وصلت لواحد المكتب كيما قال ليا الرجل لفلتحت ضقيت الباب
الشخص:دخل
دخل فواحد المكتب كبير باثاث فالحمر والكحل باين الشخص عزيز عليه اللون الكحل وقفت وكان شاب مركز فشي ورق
هو:(مركز فورق)دخلي
انا؛وخا شكر
دخلت وكلست شوية طلع فيا عينيه رجع نزلهم وهو يطلعهم وخرجهم فيا كان شاب سمر دير لحية شعرو كحل عوينات زروق كيحمق بصارحة
هو:شكون نتي
انا:انا هيا شيماء
هو:لا ميمكنش
انا:عفوا
هو:(كيغوط)مروان مروان
شوية دخل نفس الرجل ليجا معانا
مروان :نعم اسيدي
هو:شكون هدي
مروان:شيماء
هو:(بصوت منخفض)مستحيل
انا:(باستغراب)علاش
هو:(مد ليا ايده)خالد 30 سنة الراس الكبير فالمافيا تجارة المخدرات وتهريب الاسلحة والرقة والاحتيال ونتي
انا:(مبتسمة)انا شيماء 19 سنة
خالد:(كيضحك)فالحقيقة مكنتش متوقع انكي تكوني هكا
انا:كيفاش
خالد:فهاد الجمال هو قال ليا لقيت بنت فمراكش معها مع الاحتيال ضنيتك اتكوني شي شمكارة مي طلعتي غاية فالجمال وفجمالك مشفتش
انا:(حادرة راسي)شكر ربي ايخليك
خالد:لمهيم اتكوني عيتي ياك
انا:شوية جيت مع ختي
خالد:(مد ليا السورت)شدي هدي سوارت دارك جديدة وكلشي ايوصلك حتى لدار راها دار مفرشة كنتمنى تعجبك
انا:وخا مي نتا لْدبا مقلتيش ليا خدمتي
خالد:غدا نهضروا دبا اتكوني عييتي
انا:(وقفت )وخا
بغيت نخرج وهو يهضر
خالد:شيماء
انا:نعم
خالد:ممكن نكون اصدقاء ,قبل منكون شركاء
انا:سمح ليا ومديرهاش مني قلت الصواب الاصدقاء معنديش معاهم والصداقة الفورية معنديش فالقاموس..
خرجت وخليتو اويلي مالو هدا هو لكلشي كيخاف منو بفف نزلت متاجهين لدار جديدة ....
نزلت متاجهين لدار جديدة دخلنا انا وختي حطو لينا لفاليز كانت شقة كتوجد فالطابق 2 كاينة فيها 2 بيوتا وفكل بيت كاين حمام .. وصالة كبيرة كوزينة ...
ابتسام:شيماء انا ختاريت هدا البيت
انا:اوكي دخلي
خلات ليا بيت الاخر مصبوغ بلون الخضر وكان فيه سرير فالبيض والخضر مريو وحمام كبير كيحمق وكيتواجد بيت فيه شرجم كبير كيطل على فيلا كبيرة وقف امام الفيلا سيارة كتحمق اول حاجة ستفت حويجي فالماريو ودخلت بدلت لحمام دوشت ودهنت لحمي بجميع الكريمات المتواجدة تماك لبست بيجامة قصيرة فالغوز شعري طلقتو وضربتها بنعسة حليت عيني على صوت كرشي كتغوط فيا الجوع خرجت لقيت ختي كتصوب العشاء وحطاتو مشيت طاحت فديك الماكلة كاو عمرت الكريشة وتعاونت انا وختي كنجمعوا المواعن وكلسنا كنتفرجو فواحد الفيلم تاداني النعاس .....
حليت عيني على صوت الباب لكيدق مشيت نحل حليت كان خالد غير حليت ليه حال فمو
انا:صباح الخير دخل
خالد:(كيشوف فيا)الله فقتي
انا:(الله عقت براسي اويلي اش لبسة )دخل نبدل ونجي..🌸
دخلت لبست سروال زرق وقبية فالكحل وشعري طلقتو وخرجت لقيت خالد كالس كيضحك
انا:ياك متعطلت
خالد:لا سمحي ليا كون مكنت محتاجك ضروري مكنتش انجي
انا:ياك لاباس
خالد:لا والو باس بالحق جيت اليوم بغيت نقول ليك الخدمة اتبدا اليوم فالعشية
انا:خدمة وخا فهمني
خالد:نفهمك كاين واحد المعرض ايكون الافتتاح من دابا يومين ومن بين هدا المعرض كاين واحد اللوحة كتعتبر اغلى لوحة فروسيا ولي كيتعتبر ثمنها مليون دولار ..وحنا ضروري خاصنا نهزوها من تماك نجيبوها لعندها..كيما كيقولوها لبغا العسل يصبر لقريص النحل ...مي اتكون مخاطرة اكيد فالمعرض كيتوجد 24 حارس شخصي ومن بين المدعوين المعرض رجال اعمال ورجال شرطة واكيد ايكون العدو ديالي لي هو العميد
انا:(دخت مفهمت والو)شوف بشوية عليا عقلي على قد الحال
خالد:(كيضحك)ماشي مشكيل فهمي دبا نتي اش اديري اتمشي للمركز لكيتوجد حدا محطة الميتروا باريكادنيا وفامام المركز كاين جوج شوارع شارع كراسنايا بريسنيا وشارع يولشايا غروزينسكايا، نتي اتمشي للمركز اتقدمي شكاية كانكي كاتبلغي بشي حد سرق ليك صاك ديالك لمهم لقاي سبة حتى دخلي لمكتب العميد تماك فين كيتواجد المخصص ديال المعرض حيت ديجا تعرض للسرقة من طرف رجالي مي فشلوا ومقدوا اجيبو والو اكيد هادشي كلشي حيت العميد موجود .. كنكرهوا
انا:وخا مي امتا انمشي
خالد:مع 8 داليل متخافيش انا انبقا معاك فالخط كنواعدك
انا:وخا مستعدة
