🌸
انا:جود ومن بعد اشنو اشنو مصير هدشي ...
جود؛كلشي ايتصلح كوني هانية احبيبتي
انا:انشاء الله
جود؛ممصوابش نتي انا جاي لعندك ومقديتي تضيفيني
انا:(حيدت من على صدروا )اه فعلان عندك الحق
مشيت جيهت الباب وحليتوا وشادة جنبي
جود؛(كيضحك)كتجري عليا
انا:لا غير كنقول ليك سير فحالك
جود؛ياك الالة وخا
جا لجيهت الباب وانا كنتعوج شوية سد الباب وجاء هزني
انا:جود نزلني اطيحني جود عفاك
جود؛عتاذري
انا:مستحيل
بقا هازني مرة ارجع راسي لتحت مرة الفوق مرة جنب حتى حسيت بالدوخة جود كيضحك ويجري مرة انقز وانا كنتخلع ونضربوا بضهروا وهو غير مزايد فيه مرة يجرني فشعري مرة اطبع قبلة فشفايفي مرة فعنقي ...خصوصا الضحك ديالنا وصل وااهلي فين ...
انا:جود نزلني
جود؛اعتدري
انا:وخا يلاه نزلني ونعتدر
نزلني وانا شادني الدوخة فنفس الوقت كنضحك وكنلمح جود فرحان شفت فيه كيتسنا انني نعتدر
انا:نمشي نشرب وانا معاك
جود؛وخا الالة
مشيت جيهت الكوزينة هزيت الماء شربت شفت موريا لقيت جود عطيتوا كاس دالماء بدا كيشرب وانا نهز قرعة كفحتها عليه وانا نهرب بقيت نجري وهو تابعني حيد التشورت وبقا عريان من الفوق انا تصدمت واو على عضلات كيحمقوا الله اكبر اش هدشي ....محسيت براسي حتى شادني وهازني وغادي بيا لبيتي انا كاع الافكار الخايبة طاحت فبالي ....
انا:جود
غادي بيا لبيتي حاطني فوق ناموسيتي وغطاني وباسني فجبهتي
جود:نعسي مزيان راه تعطلت خاسني نمشي نرتاح غدا خدام وحتى نتي اتنوضي مع 7 بالتوفيق احياتي فخدمتك جديدة
انا:(شاده فيه وطبعت قبلة فحنكوا)كنموت فيك يااجمل ماعندي فالدنيا كلها
جود؛خليني نمشي
انا::سير
جود؛شيماء
انا:عوينتها لشيماء
جود؛وياك تفكري تهدري مع شي حد فالخدمة ولا غير تشوفي فيه ومضحيكش مع الرجال ..
انا:صافي شي حاجة اخرى
جود؛حتى ونتي ناعسة كتحمقي
انا:هبيل سير خرج
جود؛ايه ايو تشورتي وسختيه
انا:اوبس هز تشورت تاعي لبسوا
جود؛مالي حمق فحالك بهاكا انهين رجولتي
انا:وينو احفظك ليا انا
جود؛هبيلة ومهبلاني معاك ....
خرج جود وانا نعست اصلا كنت عيانة غفيت ......
فقت الصباح الله ريحت حبيبي حدا ودني اصلان البارح كنت معنقاه وريحتو لاسقة فحوايجي دخلت للحمام دوشت خرج سشوريت شعري لبست سروال جينز فالزرق وتشورت فالبيض مخطط بالكحل كعب عالي وشعري طلقتوا ومكياج خفيف ...فطرت ومشيت طليت فبيت ابتسام ...مزال مجات خرجت كنجري اصلان تعطلت شديت طاكسي متاجهة لخدمتي وصلت ودخلت مشيت بدلت حوايجي لبست ملابس الخدمة عبارة عن سروال حمر قاميجة فالبيض والحمر وطابليي فالحمر والبيض كان سوبير مارشي كبير بزاف والخدمة فيه مصعيباش...
والخدمة فيه مصعيباش فقط تلبية رغبات الزبناء ...بقيت خدامة حتى لديك 12 ...مشيت تغديت ورجعت للخدمة نسيت راسي فالخدمة وانا خدامة جا عندي واحد الدري خدام معيا
هو؛سلام..شيماء ابوكيل ؟؟
انا:اه انا
هو:متشرفين واحد السيدة قالت ليك مالقاتش الطلبية ليبغات
انا:بصاح انا انمشي عندها ...
