حيت حليت عيني لقيت راسي فبيتي وراسي باغي ينفجر وحالتي حالة حوايجي مشيت وانا شاد راسي هزيت كينة دالراس شربتها ....ودخلت للحمام دوشت وخرجت لبست حوايجي ونزلت ركبت فسيارتي متاجه للمركز ....
#$$$
فقت على صوت الباب كان كيدق مشيت حليت الباب لقيت خالد مبتسم كيف العادة ...
خالد:صباح الخير حياتي
انا؛صباح النور اش كاين لاش جاي على الصباح
خالد؛راها 8 هادي
انا؛اويلي تعطلت اليوم اخرجوني
خالد؛تهدني هضرت معاهم قلت ليهم اليوم انمشيوا نختاروا بطاقات الدعوة
انا:اشمن دعوة
خالد؛دعوة حفل زفاف خالد بكر مع شيماء ابوكيل
انا:اه وخا نلبس وهنا معاك
خالد :وخا احياتي
انا:(رجعت لعندو)اخر مرة نسمع منك ديك الكلمة ايخ
خالد؛وخا
دخلت لبيتي غسلت حالتي لبست شورط قصير فالكحل مع تشورت فالبيض مكتوب بالاكحل صبادريا فالكحل ومكياج خفيف شعري درتو كعكة وصاك طويل خرجت وادا بخالد حال فمو فيا ....
انا:نمشيو
خالد؛كتحمقي اشيماء
انا:شكرا
خرجت مع خالد ركبت فسيارتوا ...ومعمري هضرت معاه حتى وصلنا امام محل كبير دخلنا للمحل كان فخم جابوا لينا كتاب كبير فيه ...مجموعة من البطاقات للدعوة بقا خالد كيختار انا غير كنحرك راسي عقلي مكاينش فهاد العالم .....سهيت كنفكر.....كلشي تدمر كأن شي لم يكن يوما ...كيفاش وصلنا لهاكا واش بصاح جود عمروا مابغاني واش اي لحظة عاشها معيا كانت كدوب نوضني صوت خالد وهو كيمد ليا اربع بطاقة دعوة ...
انا:اشنو هدوا
خالد:هدوا كيعطوهم لعروس تعطيهم للناس المقربين وتعرضي عليهم هما الاولين
انا:مي انا ....اه صافي وخا
خالد؛صافي عجبك هدا الشكل
انا:علاش كتهدر
خالد؛على البطاقة
انا:اه زوين ....
ختاريناها وخرجنا متاجهين لمحلات اخرين كيما قال خالد ديال الملابس دخلنا لمحال بقا كيختار وانا غير كنشوف فصمت ختار ملابس جميلة بزاف وخرجنا من المحل ....
خالد؛تمشي معيا تغداو
انا:لا انتغدا فالدار
خالد؛وخا ليبان ليك
وصلني لدار بغيت نزال وهو يشدني فيدي وهو كيبتسم وبدا كيقرب ايبوسني وانا نهز ايدي جمعتها مع وجهو وهو بقا مصدوم .....تصرف لا اردي
انا:عمرك تحلم ولا غير حلم انك تقرب ليا حيت انا فحياتي منكون ليك زوجة دبصاح
نزلت بغضب شديد ودخلت للدار ضربت بدوك الميكات ودوك الدعوات ومشيت لكوزينة هزيت كاس دالماء شربتوا وهيا طيح عيني فوحدة من البطاقات .....طاحت فبالي فكرة وانا نجري هزيتها وخرجت من الدار .... كيف العادة داخل للمركز كلشي تايلقي التحية دخلت للمكتب ديالي وانا نلقا ملف حليتوا ....لقيت بلي كاينة صفقة تهريب الاسلحة وكيخططوا ليها ولكن الوقت والنهار هو لمعرفتش ...
شاك بلي خالد وراء هدشي بل متاكد بقيت ملهي كنقلب فالملفات ...عطيت اذن باش ارقبوا تحركات خالد ايشددوا الحراسة عبر الحدود وفالمطارات وايضا فمحطات الحافلات ...كلشي نتوقع من داك الجبان دخالد كلشي .....عيط على رجال الشرطة ...ودرنا اجتماع كوني انا العميد فانا لغدي نتراسوا ...طبقنا الخطط كل واحد وكيفاش كيفضل اخدم ...كمانا الاجتماع لي كان مطول طلبت قهوة كحلة وجابوها ليا بديت نشربها وانا ملهي مع الحاسوب كنشوف الكاميرات حتى كتدخل عندي شيماء اه شيماء كانت مبتسمة وانا غير شفتها خرجت عيني ...جات وكلسات فالكرسي مقابلة معيا ...
