جا عندي واحد الشاب طويل كان كيشوف فيا وانا كنخنزر فيه مي هدا المرة ابتسمت ليه وجا طلب مني نرقص معاه وفعلان حاط ايديه على خصري واليد التانية شاده وانا حاط ايدي على كتفو وكنرقصو ..كان جود كيهضر مع الاب ديالو فموضوع باينة فيه جدي ديك الدورة لغدي ادور شافني وهو يخرج عينه كان كيشوف فاليد لحاطها داك الشاب على خصري انا محملتش الموقف مي خاصني نصبر ...بقيت كنرقص وانا كيبان ليا جود جاي مرة اضحك لهادا ولهداك حتى وقف علينا
جود:(حاط ايديه على الشاب)سمح ليا
الشاب:اشنو
حيد ليه جود اليد لحاطها على خصري بكل لباقة قلت اف الحمد الله ....الله بديت ندير ابتسامة ..حتى كنشوف جود شنق على الشاب من الكوستيم وبقا ايعطيه لكرش لوجه ولكل اغوت ...اليكس وشي رجال شادين جود ومبعدينو على الشاب لكان سخفان وكلو دميات من النيف ولوجه
جود؛(بالغوط)طلقوني
طلقوه وهو يمشي لطاولة المشروبات خواها كاملة وهرس كاع الكيسان لي تماك انا خفت تجمدت والماء تخوى ليا فالركابي ...كنشوف جود عينيه حمرين وشاد واحد الشجرة اضرب فيها ايديه حتى كيطلع عينيه وشاف فيا وانا نرجع باللور وهزيت صاكي وبغيت نهرب حيت اليوم انمشي لوجهي يا للصبيطار ...يا للمقبرة اهئ ....
حيت اليوم انمشي لوجهي يا للصبيطار ...يا للمقبرة اهئ هزيت صاكي وانا نشوف جود جاي جيهتي وانا نهرب دخلت للفيلا غير دخلت للفيلا شفت يمين شمال وانا نحيد الصباط درتوا فيدي وانا نعطي رجلي لريح تلفت لقيت جود مورايا ...
جود:(بالغوط )شيماااء
انا والو كنجري واخا الكسوة مزيرة مي قادة نجري وجود تابعني كيغوط شفتو قرب ليا وانا نمشي ندخل لواحد البيت وسديتو ....مانتابهتش للبيت قد ماكنت خايفة كنسمع جود كيضرب فالباب ويغوط كان شوية اهرسوا
جود؛شيماء حلي ولا كنقسم ليك نهرسو على وجهك
انا:جود عفاك بدل الساعة ومن بعد نهضروا عفاك
جود؛لا دبا دبا حلي.... قلت لبسات كسوة قصيرة حولت نخبي غضبي رغم انني كنشوف الرجال كي كيشوفو فيها كنبغي نمشي نهرس كمامرهم هديك ديالي مخصهمش اشوفوا فيها ...لحضة كنهضر مع الاب ديالي حتى كنلمح لالة شيماء مع واحد الراجل ومقربين وهو باغي ياكلها بعينه لا مقدرتش نتقبل الامر مابقا ليه غير ابوسها لا منقدرش نشوف شي ولد المرة كيحط ايديه عليها وهيا كذالك لا هديك هيا لمنقبلش ..تعصبت بل مبقيتش عارف اش ندير هرست لي كان تماك وشفت فشيماء لقيت الخوف فعينها مبغيتش نشوف الخوف فعينها ...مي فنفس الوقت خاصني نعلمها كيفاش تجي تلعب بمشاعري واعصابي بقات كتجري وانا تابعها كي شي دراري صغار واخير مشات لبيت ختي جودي ودخلات وسداتو بقيت ندق عليها مي مبغاتش تحل واخيرا ..
جود؛وخا اشيماء مابغاش تحلي انا انهرسو وتهناي نتي
انا:(تخلعت اويلي اليوم مشيت فيها اشيماء)صافي صافي .....
حليت ليه الباب وهو كيشوف فيا وعينيه حمرين وانا راجعة باللور وانا رجلي فشلو عليا
انا:جود شوف انا وجدت وتعدبت وقاديت ليك الحفلة .
جود؛طلبتها منك
انا:لا مي جود
وقف جود قدمي وانا نطير عليه بتعنيقة عنقتو وهو واقف فبلاصتو شديتو من وجهوا بستو فحنكو فجبهتو وهو بقا مغمض عينيه طبعت قبلة على شفايفوا ...وحطيت ايدي مور عنقوا وهو بقا مغمض عينه
انا:سمح ليا
جود؛(وهو مغمض عينه )لا نتي سحرتيني ليا متقوليش ليا لا صافي كتسالي معيا
انا:نموت فحبيبي
جود؛(كيشوف فيا )كنبغيك اشيماء
انا:جود عمرنا انتفرقوا
جود؛كوني تحلمي نتفرقوا
بقا جود كيشوف فيا وهو كيقرب وانا ندفعوا ..