بغيت نمشي وانا نحس بشي حد جارني فيدي ... بغيت نمشي وانا نحس بشي حد جارني فيدي ..تلفت كان اليكس مبتسم فوجهي ...
اليكس:(الحوار بالروسية )غير تكلف بالسيدة انا محتاج هاد الانسة
هو؛وخا
مشا الدري وانا بقيت مع اليكس
اليكس:شيماء اش هاد الغبور
انا:(مبتسمة)حمد الله ونتا اش خبارك
اليكس:حمد الله
انا:ايوا اش حب الخاطر راه انا وليت خدامة هنا
اليكس:عارفك خدامة هنا جود قالها ليا وبصارحة راه جود سيفطني نقابلك
انا:(تعصبت)اف اجود واش متيقش فيا
اليكس:(مبتسم)لا ماشي مكيتيقش بل كيحماق عليك وماباغيش شعرة تقاس منك
انا:مي انا بصاح تعصبت من هاد الموقف
اليكس:المهم انا قلت انا مراقبك مراقبك علاش مندخلش ونقول ليك على واحد الحاجة
انا:اشنو ياك ما داير ليا كاميرة المراقبة فالشارع او اشنو ...
اليكس:عيد ميلاد العميد غدا
انا:(مصدومة)غدا مي مقال ليا والو وانا مفخباريش
اليكس:العميد مكيحملش يحتفل بعيد ميلادوا حيت بنظروا الاحتفال بعيد الميلاد ديال الدراري الصغار وهو النفس ديالوا عزيزة ...كيديرو ليه فالدار حفلة صغيرة وكيخاصمهم .وانا بغيت نتعاونوا نديروا ليه اكبر حفل فالبلاد بكون احسن عميد وافضل صديق واروع اخ ..
انا:واروع حبيب
اليكس:تماما ايوا علاش منمشيوش دابا لعند عائلة امير(الكنية ديال عائلة جود) نتافقوا معاهم حتى هوما اكيد مغاديش يرفضوا بحيث هاد الحفل كانوا كيحلموا بيه ...
انا:(كنضحك)اه متفقة معاك مي كيفاش انديرو ميشكش فينا
اليكس:نتجنبوه ...عارف بلي ايتعصب هدا الا مريبش علينا ديك الحفلة مي بكونك معاه مكنظنش ايدير شي ردة فعل
انا:لمهم نحاولوا
اليكس:(ضرب على ايدي )متافقين يلاه بدلي حوايجك دغيا قبل ميجي العميد
انا:وخا
مشيت بالجرى بدلت حويجي وخرجت ركبت مع اليكس حتى وصلنا لفيلا عائلة امير نزلت ...شوية بدا تلفوني كيصوني كان جود ....درتوا فوضع الصامت ودخلت للدار ....
اليوم كانت عندي الخدمة كثيرة لذالك سيفطت اليكس يراقب شيماء هكاك انديها فخدمتي ...مي والوا كل ما نركز فشي قضية كنتفكر شيماء كنضحك وكنسى كلشي ...واخيرا كملت كانت الساعة مع 9 ديال الليل ...خرجت بسرعة فائقة متاجه للمحل فاش خدامة شيماء مي لقيتها خرجات ...بديت نصوني عليها مكاتجاوبش ومشيت للدار كندق مكتحلش كنت شوية غنهرس الباب ...
تعصبت وانا هاز تلفون كي الحمق كنصوني عليها وهيا مكتجوبش وانا نصوني لاليكس ..
