🌸
كان تلفوني كيصوني بغيت نهزو وهو ينتروا جود من يدي كانت نمرة خالد ...بغا اجوب وانا نتروا ليه من يديه ...
انا:الو
خالد:شيماء لاباس
انا:حمد الله ونتا
خالد؛بيخير حمد الله
خالد:توحشتك
انا:امم مزيان
خالد؛شيماء مغادة فين فالعشية
انا:انبد الخدمة
خالد؛اوه بصاح مزيان وفين
انا؛اه بصاح انخدم فسوبر مارشي قريب من الدار
خالد؛ايه انا هضرت معاك قلت الا معندك شي حاجة فالعشية نعرض عليك لعشاء باغي نقول ليك شي حاجة مهمة كتهم بزاف وعفاك مترفضيش حيت مهم
انا؛وخا معاش
خالد؛مع 8
انا:نشاء الله ....
غير قطعت على خالد تلفت لقيت جود عاقد حجبانو ومزير على يديه الله بغا نهضر وهو يهز التلفون خبطوا مع الارض وبد يغوط وانا مشيت كلست فواحد الكرسي كنلمح جود كيغوطت ويسب وانا كالسة كنشوف فيه شوية شفتوا هاز كويرة ديالو وباغي اخرج وانا نجري لعندوا وتعكلت وطحت وهو يجي لعندي كيجري
جود:ياك متقصحتي واش مكتشوفيش قدمك
انا:(شاده فوجهو)ششششو دبا نوبتي تسمعني ....خالد كان قال ليا باغي اقول ليا شي حاجة مهمة وبدوري انا بغيت نقول ليه بلي مغانبقاش نخدم معاه عفاك تهدن عارفاك معصب دبا وكاع الافكار كطيح فبالك مي بغيتك كاع تمسح دوك الافكار ....
جود؛شيماء....شيماء
انا:عفاك اجود واش لهاذ الدرجة مكاديرش فيا الثقة
جود:(زادي جهتو مع جبهتي)ابدا انا كنتيق فيك وبزاف مي مكنتيقش فاالناس مكنتيقش فالرجال كنخاف شي حد احط عينيه عليك وانا غايب كنخاف شي حد افرقنا مغديش نستحمل نتفارق عليك
انا؛(معنقاه)شششو حتى حاجة من داكشي مغايوقع احبيبي . غير تيق فيا
جود؛وخا حتى حاجة مغاتوقع ...
شدني جود من يدي وقفني باسني فجبهتي وخرج ....انا مشيت كملت فطوري وجمعت الروينة ديال الدار كملت ماكلتي ودغيا وصلات 7 مشيت دوشت وخرجت كنشف شعري حتى بدا تلفوني كيصوني
انا:الو حبيبي
جود:شيماء اش كديري
انا:كنشف شعري
جود؛اش اتلبسي
انا:معرفتش نلبس ونصور ليك
جود؛اوكي ...
قطع جود وانا نمشي سيشوريت شعري وطلقتو ولبست سلوبيت فالكحل والبيض كروات وصباط طالع فالبيض مكياج خفيف وعطري المفضل ساك كحل .....
خرجت بان ليا خالد واقف حدى الطموبيل مشيت لعندوا
خالد؛شيماء توحشتك
انا:مساء الخير
خالد؛(حال ليا الباب )ركبي
انا:شكرا
ركبت معاه والطريق كامل وحنا ساكتين فاجواء موسيقة هادئة حتى وصلنا لمطعم كيطل على البحر كلست وهو
خالد؛شيماء دقيقة وهانا جاي
انا:وخا
بقيت كنتمنظر فالاجواء شوية سمعت شي صوت تلفتت وانا نحل فمي
مبغيتهاش تمشي بوحدها فكرة ان خالد عارض عليها لعشاء مدخلاتش ليا للعقل لذالك مشيت للدار دوشت بدلت حوايج وخرجت وبقيت مراقب حبيبتي واخيرا نزلات كانت لابسة لبس مستور مي وخا هكاك طالعة كتحمق مكرهتش نشدها من ايديها نقول ليها نتي ملكي ديالي بوحدي .....ركبات معاه وانا تابعهم وقفوا فمطعم حدا البحر ...حل ليها الباب وانا بقيت كنشوف فيهم وانا كنغلي من الداخل ....دخلوا للمطعم هو معرفت فين مشاء لحظة بقيت سارح فمحبوبتي كيفاش كالسة كتشوف فالبحر وانا كنبتسم ...حتى كنسمع موسيقة جاي شفت ولقيت خالد جايب فرقو موسيقية وبوكي دالورد وشي علب فالحمر وشي بلاستيكات بدات الموسيقة شد ليها من ايدها وبدا كيرقصها بزاز رغم رفضها الا انه مصر ....بغيت نزل نهرس فمو وايديه مي استحملت حتى نشوف آخرتها ....دفعاتوا شيماء وجا كالس على رجليه هاز واحد العلبة صغيرة فالحمر حلها وكان فيها خاتم مقدرتش نميزوا ....خرجت من الطموبيل ومشيت وقفت حدا باب المطعم حتى كنسمع ...
