الله بغيت نقولها حتى كيسد ليا فمي بيده
جود:سمعيني عفاك سمحي ليا مي فلحظة غضب مكنتش عارف اش كنقول والله
انا:مزيان قلتي لي عندك خرج عليا
دفعني مع الحيط ولصق وجهي مع وجهو وانفاسنا تخلطوا
جود:باش كتحسي ملي كنقرب ليك
انا:(بتنهيدة)تاحاجة بالكره
جود؛(باسني فحنكي)وفاش كنبوسك
انا:بالاشمزاز
جود؛(باسني فعنقي)ودبا
انا:الاحتقار
تعصب جود وضرب ايده مع الحيط بكل قوتوا وبدا يهرس كاع لكاين فالدار كيهرس لحظة كنشوف الدم خارج من التشورت .. وانا نغوت ...
انا:جووووود
🌸
اعتذر لن استطيع مسامحتك ......
انا:جووووود
والو لا حياة لمن تنادي بقا كيضرب والدم غير مزاد كيكتر انا مقدرتش نقرب ليه خصوصا كان معصب مي مقدرتش نشوفو فديك الحالة مشيت بالجرى شديتو من يديه ونترها رجعت شديتها وهو يدور عندي كان عينيه حمرين ....وحالهم بصعوبة ...
انا:جود كتنزف
جود:(بالغوط)نتي سوقك
الله بغيت امشي وانا نشدوا من بديه
انا:جود عفاك كلس متقدرش تسوك ونتا هكا عفاك
شديتوا من يديه وتكيتوا فوق الفتوي مشيت بالجرى جبت الماء سخون وفوطة ورجعت لقيتو حمر اكيد تزاد عليه الحال ...بديت نطلع ليه التشورت لقيت الجرح تحل وانا نغوط
انا:وااااااي...
جود:مالك
انا:الجرح تحل لك انمشي نعيط اه انعيط لطبيب مي مكنعرفش نمرتوا اف اش جابك عندي غير قول اف عندك نمرتوا نتا اكيد نتا عايش هنا ...
جود؛(كيضحك)ههه تهدني بغيتي نمرة الطبيب
انا:واسربي
جود؛سمحي ليا عفاك
وقفت كنشوف فيه وهو كذالك شفت بصاح الاعتذار فعينيه باينة بصاح باغي نسمح ليه او انا لي باغا نسمحلوا ...خفت عليه بزاف كخوفي على ختي بمجرد كنشوفوا قلبي كيضرب بالجهد مكنبقاش نعرف اش ندير ....كنبغي نغوط عليه غير نخبي مشاعري تجاهوا كنبغي ديما نبان بلي هو مكيهمنيش ...اه وخاصني نبان هكاك اصلان خاسني ننساه حيت كيما قال اليكس غدي نتجرح بزاف ....
انا؛صافي مسامحك
جود؛اشنو هو شرطك
انا:لا هدا المرة مكاينش الشرط فقط سامحتك
جود؛(مبتسم)اشنو ندير دبا نغوط ولا اشنو
انا:عيط لطبيب
تماما هز تلفونوا وعيط على الطبيب قطع عليه
انا؛بغيتي تشرب شي حاجة
جود:لا خليك غير هكاك
انا:لا ضروري خاسني نجيب ليك شي حاجة
جود:وخا جيبي كاس دالماء ....
#$$$
بمجرد خرجت من السبيطار او حاجة قلت اليكس يديني عند شيماء كلشي مانع مي انا قررت اصلان ليل كامل منعست غير كنفكر فيها ...وصلني اليكس وحلات علينا الباب شفت الخوف فعينها عنقاتني وهيا معارفش بلي ضرباتني فالجرحة مي حاولت نبان عادي ......فلحظة بينات لا مبالاة ديالها ....ودفعتها مع الحيط كنسمع دقات قلبها لكيتسمع وخوف فعينها مي فمها كيقول عكس لكنشوف فعينها .....بقولها الاشمزاز مني والاحتقار وبلي كتكرهني تعصبت كنحس بالم فمنطقة الجرحة لي اصلان مزال مبريت .....اه كنحس بالم كبير فقلبي ....مي فرحت فنفس الوقت حيت كنشوف الخوف فعينها والارتباك ...تكاتني مع الفوتوي وانا غير كنشوف فيها مبغيش نحيد عيني عليها اصلان منقدرش فاش كنشوفها مكنبقاش نعرف اش كندير ....انا مركز كنشوف فيها وهيا كتقول اش باغي تشرب ...اودي ماباغي غير نتي تجي تكلسي حديا غير نشوف فيك ..
طلبت كاس دالماء على بالي الماء دغيا اتجيبوا مي هيا مشات باتت فديك الكوزينة ..شوية كنسمع الباب بغيت نوض وهيا تجي كتجري كان الطبيب ....