انا:سلام
جود؛سلام
انا:لاباس عليك حضرت العميد
جود؛شيماء اش جاية ديري هنا ....
شوية البنت وقفات وبدات تدور ليا فالمكتب وهيا كتعوج علاش كتقلب دبا هدي واش انا حابسيني وحابس راسي غير بزز عليها وهيا جاية لعندي تهدن اجود متغلطش اي غلطة اي كلمة اتفضح كلشي نزل عينك واف منقدرش هدي راها محبوبتي .....
انا:جود قبل من كلشي نتا صديق ولدالك وكيما كتعرف انا الاصدقاء معنديش بزاف ونتا واليكس وحتى ريتا كنعرض عليكم لعرسي وبيما ان خرجت بطاقة الدعوة نتا اول واحد اتشدها ....
بدات كضحك ضحكة مستفزة وهيا مادة ليا البطاقة ...وفعلا هاد الشيماء غير ديال العصاء باغاني نغار وراه انا ماشي غير كنغار انا كنتحرق ...وقفت ومشيت لعندها وانا راسم ابتسامة بالمثل وهيا تقرب لعندي وبعدات وانا نشدها من يديها ..... شديتها من يديها وقربتها لعندي حتى جات عينيها مقابلة مع عيني وصدرها لاصق مع صدري ....كنشوف فيها بشوق اشتياق ليها هزيت ايدي دخلتها فشعرها وبقيت نشم فريحتها لي كدوبني توحشتها وهيا غير كتشوف فيا وانا كل ما كنشوف فيها كنلقاها كتشوف فيا كندوب ....حطيت ايدي التانية فخصرها وزدت قربتها ليا ...وبديت نقرب ليها وانا مغمض عيني وهيا كذالك بقيت نقرب حتى وصلت لحدا نيفها وانا نوقف كنحس بانفاسها على وجهي وانا نحط شفايفي على شفتيها ...شحال توحشتها بقيت نقبلها بطريقة فيها شوق الحنين ليها هيا ترخات ومادارت حتى ردة فعل ...وانا غايب على العالم ديال الواقع حتى كيتحل الباب وشكون من غير بو راس د اليكس غير سمعت الباب وهيا دفعني ...خنزرت فاليكس لي كان حابس الضحكة غير بزز شيماء ولات حمرا هزات صاكها وخرجات واليكس دخل كيبتسم ....
اليكس:احم احم المكتب ديالك اليوم منور وحتى وجهك اش وقع ...
جود؛اليكس مقدرتش مقدرتش نتحكم فراسي كون ماجيتي ...كون قلتها ليها كون فرشت كلشي ..
اليكس:حضرت العميد مسح فمك راها فيه العكر
جود؛(كنضحك وكنمسح فمي )خرج سير جيب ليا كاس دالعصير
اليكس:اويلي مبقيتيش باغي القهوة ...
جود؛اليكس
اليكس:(كيضحك)ههه صافي هاهوا غادي.......
خرجت من عند جود وانا مزنكة والسخونية طالعة معيا اشنو درت ...علاش مامنعتيهش اشيماء اف انا باينا وجه انشوف فيه ..اكيد ايقول دبا شيماء باقي كتبغيني وميتة فيا ..مشيت للدار وانا كنهضر مع راسي كي البهلة غادة دخلت للدار ومشيت تلاحيت فوق الفوتوي ...كنفكر فالموقف وكنضرب راسي ...مي حتى هو باسني بطريقة جميلة .....اكيد كيبغيني ولكن علاش هدشي ...مفهمتش اف راسي باغي ينفجر وانا كنقول اه كيبغيني لا اه لا ....حتى صونا تلفوني كان خالد ...