خالد؛(بصوت مرتفع)شيماء تقبلي تزوجي بيا تقبلي تكوني ديالي ملاكي ....
ديك الساعة انا وانا نغوت واش نمشي نقتلوا ولا اش ندير بغيت نمشي نطيح عليه بالضرب حتى كنسمع ملاكي كتجوبو ......
كنت مركزة مع البحر شوية تلفت بان ليا خالد مع شي رجال هازين آلات موسيقية شدني من يدي وانا كندفعو مي حاكمني وانا فديك الساعة كنفكر غير فجود دفعتو شوية الدري زعم ونزل على رجليه هاز خاتم ولد الحرام كيتفرج بزاف فالافلام الرومانسية .. وقال ليا تتزوجي بيا انا مافكرت حتى دقيقة من انني نجوبوا ....
انا؛خالد نوض
خالد؛(ناض كيشوف فيا )شيماء انا من نهار شفتك حمقتيني بغيتك تكوني ليا انا فايت ليا بغيت مي حب من طرف واحد وعفاك ماتخليش هاد الحب اكون من طرف واحد انا نموت فيك كلامك تصرفاتك غضبك وخوفك كيف كتاكلي كيف كضحكي ....
انا:خالد وقف هدا المهزلة اش كتخرف انا مكنبغيكش اخالد وعمري انبغيك حيت انا كنبغي ..
خالد؛اكيد العميد ياك
انا:(بصوت مرتفع)اه العميد اه وعلاش نشوف او نرتبط مع غيروا وانا عندي سيدهم العميد جود
خالد؛(كالس على الكرسي والدموع فطرف عينيه)حرام عليك انا بغيتك انا ليشفتك قبل منو اشنو فالعميد مافياش اشنو المميز فيه
انا:خالد ملي كتبغي فهادشي ماشي بيديك حيت الحب كيجي بدون ميدق الباب وكيفاش وقتاش معرفتش
خالد؛فراسك الحب الاول ديالي كانت ميرال ...حتى هيا كانت كتبغي العميد
انا:(مخرجة عيني )اشنو
خالد؛اه ....مي هيا مشات انتحرات ومقدرتش ناخدها مي نتي اتكوني ديالي اشيماء شيماء
جود؛(قاطعوا)شيماء لجود وجود لشيماء وليمعجبو الحال اضرب راسو مع الحيط ولا اشنو انا انضرب راسك مع الحيط
بغا امشي وانا نشدو من ايديه
انا:جود بلا مشاكيل عفاك
خالد:(كيشوف فيا )
جود؛(تعصب )حيد عينك عليها اصلان انا شاد فراسي غير على قبل شيماء اما كون قتلتك اصلان كون لقيت الادلة كون خليتك تعفن فالحباسات
خالد؛شيماء ديالي اجود هدا المرة مستحيل نخليها ليك
جود؛نتا راك مختل عقليا مريض
خالد؛مريض بحبها لشيماء
جود طلق من يدي ومشاء لعند جود بقا ايضرب فيه اضرب فيه حتى سخف خالد ورجعو كلو دميات انا كانغوت لربي لي خلقني ااناس كايفرقوا فجود ولا همجي مبغاش اتفاك معاه ...شفت القضية حماضت وانا نمشي بالجرى عنقت جود وهو يبعد عليه وجاء معنقني كيبوس فوق راسي وصدروا كيطلع ويهبط وكيغوط ..
انا:جود يلاه نمشيوا عفاك
وقفت جود هزيت صاكي الله درنا جوج خطوات
خالد؛شيماء ....
خالد؛شيماء
انا:(تلفتت )اش كاين
خالد؛كنبغيك
بغا جود امشي لعندو مي شديتو فيديه كنجروا اصلان خالد كلوا دمايات الى بقا هكاك غير غادي يقتلوا جود ...ركبنا فالطموبيل وجود ..سايق بسرعة فايقة انا درت الصمت من الخوف مي كنحاول نخبي خوفي ....شعلت الموسيقة وطفاها وهو باقي غادي بسرعة شوية شاف فيا ورجع وجهوا .حتى وصلنا امام الدار بغيت نزل وهو يشدني فيدي ....