انا:جود الكل كيتسناك فينا واصلا موجدين ليك كيكة كبيرة
جود؛براكة كترجعيني بحال الدراري الصغار
انا:وايالاه
بغيت نمشي وهو يجرني من شعري
جود؛اه اجي بعد مع من تشاورتي اجي هداك احط ايديه عليك واش باغا تحمقيني ومكملها بديك الكسوة كون محشمت كون قطعتها عليك
انا:اي اي جود شعري اي
جود؛متقوليش اي وسكتي نشوفك باقي مع شي حد متقدريش تسكتيني بتعنيقة
انا:جود اهئ شعري جود حشومة عليك
طلق من شعري وانا كانصوب فشعري تقابلت مع المرايا هزيت العكر وبديت كنديروا وهو ...يدورني لعندو وهاز كلينيكس
جود؛اختاري نمسح فمك بكلينيكس او ..
انا:(فهمتوا وانا نتر كلنيكس من يديه)لا غير عطيني هنيتيك
جود؛(معنقني من خصري وانا مقابلة مع المرايا وهو مدخل راسو فعنقي )محبوبتي غدا مسافر
انا:(مخرجة عيني)مسافر
جود؛اه
انا:لفين اجود
جود؛اسبانيا
انا:اويلي شحال اتبقا
جود؛انبقا 15 يوم
انا:(مغوبشة )لا لا 15 بزاف اجود لا عفاك ... انا:(مغوبشة )لا 15 يوم بزاف اجود لا عفاك كيفاش انقدر بلا بيك 15 يوم باغيني نحماق
جود؛(معنقني)على بالك انا فرحان انا بحالك تماما وكتر مي الخدمة وخاصني نقديها حيت حماية الوطن من الاولوية ديالي فراسك بمجرد كنعرف بلي 15 يوم انغيب عليك كنبغي انفاجر ...كيفاش منشوفش عويناتك هضرتك كلك كيفاش منعرفش
انا:(كنبكي)جود انتوحشك والله اهئ
جود؛(كيمسح دموعي )كلشي نتقبلوا كلشي نتحملوا منك الا دموعك انزلوا لا عفاك دموع غالين وبزاف واصلان انبقا ديما نهدر معاك ...
شوية جات وحدة من الخدم طلبت من جود انزل مسحت دموعي وانا تابعة جود قلبي تقبض عليا كيفاش انقدر نعيش بدون جود كيفاش ...منعرفش كنلمح جود نازل كيدير ضحكة صفرا وهو فعينيه حزن خصوصا اول مرة انبعدوعلى بعضياتنا .....جاء وقت الكيكة لي كانت كبيرة وفيها تصويرة جود كان فيها شمعة بغا انفخ عليها ..
🌸 ريتا:العميد تمنى امنية
جود؛(كيبتسم)كنتمنى عمرني نبعد على الانسان لكنبغي
انا حسيت بالدموع باغين انزلوا وليت حساسة هدا النهار كتر من اللزوم قلبي مزير خاطري كذالك قطع الكيكة واو قطعة جاء كيجري اعطيها ليا وكلشي كيشوف فيه ...
انا:جود ماماك هيا الاول
جود؛كولي نتي بعدا
انا:جود الام ديالك
مشاء رجع الكيكة عطاها للواليدة ديالو والاب ديالو وصحابو وبقات اخر قطعة فيده جاء عطاني كليت منها شوية والباقي كله ابتسم ليا ... والكل كيجريو الكل كيعطيه الهدايا لكانت غالية بزاف ساعة فخمة ملابس .كلشي كلشي غالي ...بقيت كنبتسم شوية كنلمحو جار اليكس وقال ليه فودنيه شي حاجة وجاء لعندي جرني فيدي مخرجني برا ركبني فسيارتوا ....