انا:الو
خالد:شيماء اجي لهنا
انا:مبغيتش
خالد؛عفاك موجد ليك مفاجاة
انا:شناهيا
خالد؛اجي وتشوفي
مشيت على سعدي ووعدي لبست حوايجي عبارة عن صاية حدها الركبة فالبيض مزيرة ومبرزة لهونش ديالي مع تشورت فالبيض وقاميجة فالحمر شعري طلقتو ودرت ماكياج خفيف ونضارات شمسية وصباط عالي فالبيض .....
خرجت شديت طاكسي متاجهة للدار خالد وصلت ودقيت الباب وهو يحل ليا .....طلعت عيني و وانا نرجع باللور مي خالد شدني من يدي ومدخلني ....كانت الارض كلها ورد حمر وشموعة والدار كاملها تصاوري امتا شدهم معرفتش ...كامل هدشي ماهمنيش قد ماهمني انني كنشوف بابا واقف قدامي والدموع على طرف عينيه بقيت مصدومة وخالد كيجرني من هنا لهنا حتى وصلني عند با قربني لعندو وانا نبعد عليه وانا منزلة راسي الدموع تجمدوا مبقاوش باغين انزلوا والنار كتشعل فيا اه النار لي على بالي طفيتها من نهار جيت لهنا ...اشنو باغي دبا...
بابا:بنتي
انا:بالغوط)ششششششو منسمعكش
بابا:(كيبكي)شيماء بنتي سمحي ليا
انا:لا ماشي دبا لا ماشي دبا بغيت ديك الكلمة كنت باغيها نهار ماتت ماما كنت بغيت نسمعها نهار بغيتي تزوج ونهار تزوجتي ...ونهار فضلتي مراتك عليا نهار جريتي عليا من الدار انا وختي اشمن اب نتا ....مستحيل تكون اب
بابا:عفاك ابنتي ندمت عفاك سمحي ليا
انا:(بضحكة مستفزة)مبقيت باغا تاحاجة منك ولفت بلا بيك وهانتا كتشوفني بيخير كيما لحتيني او احسن ...
بابا:بنتي
انا:(بالغوط)هدي هيا المفاجأة
خالد:(مصدوم)لا كنت باغي نديروا اليوم الخطبة شريت الخواتم
انا:(مديت ليه ايدي)لبسو ليا
خالد؛كيفاش
انا:لبسو ليا
لبس ليا خالد الخاتم وانا نجمع الوقفة وانا نخرج حتى
خالد؛(كيجري لعندي)شيماء غدا انتزوجوا
انا:وخا
خرجت من الدار وانا كنبكي كل منفكر الموقف كانزيد فالبكاء وكل مكنشوف خاتم خالد فيدي هزيت الخاتم لحتوا فالصاك ومشيت لواحد الحديقة ديال الدراري الصغار ...مشيت كلست فيها كلست فكرسي كنشوف دراري الصغار كيلعبوا ....عالم البراءة عالم الطفولة ...تمنيت كون كنت مزالة صغيرة مي ماشي اي حاجة كاتمناها...
بقيت مراقباهم وفنفس الوقت كنلعب معاهم نسيت الوقت معاهم حتى بدا الضلام كيطيح وانا نرجع للدار وانا راجعة للدار ......كنلمح سيارة كحلة كبيرة امام العمارة بغيت نمشي وهو ينزل منها خالد ...كان لابس ملابس سوداء ومخبي وجهوا وكيشوف من هنا كانه خايف من شي حاجة .....
