدق واحد البنت شهبة ..