#$$
طلب مني كاس دالماء وانا فورا مشيت لكوزينة كلست حيت مبغيتش نكون انا وياه فبلاصة وحدة نخاف يوقع شي حاجة ونغلط كلست حتى كنسمع الباب كيدق مشيت حليت الباب كان واحد البوكوص ديال الاطباء شهيب مي تفوا معندوش اللحية مادايرهاش ...دخل وهو مبلق فيا عينه انا درت ليه ابتسامة دخل عند جود وانا واقفة عليهم شوية قال ليا غايخيط ليه الجرح وانا نسد عيني حتى سالا
جود:وصافي راه سالينا غير حلي عينيك
الطبيب:(كيضحك)اكيد حبيبك هدا
انا:(تزنكت مي حولت نبان عادي)لا ماشي هو هدا ...
شفت فجود لقيتو عاقد حجبانو خرج الطبيب من بعد معطاني نمرتوا وهادشي كامل تحت انظار جود لي غير درت لقيتوا واقف عليا
انا:اويلي ايتحل الجرح تاني واش نتا ..
جود:(قاطعني )شيماء كتبغي شي حد
انا:ونتا مالك
جود:(شدني من يدي ومزير عليها وقربني لعندوا)جوبيني دبا حيت هاد الامر كيهمني بزاف
انا:(هدي هيا فرصتك اشيماء هدي هيا باش تبعديه عليك حاولي اشيماء تباني قوية حبسي دموعك ماشي دبا شيماء شهيق زفير 123)اه عندي وحنا كنبغيوا بعضيتنا بزاف لدرجة مكتصورش
طلق جود من يدي وصاوب تشورت ديالو ونطق جملة واحدة .
جود:الله اكمل عليكم انسة شيماء
وهو يخرج وردخ الباب بكل قوتوا وانا نمشي عند الباب كندير ضحكة مزيفة سديت الباب وانا نزل للارض وبديت نبكي اه كنبكي حيت بصاح انا متاكدة من حاجة لهيا بصاح انا شيماء ابوكيل ..لي حتى شي واحد مكيأثر فيها وعمرها عطات وقت لشي حد جا العميد ومنحتوا قلبي اه كنبغيه مي خاصني نبعد عليه هو ماشي ديالي ..
أحببتك وأنا على يقين انك ستكون يوما ما ذكرى مؤلمة ....
خرجت من عند شيماء فرحان ..اه فرحان حيت بصاح شفت فعينها حب تجاهي اصلان كنت واقف حدا الباب كنسمع دموعها وانا كنحط ايدي على الباب كانوعدك انخليك تعترفي غير بوحدك ...كانوعدك اتكوني ديالي ههه اصلان نتي ديالي من دبا والعميد لكيقول وانا عمري قلت شي حاجة خسرت فيها ..رجعت للدار ديالي العائلة لي كاتوجد غير دخلت جات الواليدة كتجري وتعنقني وتبوسني
انجولي:(الحوار بالروسية )الله اولدي شوف كي وليتي صفر فين كنتي اه اويلي الدم خرج من التشورت فين كنتي علاش مجيتش للدار عارفني شحال خايفة عليك ونتا غير مازايد فيه علاش مبقيتش فالمستشفى واش باغي تموت حشومة عليك اهئ اهئ
جود:(كنبوس رسها)لا تهدني انا بخير والله وهانتي كتشوفني قدامك
انجولي :اجي تمشي لبيتك
طلعاتني للبيت ديالي حيت كنجي للدار دالعائلة من الاحد للاحد كلساتني وغطاتني وبدات كتجيب ليا كاع الادوية شربتهم غير ندير ليها خاطرها ...شوية جات الكتكوتة ديالي ختي جودي
جودي:(كتبكي)خويا حشومة عليك طولتي الغيبة علينا وملي جيتي جيتي مريض
جود:اف مواقع والو هانتوما انا صحيح غير جريحة صغيرة
انجولي:وعلاش مجيتيش للدار فور ماخرجوك راه فخباري خرجتي مع 8 وفخباري ممشيتش للمركز اذا فين كنتي
جود؛عند واحد البنت
انجولي:شكون هدا البنت لدايا ليك وقتك ياك ما ريتا
جود:لا هي....
شوية دخل الوليد
احمد؛خليو ولدي يرتاح ونتوما كالسين عليه دودودو
جود:براكة انا بيخير
انجولي:رتاح دبا
جودي:وخا اخويا رتاح
خرجوا وانا نهز تلفوني عيط على اليكس قلت ليه ايجي
بقيت كالس حتى دخل اليكس
جود:كلس مالك حمر
اليكس:(كيحك شعروا)لا والو اشنو باغي احضرت العميد
الها باغي نهضر حتى دخلات ختي هزات صاكها حيت نساتو سلمات على اليكس ولا كي مطيشة اصلان عارف بلي اليكس كيبغي ختي من الصغر مي خاصوا اقولها ليا هو ....
جود:اليكس محتاجك
اليكس:قول اشنو
جود؛الموضوع كيخص شيماء
اليكس:مالها
جود:جيبها لهنا مي سمع كيفاش .
اليكس:(قاطعني)سمح ليا مي بمجيئها لهنا مكنظنش الامر زوين ...