جود؛اليكس شفتي شيماء
اليكس:شيماء اه ..لا كنقصد لا انا دبا مع واحد صاحبي شيماء مشفتهاش
جود؛(بالغوط وكلشي كيضور اشوف فيا)واش انا قلت ليك راقبها اذن ماتحركش من حدها واش باغي تحمقني هاد البنت فين اتكون مشات والا وقعات ليها شي حاجة ....مزال مكملت كلامي حتى كنلمح شيماء جاية ومبتسمة ولا على بالها وهازة شي بلاستيكات فيديها ... كنت جايا لدار انا واليكس حتى صونا جود على اليكس صافي عرفتو قريب لدار داكشي لاش قلت ل اليكس انزلني نزلت توادعت مع اليكس وهزيت شي بلاستيكات فيهم العشاء كنت جبتوا وجايا كنلمح جود هاز التليفون غير شافني خنزر مشيت لعندو ونكدب ايلا قلت ليكم مخفتش تجيني شي ضربة خصوصا كنلمح جود معصب
انا:مساء الخير
جود؛فين كنتي
انا:جبت لعشاء
جود؛تلفونك فين
انا:فالساك
جود؛عطيه ليا
مديت لو تلفوني وهو يضربوا مع الارض وهرسو ونزل عليه برجليه وانا حال فمي ....
جود؛هنيتك منو قلت غير متقل عليك فالساك خصوص نتي ممساليش تجوبي فيه
انا:(بالغوط)جود اش درتي مالك واش مريض
جود؛(شادني من يدي )نتي اش كديري معرفتيش شحال صونيت عليك شحال قلبت عليك ونتي كاع ممسوقاش اصلان علاش اتسوقي ..
انا:(نترت ايدي منو)حتى واحد مقال ليك قلب عليا اوكي انا ماشي درية صغيرة خايفها لا تجلا ..
جود؛بصاح عندك الحق انا اصلان غلطت ملي قلبت عليك اه غلطت حيت خرجت من الخدمة كنجري لعندك ....اودي هادشي مكيمكنش ....
ركب فسيارتوا ومشا وانا كنشوف فيه حتى مشا طلعت للدار بقا فيا حبيبي والطريقة باش هدرت معاه خايبة اكيد ايكون معصب دبا مي ...هدشي كامل غيير على قبل الحفل ديالك .بغيت ندير العشاء مابقات عندي شهية والخاطر مخصر مشيت تكيت بحوايجي فوق ناموسيتي مغوبشة ..سديت عيني وحلف النعاس لاجاني ومشيت كلست حدا الشرجم كنشم الهواء وكنشوف فالسماء والنجوم لي مزينة السماء كنشوف فيهم وكنفكر اي لحظة دوزتها مع جود ونضحك ..وانا ساهية فالسماء طاح فبالي بابا ونزلوا الدموع من عيني من غير ارادتي واش لحظة مفكرش فينا حنا لي بناتوا واش بصاح كاينين آباء لهاد الدرجة قاصحين ..وابتسام لي معرفتها فين غابرة ثلاث ايام هادي تخنقت فعلان بكيت اه بل بكيت بصوت مرتفع كنمسح دموعي وكينزلو تاني ...تاحاجة متنسيني فالجروح لي تعرضت ليها من قبل واليديا تفكرت اي لحظة مع بابا ....تفكرت ماما وزدت فالدموع ....وانا هكا كنبكي وكنشوف السماء ونشم الهواء حتى......حسيت بعيني بداو كيغتمضوا ....ورجعت لناموسيتي ونعست ...
فقت الصباح ايوم عيد ميلاد حبيبي لذالك خاصني نكون فرحانة
فقت الصباح ايوم عيد ميلاد حبيبي لذالك خاصني نكون فرحانة اصلان البارح تافقنا مع عائلتهم ايديروا حفلة فالجردة دالفيلا وايعرضوا على كاع الشخصيات المهمة منها رجال اعمال ونساء اعمال فمختلف المجالات ..وكذالك عائلتوا كاملة فجميع البلدان ورجال الشرطة ..مبغيتش نمشي للحفلة مي اليكس فرض عليا نمشي واليوم الاحد مكايناش الخدمة لدالك جمعت الدار مزيان ولبست عليا وخرجت لقيت اليكس حد الباب ...
انا:صباح الخير
اليكس:صباح النور
انا:مالك
اليكس:(مغوبش)غير العميد سمعني الهدرة على الصباح ماشي غير انا لجا فطريقوا الله ادوز هاد الحفل بيخير اشيماء ...
انا:امين .
اليكس:طلعي دبا وجدي راسك مع ديك 7 نجي نديك وخا ...