جود؛صافي اتنزلي لا سلام لا كلام
انا:انا الحاجة لفيا مكنحزرش او مكنحملش نرضي شي حد خصوصا الا انا مدرت ليه والو
جود؛شيماء هو كان كيقول ليك كيبغيك علاش كتمنعيني من انني نضربوا
انا:كاع داكشي مكفاكش مشفتيش كيف رجعتيه نكونوا شوية واقعين
جود؛(كيشوف فيا )اتخدمي غدا
انا:اه انخدم
جود؛عفاك لا
انا:(بستو فحنكوا)نتا عارفني راسي قاسح وبزاف مغديش نرضى ببساطة
جود؛(قربني لعندوا )اصلان هكا بالضبط بغيتك
انا:اممم الله اجعلني نتيق ...
مزال مكملت كلامي حتى كيطبع قبلة على شفايفي وانا بدوري نساجمت معه ....كل واحد فينا كيقبل الاخر بشوق ...وحب بقينا هكاك مدة معينة حتى وعيت وانا ندفع جود وابتسمت
انا:تصبح على خير
جود؛شيماء
انا:(باستغراب)اشنو
جود؛اجي نقول ليك
مشيت عندوا وهو يقرب لودني وغوط .
جود؛كنبغييييييييك
انا:(شادة ودني)حشومة عليك اي ودني
جود؛هههه سيري دبا
انا:انرجعها ليك فالساعة الخير هانتا عقل
دخلت للدار عاد مشا جود . حليت باب الدار كيف ما خليتها مشيت بدلت حويجي لبست بيجامة طويلة ..ومشيت نطل على ابتسام مي بيتها مكايناش فيه طليت على حوايجها هما فبلاصتهم ...هزيت تلفوني كنصوني عليها مي مكتجوبش وبقيت نصوني ......
وصلات حبيبتي شيماء لدار بمجرد حطيت شفايفي على شفايفها نسيت الدنيا وهمومها نسيت راسي نسيت كلشي ...حسيت براسي فعالم آخر بقيت معاها وهيا حاطة ايديها مورا عنقي حسيت بيها تجاوبات معيا كتقبلني بحب وشغف ..بقيت حدا الباب حتى عرفتها دخلات وانا نركب ومشيت بسرعة لنفس لمطعم نخلص فخالد كاع داكشي لمخلتنيش شيماء نديروا ليه ...مشيت للمطعم قلبت مالقيتوش سولت مول المطعم قال ليا مشا تعصبت ...ومشيت للدار دخلت شعلت الاضواء ومشيت دخلت لبيتي دوشت وانا تحت الرشاشة دالماء كنفكر فهدشي ليكيوقع ....نكدب عليكم الا قلت انا مخايفش لا ماشي من شي واحد او من شي حاجة بل خايف نخسر شيماء خايف القدر افرقنا خايف لا منقدرش نشوفها تاني خايف لا منسمعش من فمها كلمة كنبغيك كيفاش انقدر نعيش بلا بيها وانا عاد لقيتها ....
خرجت من الدوش لبست شورط ومشيت حاط راسي على المخدة باغي نعس مي عيني مباغيينش اتسدوا هاز تلفوني كنشوف فتصويرت محبوبتي وهيا ناعسة كي الملاك بقيت ندور من هنا لهنا قلبي مقبوض عليا .....وانا نوض لبست تشورت فالبيض ولحت كويرة وخرجت .. ركبت فسيارتي كانت الساعة جوايه 1 داليل مهمنيش بل انا ليهمني انني نتكلم مع شيماء نحضنها ...واخيرا وصلت نزلت ومشيت دقيت وهيا تحل ليا كان مصدومة.......
بقيت نصوني على ابتسام مي لا حياة لمن تنادي ...حطيت تلفون ومشيت لكوزينة نشرب حتى كنسمع الباب كيدق على بالي ابتسام ...مي تفاجئت بجود ليكان اكتر من وسيم شعروا فازك ولابس شورط جاه اهبل مع التشورت الابيض ليجاه كايهبل مع اللحية والعوينات القهويين ....
انا:جود ياك لاباس
جود؛(وهو يدخل)لاباس
انا:قلت ليك دخل
جود:راه كاين لبرد بغيتي حبيبك امرض
انا:اش جابك لهنا
جود؛جيت متخافيش مغديش نبات عندك
انا:شوف اخويا انا ممسالياش ليك باغا نعس
جود؛(جرني من يدي وجيت كالسة على رجليه )اولا اخرة مرة نسمع ديك خويا لابصاح نصدق خاوي ليك الضراس بمعنى نهرس فمك..تانيا ...انا مافياش النعاس وبغيت غير نحضنك ونمشي ....
انا؛(حيدت من فوق رجليه وكلست حداه حاطة راسي فوق صدروا معنقاه)جود ومن بعد اشنو ...اشنو مصير هدشي....يلاااه راه مابقى قد مافات