انا:جود مقلتيش ليهم تصبحو على خير
جود:حتى لمن بعد اف مكايخلوني معاك حتى 2 دقايق
انا:عيد ميلاد سعيد حبيبي
جود؛شكرا حياتي احم متعطينش هدية ديالي
انا:مجبتهاش ليك
جود؛براكة عرفتك جبتيها
انا:جود والله مازوينة ماشي فخمة عادية بلاش عتابرني فعلا مجبتهاش
جود؛شيماء عطيني
شوية وقف طوموبيل ديالو ودار لعندي وماد ليا ايديه
جود؛عطيني
انا:غمض عينك
جود؛وخا
غمض جود عينيه وانا هزيت الكادو ديالي لكان عبارة عن ساعة عادية مي كل ما كدوز ساعة كضرب وتقول بصوتي كلمة كنبغيك لبستها ليه فيديه وبستو فحنكو وتسنيت حتى ضربات ساعة وهيا تقول كنبغيك
جود؛وانا كتر
حل عينيه لقا ساعة وابتسم
جود؛واو احسن كادو كنواعدك عمري نستعمل من غيرها شكرا احياتي اصلا كونك معايا احسن كادوا نموت فيك
انا:بصاح عجباتك
جود؛كنقسم ليك
انا:فرحتيني
كسيرا جود والطريق كامل وانا حاطة راسي على الزاج كنت مجروحة ماعرفتش كيفاش وعلاش مي ليعرفه هو انني من الداخل ديالي كنزف .....
.
🌺لا اتخيل كيف سأكون من بعدك رغم عنادناا وتقلب مزاجناا الا ان قلبي ينبض باسمك ويهتف كل يوم _فقط احبك #انت💌💌
توصلت باخبار بلي كاينة عصابة كبيرة فاتجار فالاسلحة فاسبانية ومن النفروض انا كعميد روسيا نتاحد مع الشرطة الاسبانية ونشدهم كان لازم نمشي حيت ....حماية الوطن واجب وكان لازم نبعد 15 يوم على ملاكي كنت مناويش نقولها ليها قلتها غير الاب ديالي اثناء الحفلة ...معرفتش كيفاش انقدر بلا شيماء ..عطاتني هدية كانت ساعة فرحت بزاف مي كل ما كنشوف الحزن فعينها كنتفكر بلي 15 يوم انغيب عليها درت الحماية عليها مجموعة من الرجال الشرطة اراقبوها واحميوها ليا ...كنت باغي ندوز معها الوقت مي فورا ماوصلتها للدار بغات تنزل وهيا ترجع
انا:جود اجي بات معيا اليوم
جود؛شيماء طيارتي فالصباح
انا:عافاك
جود؛عارفاني منقولش لا حيت انا براسي باغي ....
طلعنا لدار حليت الباب كان الدار هادئة اكيد مجاتش ابتسام دخلت وجود كالس فالفوتوي انا مشيت لبست بيجامة عبارة عن سروال كري وتيشورت فالابيض ونشفت شعري وخرجت لقيت جود كيصاوب شي حاجة
انا:اشنو كدير
جودتلفون شريت ليك تلفون حيت هرست ليك هداك وهدا شريتوا ليك اه وفيه تصويرتي الا توحشتني
انا:حتى نتا مالقييت شكون نتواحش
جود:وخا الالة دبا نشوفوا
اناامم بغيتي شي حاجة تشربها
جود؛لا باغيك غير نتي تكلسي حديا
انا:وخا هاني
جود؛شيماء واحد ختك فين غابرة
انا:والله منعرف هدي 3 ايام وغابرو تلفونها مكاتجوبش مرضاتني
جود؛مقلبتيش
انا:لا حيت عارفاها مقلقة حيت اصلان تناقشنا
جود؛ايوا اجي تكلسي ....
مشيت عند جود حطيت راسي فوق من صدرو وبقينا كنتفرجوا وهو كيدوز ايديه على شعري حتى شفت الساعة 1 داليل
انا:جود راك اتفيق بكري نوض تنعس
جود؛واباقي
انا:جود براكة اتفيق بكري
جود؛(جرني لعندو وجيت على رجليه)وينو انتواحش انا المغوبشة ديالي
انا:(مدور ايدي على عنقو )انا كتر
شوية كنلمح جود هازني حاطني فوق من ناموسيتي وغطاني
انا؛اجي هاد المرة اجي تنعس معايا فنفس البلاصة
جود؛مخايفاش مني
انا:مناش انخاف
جود؛الاغتصاب نغتاصبك ونتي ناعسة
انا:(هزيت المخدة وشيرتها عليه)كون ماكنت كنتيق فيك كاع منقولها ليك
جود:ايو انا علمتك ههه...
نعس حدايا جود وانا حاطة راسي على صدروا وايدي على صدرو كدالك وهو معنقني .....
جود؛شيماء ملي نجي انتزوجو
انا:كيفاش
جود؛اشنو انا مقادش نصبر باقي خاصك تكوني مراتي
انا:براكة ماشي وقت ديك الهضرة
جود؛وقتها انا ملي نجي انتزوج بيك
انا:نفكر
جود:15 يوم آري متفكري ..
انا:نعس راك اتفيق بكري
غمضت عيني وجود كذالك حسيت باحساس غريب من الداخل حاسة بالبكاء باغا نفجر..