خالد؛شيماء طلعي
انا:لا عيانة
مزال مكملتها حتى كنحس بشي حاجة عند نيفي وانا نسخف .... كنت مستاعد جميع الاستعداد ديالي لا انا لا رجالي كنت عارف تهريب الاسلحة كاين اليوم فالليل وعرفت ...بلي خالد دار الخاتم لشيماء .حولت نتغلب على اعصابي ونصبر راسي بقول ماشي مشكل مابقا قد مافات ونتغلب على اعصابي ...داك الغبي ديال خالد ايدير صفقة تهريب الاسلحة فجزيرة موسكو ....وحنا كانتاظروا مجي ديالوا كنت مركز كنفكر فشيماء ونبتسم وانا كنلعب بالسلاح حتى ....كنسمع صوت سيارة كلشي خدا بلاصتوا منهم انا حتى كينزل خالد كان لابس ملابس سوداء جايب معاه 3 من رجالوا ....وبقاو كينتاظرو مدة معينة حتى كنلمح سيارة بيضة فخمة وتابعاها سيارة فالكحل ....اكيد هدا هو الراس الكبير واقف وبدا الكل كيتبادلوا اطرف الحديث وهما مركزين فالضحك والهضرة عطيت اشارة الكل اخرج وخرجوا كاملين بدينا فصراع الاسلحة تصوب واحد من رجالي وضربت كاع رجالهم بقا الراس الكبير وخالد لي كانو مصدومين مامتوقعينش .....انني نجي
جود؛نزلو الاسلحة
داك الراس الكبير كان راجل متوسط العمر ايكون عندوا 54 سنة شعروا اسو. ولابس كوستيم عينيه زروق وباينة الخوف من عينيه اما خالد فبقى راجع باللور وكيدير ابتسامة جانبية دخل للطموبيل جر....شيماء لكانت مصدومة وكتبكي تما فشلت مكنتش متوقع ايجيبها مكنتش متوقع انني انلعب بحياة محبوبتي ....
خالد؛هههه على بالك انا مكلخ كنت كنتوقع منك كلشي لذالك درت احتياطاتتي لي هيا شيماء
جود؛طلق منها وآجي وجهني راجل لراجل
خالد؛(هاز السلاح عند راسها)تقرب نقتلها
جود؛نتا راجل نتا مخبي ورا بنت وكاتحاول تحميك اجي نلوحوا الاسلحة ونتفاهمو راجل لراجل
خالد؛(كيغوط)سكت لا سكت ههه على بالك اتجي تسكتني بديك الهضرة هههه
جود؛خالد سلم راسك راك متهم بجريمة التهريب
خالد؛(كيضحك ويبكي)ششششو انا مكنتش باغي نقتلهم مي عدبوني بزاف هما انا كنت صغير بزاف بزاف انا كنت صغير راجع من المدرسة كنضحك راجع نشوف ماما اش وجدات ليا لغداء ....بدال مانلقاها كتوجد الغداء لقيتها كتمارس الجنس لا ماشي معقول ولقيت بابا كيبكي مق درش اقول ليها والو حيت كان تيخاف هعهه اه تيخاف لا ماما تخليه وتمشي هههه حيت هو مكيولدش وانا ولد زنقة انا ولد الحرام هههه داكشي علاش خليتهم حتى نعسوا ومشيت حليت البوطة وفركعت عليهم الدار..
خالد؛(كيضحك ويبكي)ششششو انا مكنتش باغي نقتلهم مي عدبوني بزاف هما انا كنت صغير بزاف بزاف انا كنت صغير راجع من المدرسة كنضحك راجع نشوف ماما اش وجدات ليا لغداء ....بدال مانلقاها كتوجد الغداء لقيتها كتمارس الجنس لا ماشي معقول ولقيت بابا كيبكي مق درش اقول ليها والو حيت كان تيخاف هعهه اه تيخاف لا ماما تخليه وتمشي هههه حيت هو مكيولدش وانا ولد زنقة انا ولد الحرام هههه داكشي علاش خليتهم حتى نعسوا ومشيت حليت البوطة وفركعت عليهم الدار ههه فركعتها وهربت .....
جود:(مصدوم مكانتش فراسي هاد القضية وانا كنلمح شييماء تاهيا مصدومة ومخلوعة)خالد متهورش
خالد؛(كيدوز اديه على شعر شيماء )حبيبتي
جود؛(كيغوط)جمع ايديك متقيسها ولا انقطعهم ليك
خالد؛اوه هيا مراتي هيا واقع ليها بحالي حتى هيا تشردات بسبب باباها ...هيا ملكي انا مي مبغاتنيش
جود:نتا مريض خاصك تعالج
شوية كنلمح خالد كيبعد وهو كيضحك وجار معاه شيماء مشيت بالجرى لعندو وهو هاز السلاح
خالد:بعد
غفلت خالد وجريت شيماء من يديها وانا نسمع .......بومممممم.........نزلت الارض كنشوف شيماء طاحت تضربات فكرشها وانا نغوط
جود؛شيييييييييييماء (#الجزء_الأخير بعد التفاعل )
